تازہ ترین

Marquee xml rss feed

شیریں مزاری نے ایران میں سیاہ برقع کیوں پہنا؟ ایران میں خواتین کا سر کو ڈھانپ کر رکھنا سرکاری طور پر لازمی ہے، اس قانون کا اطلاق زوار، سیاح مسافر خواتین، غیر ملکی وفود ... مزید-وفاقی وزیر برائے تعلیم کا پاکستان نیوی کیڈٹ کالج اورماڑہ اور پی این ایس درمان جاہ کا دورہ-پاکستانی لڑکیوں سے کئی ممالک میں جس فروشی کروائے جانے کا انکشاف لڑکیوں کو نوکری کا لالچ دیکر مشرق وسطیٰ لے جا کر ان سے جسم فروشی کرائی جاتی ہے، اہل خانہ کی جانب سے دوبارہ ... مزید-جدید بسیں اب پاکستان میں ہی تیار کی جائیں گی، معاہدہ طے پا گیا چینی کمپنی پاکستان میں لگژری بسوں اور ٹرکوں کا پلانٹ تعمیر کرے گی، 5 ہزار نوکریوں کے مواقع پیدا ہوں گے-وفاقی وزارتِ مذہبی امور نے ملک میں ایک ساتھ رمضان کے آغاز کے لیے صوبوں سے قانونی حمایت مانگ لی ملک بھر میں ایک ہی دن رمضان کے آغاز کے لیے وزارتِ مذہبی امور نے صوبائی اسمبلیوں ... مزید-جہانگیر ترین یا شاہ محمود قریشی، کس کے گروپ کا حصہ ہیں؟ وزیراعلی پنجاب نے بتا دیا میں صرف وزیراعظم عمران خان کی ٹیم کا حصہ ہوں، کسی گروپنگ سے کوئی تعلق نہیں: عثمان بزدار-اسلام آباد میں طوفانی بارش نے تباہی مچا دی جڑواں شہروں راولپنڈی، اسلام آباد میں جمعرات کی شب ہونے والی طوفانی بارش کے باعث درخت جڑوں سے اکھڑ گئے، متعدد گاڑیوں، میٹرو ... مزید-گورنر پنجاب چوہدری سرور کی جانب سے اراکین اسمبلی،وزراء اور راہنماؤں کے لیے دیے جانے والے اعشائیے میں جہانگیرترین کو مدعونہ کیا گیا 185میں سے صرف 125اراکین اسمبلی شریک ہوئے،پرویز ... مزید-بھارت کی جوہری ہتھیاروں میں جدیدیت اور اضافے سے خطے کا استحکام کو خطرات لاحق ہیں،ڈاکٹر شیریں مزاری جنوبی ایشیاء میں ہتھیاروں کی دوڑ سے بچنے کیلئے پاکستان کی جانب سے ... مزید-وزیراعلیٰ خیبرپختونخوا نے ضلع کرم میں میڈیکل کالج کے قیام اور ڈسٹرکٹ ہیڈکوارٹر ہسپتال کی اپ گریڈیشن کا اعلان کردیا ضلع کرم میں صحت اور تعلیم کے اداروں کو ترجیحی بنیادوں ... مزید

GB News

سی پیک میں گلگت بلتستان کو حصہ تب ملے گا جب یہاں کے ادارے فزیبلیٹی رپورٹ تیار کر کے دیں گے،جعفراللہ

Share Button

سکردو(محمد اسحاق جلال)ڈپٹی سپیکر قانون سازاسمبلی جعفراللہ نے کہاہے کہ ہمارے اداروں کے اندر بعض نااہل ، ناسمجھ اور کرپٹ لوگ بیٹھے ہیں ان کی وجہ سے ابھی تک ہمارے ترقیاتی منصوبوں کے پی سی ون نہیں بنے ہیں لیکن اداروں میں بعض اچھے لوگ بھی ہیں ہم ان کے خلاف کچھ نہیں کہتے کے پی این سے بات چیت کرتے ہوئے انہوں نے کہاکہ ہم حال ہی میں چائینہ کے دورے سے واپس آئے ہیں ہم نے چائینز حکومت کے ذمہ داران سے ملاقاتیں کیں اور ان سے مطالبہ کیا کہ ہمیں پاک چین اقتصادی راہداری منصوبے میں حصہ دیا جائے لیکن انہوں نے کہاکہ زبانی مطالبات اور باتوں سے گلگت بلتستان کو سی پیک میں حصہ نہیں دیا جاسکتا حصہ لینے کےلئے گلگت بلتستان کی جانب سے باقاعدہ سفارشات آنی چاہئیں اور فزیبلیٹی رپورٹ تیار کر کے بھیجی جانی چاہئے لیکن ابھی تک گلگت بلتستان کی جانب سے سی پیک میں حصہ لینے کےلئے کوئی رپورٹ نہیں آئی ہے انہوں نے کہاکہ چائینہ والے بالکل ٹھیک کہتے ہیں کہ پہلے فزیبلیٹی رپورٹ تیار کرنی چاہئے لیکن رپورٹ تیار کرنا میرا کام نہیں ہے فزیبلیٹی رپورٹ اداروں نے تیار کرنی ہے لیکن یہ بات ہم سمجھنے سے قاصر ہےں کہ ادارے ابھی تک فزیبلیٹی رپورٹ تیار کرنے میں کیوں ناکام ہیں؟انہوں نے کہا کہ سی پیک میں گلگت بلتستان کو حصہ تب ملے گا جب یہاں کے ادارے فزیبلیٹی رپورٹ تیار کر کے دیں گے ابھی تک رپورٹ ہی تیار نہیں کی گئی تو سی پیک میں حصہ کس طرح ملے گا ہم محرم الحرام کے بعد اداروں کے ساتھ بیٹھیں گے اداروں سے پوچھیں گے کہ ابھی تک سی پیک کی فزیبلیٹی رپورٹ کیو ں تیار نہیں کی گئی ہے؟ انہوں نے کہاکہ محکمہ صحت ، تعلیم ، بجلی کے سربراہان کو چاہئے تھا کہ وہ فزیبلیٹی رپورٹ تیار کر کے دیتے لیکن ان کی نااہلی کی وجہ سے تاحال سی پیک کی فزیبلیٹی رپورٹ تیار نہیں کی گئی انہوں نے کہاکہ بیور کریسی میں بیٹھے بعض برے، ناسمجھ اور نااہل لوگوں کی وجہ سے ہمارے ترقیاتی منصوبے جمود کا شکار ہیں ہم نے اسمبلی کے اندر بھی کہا ہے کہ اب بھی کہتے ہیں کہ بیورو کریسی میں بیٹھے برے اور نا اہل لوگوں کو خود کو ٹھیک کرنا ہوگا جب تک یہ لوگ ٹھیک نہیں ہوں گے ہمارے مسائل حل نہیں ہوسکتے انہوں نے کہاکہ گلگت بلتستان کو جلد آئینی حقوق ملیں گے سابق اور موجود ہ اسمبلی نے مکمل آئینی صوبے کے حق میں قراردادیں منظور کی تھیں تاہم ابھی صوبہ بنانے یا آزاد کشمیر کاسیٹ اپ دینے کاکوئی حتمی فیصلہ نہیں کیا گیا ہم نے چند ہفتہ قبل آئینی کمیٹی کے سربراہ اور وزیر خارجہ سرتاج عزیز سے ملاقات کی تھی انہوں نے کہاکہ گلگت بلتستان کو ڈیڑھ سے دو ماہ میں آئینی حقوق ملیں گے لیکن پاک بھارت کشیدگی کے باعث آئینی حیثیت کے تعین کا کام تاخیر کا شکار ہورہا ہے وزیر خارجہ سمیت آئینی کمیٹی کے ممبران موجودہ حالات پر پریشان ہیں جیسے ہی حالات ٹھیک ہو ں گے آئینی حیثیت کا تعین ہو گا انہوں نے کہاکہ شیعہ ، سنی ، شین ، یشکین کے جھگڑوں نے گلگت بلتستان کو تباہی کے دہانے پر پہنچادیا حالات اس بات کی اجازت نہیں دیتے ہیں کہ ہم مختلف گروہوں میں بٹ کر لڑتے رہیں ہمیں تمام اختلافات بھلا کر ایک قوم بننے کی ضرورت ہے انہوں نے کہاکہ محرم الحرام کے پر امن انعقاد کے لئے سکیورٹی کے انتہائی سخت انتظامات کئے گئے ہیں ہم نے فول پروف سکیورٹی کا بندوبست کرلیا ہے انشاءاللہ تمام مسالک کے عوام کے تعاون سے محرم الحرام پرامن گزرجائیگا کہیں کوئی ناخوشگوار واقعہ پیش نہیں آئے گا ۔

Facebook Comments
Share Button