GB News

باکسنگ ڈے ٹیسٹ،پاکستانی بائولرز نے بیٹسمینوں کی محنت پر پانی پھیر دیا،میچ ڈرا کی جانب گامزن

Share Button

کینگروز کپتان اسٹیون اسمتھ کی سنچری کی بدولت آسٹریلیا نے پاکستان کیخلاف دوسرے ٹیسٹ میچ میں 6وکٹوںکے نقصان پر 465رنز بنا کرپہلی اننگز میں22رنز کی برتری حاصل کر لی ہے لیکن بارش کی مسلسل مداخلت کے سبب میچ ڈرا کی جانب گامزن ہے۔آسٹریلیا کی جانب سے سٹیو سمتھ100رنز بنا کر ناقابل شکست ہیں جبکہ عثمان خواجہ97،ہینڈز کومب54،نک میڈنسن 22 رنز بنا کر آئوٹ ہوئے ۔پاکستان کی جانب سے وہاب ریاض، سہیل خان اور یاسر شاہ نے دو دو وکٹیں حاصل کیں۔تفصیلات کے مطابق جمعرات کو میلبورن میں میچ کے چوتھے آسٹریلیا نے اپنی اننگز 278 رنز2 کھلاڑی سے دوبارہ شروع کی تو دن کی ابتدا میں ہی پاکستان کو عثمان خواجہ کی شکل میں اہم کامیابی ملی جو 97 رنز بنانے کے بعد نروس نائنٹیز کا شکار ہوئے۔اس موقع پر امید تھی پاکستانی ٹیم یکے بعد دیگرے وکٹیں لے کر میچ میں واپس آ جائے گی لیکن اسمتھ نے نئے بلے باز پیٹر ہینڈزکومب کے ساتھ 92 رنز کی شراکت قائم کر کے اپنی ٹیم کو مضبوط مقام تک پہنچا دیا۔ہینڈز کومب کی اننگز 54 رنز پر تمام ہوئی تو نک میڈنسن بھی 22 رنز سے زیادہ نہ بنا سکے اور یاسر شاہ کی وکٹ بن گئے۔میتھیو ویڈ بھی ٹیم کی اچھی پوزیشن کا فائدہ اٹھانے میں ناکام رہے اور نو رنز بنانے کے بعد پویلین لوٹے لیکن دوسرے اینڈ پر موجود اسٹیون اسمتھ نے عمدہ کھیل کا مظاہرہ کرتے ہوئے اپنی 17ویں سنچری مکمل کی۔یہ ان کی میلبورن کرکٹ گرانڈ پر باکسنگ ڈے ٹیسٹ میں لگاتار تیسرے ٹیسٹ میچ میں سنچری ہے جہاں اس سے قبل وہ ہندوستان اور ویسٹ انڈیز کے خلاف ٹیسٹ میچوں میں بھی یہ کارنامہ انجام دے چکے ہیں۔اس اننگز کے ساتھ ہی انہوں نے رواں سال اپنے ہزار رنز بھی مکمل کر لیے اور لگاتار تیسرے سال یہ کارنامہ انجام دیا۔جب بارش کے سبب کھیل کو چائے کے وقفے سے قبل روکا گیا تو آسٹریلیا نے چھ وکٹ کے نقصان پر 465 رنز بنائے تھے، اسمتھ 100 اور مچل اسٹارک سات رنز بنا کر وکٹ پر موجود ہیں۔پاکستان کی جانب سے وہاب ریاض، سہیل خان اور یاسر شاہ نے دو دو وکٹیں حاصل کیں۔بارش کے سبب میچ دوبارہ شروع نہ ہو سکا اور چوتھے دن کے اختتام تک آسٹریلیا کو پہلی اننگز میں 22 رنز کی برتری حاصل ہے اور دونوں ٹیموں کی بقیہ ایک ایک اننگز کو دیکھتے ہوئے اس میچ کے ڈرا ہونے کے قوی امکانات ہیں۔

Facebook Comments
Share Button