تازہ ترین

Marquee xml rss feed

عمران خان اور بشریٰ مانیکا کی شادی، ایک روز بعد ہی علیحدگی ہو جانے کی پیشن گوئی بھی کر دی گئی-چیئرمین چکوال پریس کلب خواجہ بابر سلیم کی سی آر شمسی کوقومی روز نامہ سماء اسلام آباد کا ریزیڈنٹ ایڈیٹر مقرر ہونے پر مبارکباد-سعداحسن قاضی اسلامی جمعیت طلبہ حیدرآباد کے ناظم منتخب-تحصیل ہیڈ کوارٹر حضرو میں ہفتہ صحت میلہ کے حوالے سے کیمپ لگایا گیا،افتتاح انجینئر اعظم خان اور احسن خان نے کیا-ایم فل ڈگری پروگرامز 2018ء کے تحت داخلے کے لیے ٹیسٹ میں کامیاب امیدواروں کے انٹرویوز 26 فروری کو ہوں گے-ڈپٹی کمشنر ڈاکٹر عمر جہانگیر کا ڈسٹرکٹ ہیڈ کوارٹر ہسپتال چکوال کا اچانک معائنہ،مریضوں کے مسائل دریافت کیے-اپنا چکوال اور شان پروڈکشن کی مشترکہ پیش کش مزاحیہ ڈارمہ عقل وڈی کے مج مکمل فروری کی شب اپنا چکوال چینل پر پیش کیا جائیگا-مقدمات کی تفتیش کے مد میں 55 لاکھ روپے جاری کردیئے گئے-پٹرولنگ پولیس دلیل پور نے کار میں غیر قانونی اور غیر معیاری سی این جی سلنڈر نصب کرنے پر ڈرائیور کوگرفتار کر لِیا-ڈاکٹر خادم حسین قریشی کا ٹنڈو الہیار ، ٹنڈو جام ، شاہ بھٹائی اسپتال لطیف آباد ، تعلقہ اسپتال قاسم آباد ، نوابشاہ اور ہالا میں ہیپاٹائٹس سینٹر ز کا دورہ

GB News

گلگت بلتستان میں بہت زیادہ پوٹنشل ہے ، فورس کمانڈرگلگت بلتستان میجر جنرل ثاقب محمود

Share Button

چلاس(عمرفاروق فاروقی،آفتاب دیامری) کینوداس گوہر آباد میں عمائدین گوہر آباد سے خطاب کرتے ہوئے فورس کمانڈرگلگت بلتستان میجر جنرل ثاقب محمود نے کہا کہ گلگت بلتستان میں بہت زیادہ پوٹنشل ہے ،اس پوٹنشل کو مثبت سمت کی طرف گامزن کرنے کی ضرورت ہے۔انہوں نے کہا کہ گلگت بلتستان کی بہت زیادہ اہمیت ہے اور وسائل کی بہتات ہے ،جس کی وجہ سے دشمن کی نظریں گلگت بلتستان پر ہیں ۔دشمن یہاں پر قوم پرستی کی سوچ رکھنے والوں کے جذبات سے کھیلنے کی مذموم اور ناکام کوششیں کررہا ہے ،لیکن پاک فوج کی ان عناصر پر کڑی نظر ہے ۔انہوں نے کہا کہ گلگت بلتستان میں سول اورملٹری ایجنسیوں کے اشتراک سے گلگت بلتستان حکومت کی چھتری تلے ملک کے امن کو خراب کرنے والوں پر نظررکھے ہوئے ہیں اور ایسے عناصر کو اس سرزمین پر چلنے نہیں دیں گے ۔انہوں نے کہا کہ گلگت بلتستان کے عوام ایسے عناصر کی سوچوں کو مسترد کریں اور ان عناصرکے خلاف سر پیکار رہیں ،اور ان سازشی عناسر کو انجام تک پہنچانے میں ہمارا ساتھ دیں ۔انہوں نے مزید کہا کہ سی پیک میں گلگت بلتستان کے اہم منصوبوں کو شامل کر لیا گیا اور مزید منصوبوں کو بھی شامل کرلیں گے ،دیامر گلگت بلتستان کا گیٹ وے ہے ،گلگت بلتستان اور دیامر کے عوام سی پیک کی کامیابی اور اس کی آبیاری کیلئے اپنا کردار ادا کریں ،اگر سی پیک میں کسی قسم کی رکاوٹ کا سامنا ہوا تو یہ ہمارے لیئے اور ہمارے ملک کیلئے نقصان دہ ثابت ہوگا ۔اس لیئے ضرورت اس امر کی ہے کہ یہاں کے عوام ایسے عوامل میں شامل نہ ہوں جو سی پیک کے خلاف سازشیں کرتے ہوں او منفی سوچ رکھتے ہوں،عوام ایسے عناصر کو انجام تک پہچانے میں ہمارا ساتھ دیں ۔پاک فوج سی پیک کی کامیابی کیلئے کسی بھی قربانی سے دریغ نہیں کرے گی ۔انہوں نے کہا کہ گوہر آباد کے عوام علم دوست ہیں ،کیڈٹ کالج کیلئے مفت اراضی دے کر یہاں کے عوام نے تعلیم دوستی کا عملی ثبوت دے دیا ہے ۔فورس کمانڈرنے کیڈٹ کالج چلاس میں فرسٹ پوزیشن لینے والے طلبہ کو ہر سال سکالر شپ دینے کا اعلان بھی کیا ۔

Facebook Comments
Share Button