تازہ ترین

Marquee xml rss feed

گوجرانوالہ میں پاک فوج اور عدلیہ کے حق میں ریلی ، نعرے بھی لگائے گئے-حکمران عوام کی حالت زار بدلنے کے معاملے پر ڈنگ ٹپائو پالیسیوں پر عمل پیرا ہیں ‘ مسرت چیمہ عوام نے موقع دیا تو صحت اور تعلیم سمیت بنیادی ضروریات کی فراہمی اولین ترجیح ہو ... مزید-عروج کے دنوں میں شوبز کو چھوڑنا میرے لیے باعث فخر ہے ‘ اداکارہ زاریہ بٹ-کسی بھی فلم کی کامیابی کیلئے سکرپٹ کا اچھا اور معیاری ہونا لازمی ہے‘ صائمہ نور-گلوکارہ حمیرا چنا سیرو تفریح کے لئے دبئی روانہ-عالمی شہرت یافتہ اداکار وکمپیئر معین اختر کی ساتویں برسی (آج )منائی جائے گی-اداکارہ شیزہ بٹ پر فیصل آباد میں قاتلانہ حملے کے ملزمان تاحال گرفتار نہ ہوسکے پولیس کی پراسرار خاموشی /پاکستان میں فن اور فنکاروں کی جان و مال کی کوئی قدر نہیں‘ شیزہ ... مزید-انعامی بانڈ زپر ٹیکس کی شرح کم کی جائے ‘ پی ٹی آئی کی پنجاب اسمبلی میں قرارداد-حکومتی پالیسیوں سے آئی سی یو میں پڑی معیشت کی سانسیں بحال ہو ئی ہیں‘ (ن) لیگ ٹریڈرز ونگ تاجروں نے نا مساعد حالات کے باوجود ٹیکسز کی ادائیگی کر کے معیشت میں کلیدی کردار کو ... مزید-ملک کو مثبت سمت میں آگے لیجانے کیلئے تمام اسٹیک ہولڈرز کا ایک پیج پر ہونا نا گزیر ہے ‘آل پاکستان انجمن تاجران معیشت کو درپیش مسائل کے حل ،قومی معاملات میں اتفاق رائے کیلئے ... مزید

GB News

سکردومیں پھرمظاہرے

Share Button

سکردو(چیف رپورٹر) بجلی کے طویل ترین بریک ڈاؤن کے خلاف سکردو میں جگہ جگہ پر احتجاجی مظاہرے کئے گئے تاجروں اور شہریوں نے مختلف مقامات پر ٹائرجلا کر سڑکیں بلاک کر دیں جس کے باعث علمدار چوک، حسینی چوک ، یادگار چوک ، بے نظیر چوک کے علاقے میں ٹریفک کی روانی بری طرح متاثر ہو کر رہ گئی اور مسافروں کو شدید پریشانی کا سامنا کرنا پڑا مختلف مقامات پر ہونے والے احتجاجی مظاہروں میں حکومت کے خلاف شدید نعرے بازی کی گئی یادگار چوک پر مظاہرین سے خطاب کرتے ہوئے انجمن تاجران کے عہدیداروں غلام حسین اطہر ،عباس سبزواری ، پی پی کے رہنما عبداللہ حیدری ،نجف علی اور دیگر مقررین نے کہا کہ سکردو شہر ان دنوں بجلی کے سنگین بحران سے دوچار ہے مگر وزیر پانی وبجلی جھوٹ کی سیاست کر رہے ہیں واپڈا کو ایک ارب سے زائد رقم فراہم کرنے کے بجائے صوبائی وزیر پانی وبجلی دعویٰ کر رہے ہیں کہ واپڈاکو 2018تک کے بقایا جات ادا کردیئے گئے ہیں انہوں نے کہا کہ واپڈا کے تمام پاور ہاوسز بیٹھ گئے ہیں حکومت تماشائی بن گئی ہے انہوں نے کہاکہ بجلی کی طویل ترین بندش کے باعث معمولات زندگی رہم برہم ہوگئے ہیں اور تاجروں کو بڑے مسائل درپیش ہیں انہوں نے کہاکہ جب بجلی بحال نہیں کر سکتی ہے تو حکومت صا ف صاف بتا دے ہم اپنا بندوبست خود کریں گے انہوں نے کہاکہ سکردو شہر کے مسائل روز بروز بڑھ رہے ہیں کسی کو ہمارے مسائل کا کوئی خیال نہیں ہے انہوں نے کہاکہ ہم پر امن لوگ ہیں ہمیں امن پسندہونے کی سزا دی جارہی ہے ہم پچھلے کئی عرصے سے احتجاج نہیں کر رہے تھے مگر تنگ آکر سڑکوں پر آنا پڑا انہوں نے کہاکہ بجلی بحران پر قابو پانے میں حکومت ناکام ہو گئی واپڈا اور محکمہ برقیات کی جنگ نے عوام کو ذہنی مریض بنادیا گورنر معاملے کا نوٹس لیں اور حکومت کو بحران ختم کرانے کا حکم دیں انہوں نے کہاکہ سکردو میں تجارت تباہ ہو گئی ہے لیکن حکومت سیر سپاٹوں میں مصروف ہے عوام کے پیسے وزرا اپنی عیاشیوں پر خرچ کر رہے ہیں یہی وجہ ہے کہ سکردو میں بحران روز بروز بڑھتا جارہا ہے انہوں نے کہاکہ سکردو میں یکم جنوری سے بحران روز بروز بڑھ رہا ہے واپڈا کے تمام بجلی گھر خراب ہو گئے ہیں۔

Facebook Comments
Share Button