تازہ ترین

Marquee xml rss feed

نعیم الحق نے شہباز شریف کے پروڈکشن آرڈر ضبط کرنے کی دھمکی دے دی شہباز شریف اور اس کے چمچوں کی اتنی جرات کہ وہ قومی اسمبلی میں وزیر اعظم پر ذاتی حملے کریں۔کیا وہ جیل میں ... مزید-وزیراعظم کا سانحہ ساہیول پر وزراء متضاد بیانات پر سخت برہمی کا اظہار آئندہ بغیر تیاری میڈیا پر بیان بازی نہ کی جائے انسانی زندگیوں کا معاملہ ہے کسی قسم کی معافی کی گنجائش ... مزید-5 ارب روپے قرض حسنہ کیلئے مختص کرنا خوش آئند ہے، فنانس بل میں غریب آدمی کو صبر کا پیغام دیا گیا ہے امیر جماعت اسلامی سینیٹر سراج الحق کی پارلیمنٹ ہائوس کے باہر میڈیا ... مزید-فنانس بل سے متوسط طبقہ کو ریلیف ملا ہے، عوام کا پیسہ عوام پر خرچ ہو گا، اپوزیشن کے پاس بات کرنے کو کچھ نہیں وفاقی وزیر آبی وسائل فیصل واوڈا کی پارلیمنٹ ہائوس کے باہر میڈیا ... مزید-صوبائی اسمبلی کے حلقہ پی ایس94 کے ضمنی الیکشن کے موقع پر سیکورٹی کو غیرمعمولی بنایا جائے، آئی جی سندھ-وزیر خزانہ اسد عمر کی طرف سے قومی اسمبلی میں پیش کردہ ضمنی مالیاتی (دوسری ترمیم) بل 2019 کا مکمل متن-جنوری کو ہونے والے ضمنی انتخابات کراچی کی سیاست میں نئی راہیں متعین کرے گا،مصطفی کمال پی ایس پی کسی فرد یا گروہ کا نام نہیں ہے بلکہ ایک تحریک کا نام ہے جو مظلوم و محکوموں ... مزید-ملک کا اقتصادی مستقبل کراچی کی معاشی ترقی میں مضمر ہے۔گورنر سندھ-سی پیک پاکستان اور چین کے مابین تعلقات کو مزید گہرا کرنے کے لئے مستحکم بنیاد، خطے کو منسلک کرنے میں اہم کردارادا کر رہا ہے، سی پیک تمام خطے میں امن و استحکام لانے میں ... مزید-احتساب عدالت اسلام آباد میں اسحاق ڈار کیخلاف آمدن سے زائد اثاثوں کے مقدمے میں دو مزید گواہوں کے بیانات ریکارڈ

GB News

بوا فقیر ابراہیم ہزاروں سوگواروں کی موجودگی میں آہوں سسکیوں میں خپلو میں سپر د خاک

Share Button

سکردو(محمد اسحاق جلال+شمیم بگٹی+سید نظام الدین تھلوی)صوفیہ نور بخشیہ مسلک کے روحانی پیشواءبوا فقیر ابراہیم کو ہزاروں سوگواروں کی موجودگی میں آہوں سسکیوں میں خپلو میں سپر د خاک کر دیا گیا تدفین کے موقع پر رقت آمیز مناظر دیکھنے میں آئے مرحوم کے مرید غم سے نڈھال تھے مرحوم کی نماز جنازہ ہائی سکول خپلو کے گراونڈ میں اداکی گئی معروف عالم دین مفتی سید جمال الدین نے نماز جنازہ پڑھائی نماز جنازہ میں ہزاروں لوگوں کے علاوہ سپیکر قانون ساز اسمبلی حاجی فدا ناشاد ، صوبائی وزیر حاجی ابراہیم ثنائی ،رکن اسمبلی میجر(ر) محمد امین ، محمد شفیق،پیپلزپارٹی کے صوبائی جنرل سکریٹری انجینئر اسماعیل اور دیگر سیاسی مذہبی شخصیات نے شرکت کی بوا فقیراور حادثے میں جاں بحق ہونے والے مریدوں کی میتیں سکردو سے 8گھنٹے کی طویل مسافت کے بعد خپلو پہنچیں ہمایوں پل ، غواڑی ، کھر فق، کورو ، براہ میں نماز جنازہ ادا کی گئی اور مریدوں نے بوافقیر اور ان کے ساتھیوں کی میتوں کو کندھا دیا جگہ جگہ پر لوگ آہ وزاری کرتے رہے سرپیٹ کرمرید اپنے پیشواءکو خراج عقیدت پیش کرتے رہے بوا فقیر اپنے 7مریدوں کے ہمراہ گزشتہ روز سدپارہ روڈ پر ٹریفک کے المناک حادثے میں جاں بحق ہو گئے تھے بوا فقیر کی دو بیگمات تھیں اور ان کی چار بیٹیاں اور 2بیٹے ہیں مرحوم کا جسد خاکی اٹھا تو کہرام مچ گیا اور 3درجن سے زائد مریدرو، روکر بے ہو ش ہو گئے جامع مسجد چقچن کے خطیب مولانا عبدالسلام نے بو ا فقیر ابراہیم کی نماز جنازہ میں شریک افراد سے خطاب کرتے ہوئے کہاکہ الحاج ابراہیم عرف بوافقیر بڑے عالم دین تھے انہوں نے ہمیشہ اسلام کی تبلغ کو اپنا شعار بنایا زندگی بھر ریا ضت کی اور اپنے ہزاروں مرید پیدا کئے لوگوں نے مرحوم کے ساتھ 90،90روز تک بھی اعتکاف کیا انہوں نے کہا کہ بوافقیر ابراہیم بڑے سخی انسان تھے کوئی بھی شخص ان کے گھر سے بھوکا واپس نہیں جاتا تھا لیکن آج ان کی رحلت کے بعد غریبوں کے گھروں میں فاقہ کشی شروع ہو گئی ہے انہوں نے کہاکہ بوا فقیر کے افکارکو ہمیشہ یاد رکھیں گے سپیکر حاجی فدا ناشاد نے کے پی این سے بات چیت کرتے ہوئے کہا کہ بوا فقیر کی حادثاتی موت یقیناً ایک عظیم سانحہ ہے اس سانحے پر پوری قوم غمزدہ ہے تمام مکاتب فکر کے لوگوں نے بوا فقیر کی نماز جنازہ میں شرکت کر کے اتحاد بین المسلمین کا بڑا پیغام دیا ہمیں اتحاد بین المسلمین کے جذبے کو پروان چڑھا نا چاہئے صوبائی وزیر تعلیم حاجی ابراہیم ثنائی نے کہاکہ بوا فقیر ابراہیم عظیم شخصیت کے مالک تھے ان کی موت سے صوفیہ نور بخشیہ مسلک کو ناقابل تلافی نقصان پہنچاسابق رکن اسمبلی آمنہ انصاری ایڈووکیٹ نے کہا کہ بوا فقیر تمام مریدوں کو تنہا چھوڑ کر چلے گئے ان کی خدمات شاندار ہیں انہیں یاد رکھا جائے گا دریں اثناءبوا فقیر اور ان کے مریدوں کی موت کے سوگ میں گانچھے میں تجارتی مراکز بند رہے اور ضلع بھر میں عام تعطیل رہی ۔

Facebook Comments
Share Button