تازہ ترین

Marquee xml rss feed

بجٹ2017-18ء:4800ارب روپے کا وفاقی بجٹ قومی اسمبلی میں پیش کردیاگیا ترقیاتی بجٹ کاحجم 1001ارب ،آئندہ مالی سال کیلئے ترقی کاہدف 6فیصداور محصولات کاتخمینہ 5310ارب روپے لگایاگیاہے،جبکہ ... مزید-سپارکو کے جاری اور نئے ترقیاتی منصوبوں کیلئے ایک ارب روپے کی غیرملکی امداد سمیت 3 ارب 50 کروڑ روپے مختص-کسانوں پرتشددہوا،واقعے پرایوان سے واک آؤٹ کرینگے،اپوزیشن لیڈرخورشیدشاہ-وفاقی کابینہ نے آئندہ مالی سال 2017-18ء کی بجٹ اور ٹیکسیشن تجاویز کی منظوری دیدی-وزیر داخلہ سندھ نے گلشن معمار تھانے میں چار بھائیوں کے خلاف درج مقدمے کا نوٹس لے لیا-نیب ہیڈکوارٹرز اور تمام علاقائی بیوروز کی کارکردگی میں نمایاں بہتری آئی ہے گذشتہ تین ماہ کے دوران نیب کے پراسیکیوشن کی مجموعی کارکردگی 79 فیصد رہی چیئرمین نیب قمر زمان ... مزید-کراچی ،نقل کرانے کا الزام، سپلا نے انٹر کے امتحانات کا بائیکاٹ کردیا سپلا کی جانب سے امتحانا ت کا بائیکاٹ کرنے پر انٹر کے پیپرز پر غیر یقینی کی صورتحال پیدا ہوگئی،طلبہ ... مزید-سند ھ ہائیکورٹ،ڈاکٹرعاصم کی جائیداد اور کاروبار سنبھالنے کے لئے پاور آف اٹارنی ان کے بیٹے کو دینے کی درخواست مسترد-یونان سے 33 پاکستانیوں کو ڈی پورٹ ، امیگریشن حکام نے گرفتار کر کے جیل بھجوا دیا ْ33پاکستانی غیر قانونی راستے سے یونان پہنچے تھے ،یورپ جانے کی کوشش میں گرفتار کیا گیا تھا ... مزید-کراچی، مختلف کارروائیوں میں 5ملزمان گرفتار، آوان بم برآمد ڈکیتی مزاحمت پر ایک شخص زخمی ہو گیا ،سرجانی اور بلدیہ سے دو افراد کی لاشیں ملیں

GB News

گلگت بلتستان کی بنجر داسس کو آباد کرنے کیلئے گلگت بلتستان حکومت نے 13ارب روپے سے ایفاد پراجیکٹ کا منصوبہ شروع کیا ہے،وزیراعلیٰ

چلاس(عمرفاروق فاروقی)وزیر اعلی گلگت بلتستان حافظ حفیظ الرحمن نے گوہر آباد کنو داس میں ایفاد پراجیکٹ کے تعان سے تعمیرہونے والی واٹر چینل کی افتتاحی تقریب سے خطاب کرتے ہوئے کہا کہ گلگت بلتستان کی بنجر داسس کو آباد کرنے کیلئے گلگت بلتستان حکومت نے 13ارب روپے سے ایفاد پراجیکٹ کا منصوبہ شروع کیا ہے ۔اس منصوبے سے گلگت بلتستان کی 8لاکھ اکنال بنجر راضی کو قابل کاشت بنایا جائیگا ۔اور فصلوں کو ملک کی منڈیوں تک پہنچانے کیلئے خریدار بھی پیدا کریں گے ،گوہر آباد کینو داس میں 19ہزار کنال اراضی کو قابل کاشت بنائیں گے اور داریل تانگیر کے اندر بھی بنجر داسس کو آباد کرکے عوام کو فائدہ پہنچا ئیں گے ۔انہوں نے کہا کہ گوہر آباد کے عوام ایفاد پراجیکٹ سے ضرور فائدہ لیں اور مل کر کینو داس واٹر چینل کو مکمل کرنے میں ہر فرد اپنا حصہ ڈالیں ۔انہوں نے کہا کہ ایفاد پراجیکٹ کے مستقبل میں اچھے ثمرات ملیں گے۔انہوں نے کہا کہ دیامر میں پوٹنشل کی کوئی کمی نہیں ہے ،یہاں کے عوام میں پاکستانیت کوٹ کوٹ کر بھری ہوئی ہے اور یہاں کے عوام اسلام پسند ہیں ،لیکن بدقسمتی سے قومیتوں کی تقسیم نے اس علاقے کو تباہ و برباد کرکے رکھ دیا ہے ،دیامر کے لوگ قومیت پرستی کی لعنت سے نکل کر اجتماعی مفادات کا سوچیں ۔انہوں نے کہا کہ دیامر کے عوام علاقیت اور قومیتوں میں تقسیم ہونے کی بجائے ایک قوم بنیں اورامن و امان سے زندگی گزاریں ۔انہوں نے کہا کہ گلگت بلتستان حکومت گلگت بلتستان اور دیامر کے لوگوں کی تقدیر بدل دے گی۔انہوں نے کہا کہ اس وقت گوہر آباد کے سو فیصد لوگ سرکاری ملازم ہیںاور یہاں کے لوگ تعلیم یافتہ ہیں ۔یہاں کے لوگ اپنی صلاحیتوں کو بروئے کار لاکرعوام کی خدمت کریں ۔تقریب سے خطاب کرتے ہوئے وزیر اعلی نے کیڈٹ کالج چلاس کا نام شبیر احمد عثمانی کیڈٹ کالج رکھ دیا اور عوام سے کیڈٹ کالج چلاس کی تعمیر کو ہنگامی بنیادوں پر مکمل کرنے کی یقین دہانی بھی کرائی ۔چلاس سرکٹ ہائوس کے باہر میڈیا سے گفتگو کرتے ہوئے وزیر اعلی گلگت بلتستان حافظ حفیظ الرحمن کہا کہ دیامر میں گزشتہ سال سے سک پراجیکٹ پر کام کا آغاز ہوچکا ہے اور گلگت بلتستان میں امن و امان کی صور تحال بہت بہتر ہوچکی ہے،امن کی بحالی میں علماء کرام ،اور صحافیوں کا کردار قابل ستائش ہے ۔انہوں نے کہا کہ دیامر کے مردہ منصوبوں کو ہنگامی بنیادوں پر مکمل کیا جائیگا ۔،گلگت بلتستان حکومت دیامر کی تعمیر و ترقی میں سنجیدہ ہے اور ترقیاتی منصوبوں کی تاخیر برداشت نہیں کی جائیگی ۔انہوں نے کہا کہ 200بیڈ کا چلاس ہسپتال اور24انچ کی گریٹرواٹر سپلائی سکیم کو اگلے ایک دو سال میں مکمل کیا جائیگا ۔چلاس شہر کی صفائی و ستھرائی کیلئے سالڈویسٹ مینجمنٹ پراجیکٹ منظور ہوچکا ہے ،جو اگلے سال جون سے پہلے پہلے چلاس میں باقاعدہ کام شروع کیا جائیگا ۔انہوں نے کہا کہ گلگت میں گلگت گیس ائیرمیکس پلانٹ لگایا جارہا ہے،وہاں کامیاب ہونے کے بعد دیامر اور سکردومیں بھی لانچ کیا جائیگا ۔انہوں نے کہا کہ داریل اور تانگیر میں زیر التوا منصوبوں کو پاک آرمی کی تعاون سے مکمل کر لیا گیا ہے داریل اور تانگیرمیں دو آرمی پبلک سکولز اور ایک 30بیڈ کا ہسپتال کی تعمیر مکمل ہوچکی ہے جس کا جون تک افتتاح بھی کر دیا جائیگا ۔انہوں نے کہا کہ داریل اور تانگیر میں تیزی سے ترقیاتی منصوبوں پر کام جاری ہے اور علاقے میں سڑکیں اور کھیلوں کے سٹیڈیم بن رہے ،چلاس میں واپڈا کے تعاون سے پولو گرونڈ بنایا جائیگا اور صوبائی حکومت چلاس ہائی سکول میں فٹ بال اور ہاکی کے گرونڈ بناکر دے گی ،تاکہ نوجوان نسل اپنی صلاحیتوں کو بروئے کار لاسکیں ۔انہوں نے کہا کہ حدود تنازعہ پاک آرمی کے تعاون سے حل کرنے کی کوشیش کررہے ہیں۔انہوں نے مزید کہا دیامر پریس کلب کیلئے آراضی اور بہترین بلڈنگ بنا کر دیں گے۔

Share Button