تازہ ترین

Marquee xml rss feed

پاک فوج نےالیکشن میں دھاندلی نہ ہونےکی یقین دہانی کروائی 2013ء میں بھی انتخابات دھاندلی کا شکارہوگئےتھے،کراچی میں ایم کیوایم اور پنجاب میں ن لیگ نےدھاندلی کی۔پی ٹی آئی ... مزید-کلثوم نوازکی بیماری ڈھونگ ہے،ہمارےبھی وہاں ذرائع ہیں،نعیم الحق کلثوم نوازتیزی سےصحتیاب ہورہی ہیں، ہماری دعائیں ان کیساتھ ہیں،دعا ہے کہ کلثوم نوازجلدازجلد صحتیاب ہوکر ... مزید-عوامی ورکرز پارٹی کا تحریک انصاف ،ن لیگ اور دیگر سیاسی جماعتوں کے امیدواروں کو ایک ہی پلیٹ فارم پر اپنا منشور عوام کے سامنے پیش کرنے کا چیلنج نتخابات کے موقع پر ہی نظر ... مزید-نوازشریف کے ساتھ کیا اختلافات تھے مناسب وقت پر سچ سچ بتائوں گا ، کوئی ٹکٹ کے ساتھ آئے یا بغیر ٹکٹ کے یہاں کے عوام انہیں رد کریں گے، مجھے کشمیریوں کے قاتل راج ناتھ کو جواب ... مزید-صاف پانی سیکنڈل کیس ،نیب کا شہباز شریف کیلئے 25 سے زائد سوالات پر مشتمل سوالنامہ تیار-پشاور،مزدور کسان پارٹی کا انتخابات 2018میں قومی وطن پارٹی کے امیدواروں کی مکمل حمایت کا اعلان-پی ٹی آئی ایک پاکستان کا نعرہ لگا رہی ہے اور پارٹی ٹکٹ امیروں اور سرمایہ داروں میں تقسیم کئے، آفتاب شیر پائو ہم نے پارٹی ٹکٹوں کی تقسیم میرٹ پر کی ہے اور اہل امیدواروں ... مزید-متحدہ مجلس عمل پی کے 79 کے زیر اہتمام علماء کنونشن کل ہو گا،ملک نوشاد خان-تحریک انصاف سمیت دیگرسیاسی جماعتیں ایم ایم اے کے پانچ سالہ دوراقتدارکامقابلہ نہیں کرسکتی ہیں،حاجی غلام علی-آنے والے الیکشن انتہائی اہم اور اس ملک کی تقدیر کے لئے فیصلہ کن ہیں، اسد قیصر

GB News

گلگت میں دہشتگردی کے خطرے کے پیش نظر سکیورٹی کے فول پروف انتظامات

Share Button

ڈپٹی کمشنر گلگت محمد حمزہ سالک نے کہا ہے کہ وفاقی تحقیقاتی اداروں نے خبر دار کیا ہے کہ سی پیک منصوبے میں خلل ڈالنے کے دشمن ممالک کی خفیہ ایجنسیاں کام کر رہی ہیں جس کی وجہ سے گلگت میں دہشت گردی کا خطرہ ہوسکتا ہے لہذا سیکیورٹی کے فول پروف انتظامات کئے جائیں اس لئے مقامی انتظامیہ نے شہر کے داخلی اور خارجی راستوں پر سیکورٹی کے موثر انتظامات کئے ہیں ڈی سی آفس میں پریس بریفنگ سے خطاب کرتے ہوئے ڈپٹی کمشنر نے کہا کہ دہشت گردی کے تھریٹ سے گزشتہ دنوں آگاہ کیا گیا ہے خدا کے فضل و کرم اور سیکیورٹی انتظامات کے باعث علاقے میں امن کا دور دورہ اور شر پسندوں کے عزائم خاک میں مل گئے ہیں انہوں نے کہا کہ شاہر اہ قراقرم پر سیکیورٹی چیک پوسٹوں کی تعداد بڑھا دی گئی ہے ۔ ٹر کوں کو چیک کیا جاتا ہے ۔ عام گاڑیوں کو بھی چیک جاتا ہے جبکہ مخبر کی اطلاع پر بھی کاروائی عمل میں لائی جاتی ہے ۔انہوں نے کہا کہ ملک کے دیگر علاقوں کی طرح گلگت میں بھی خانہ و مردم شماری کا آغاز ہو گیا ہے شمار کنندہ کے ساتھ پاک فوج کے جوان بھی مردم شماری میں حصہ لے رہے ہیں 18 سال بعد ہونے والی مردم شماری کا مقصد آبادی کے بارے میں اصل معلومات حاصل کرنا ہے غلط معلومات دینے والے افراد کو 6 ماہ قید اور 50 ہزار روپے جرمانے کی سزا ہوگی۔ انہوں نے کہا کہ خانہ و مردم شماری کے دوران سیکورٹی کے سخت انتظامات کئے گئے ہیں ٹیموں کے قریب کیوآرایف کی ٹیمیں تعینات کی گئی ہیں تاکہ کسی بھی ناگہانی صورت میں فوری ایکشن لیا جا سکے۔ڈپٹی کمشنر نے ایک سوال کا جواب دیتے ہوئے کہا کہ نیشنل ایکشن پلان کے تحت گھروں اور ہوٹلوں میں رہائش پذیر افراد اپنے بارے میں معلومات مقامی تھانے میں جمع کرانے کے پابند ہیں ہوٹل مالکان یا مکان کرایہ داروں نے اپنے کوائف تھانوں میں جمع نہیں کرائے تو ان کے خلاف سخت قانونی کاروائی کی جائے گی ۔ ڈی سی گلگت نے کہا کہ ضلع گلگت میں تمام غیر مقامی بھکاریوں کو اگلے دو دنوں میں ضلع بدر کیا جائے گا تاکہ گلگت شہر میں غیر مقامی بھکاریوں کی بھر مار ختم ہو سکے ۔

Facebook Comments
Share Button