تازہ ترین

Marquee xml rss feed

پاک افغان سرحدی علاقے میں ایک اور امریکی ڈرون حملہ، 2 خطرناک دہشت گردوں کو ہلاک کر دیے جانے کی اطلاعات-مستونگ کے مرکزی بازارمیں دھماکے کی اطلاع-آرمی چیف کا آرمی میڈیکل سنٹرایبٹ آباد کا دورہ،ڈاکٹرزاورمیڈیکل سٹاف کی تعریف یاد گارشہداء پرحاضری اور پھول بھی چڑھائے،دہشتگردکی جنگ میں آرمی میڈیکل کورنے قیمتی جانیں ... مزید-طارق فضل چوہدری کی طرف سے وفاقی دارالحکومت میں ایمبیسی روڈ پر درختوں کی کٹائی کا نوٹس لینے پر سی ڈی اے نے رپورٹ پیش کر دی-عمران خان سیاست میں اناڑی ہیں، انہیں آرام کی ضرورت ہے ،ْ دانیال عزیز فرد جرم عائد ہونے کے بعد نیب ٹیم کون سے ثبوت تلاش کرنے کے لئے لندن گئی ہوئی ہے ،ْ میڈیا سے گفتگو ... مزید-وزیر اعظم کی قندھار میں افغان سکیورٹی اہلکاروں پر ہونے والے دہشت گردوں کے حملہ کی سخت مذمت-ایف آئی اے کی جدید بنیادوں پر تنظیم کی جائے،نئی ٹیکنالوجی سے جرائم پر قابو پانے کی صلاحیت حاصل کی جائے، انسانی اسمگلنگ کی روک تھام کیلئے موثر اور عملی اقدامات اٹھائے ... مزید-وزیراعلیٰ پنجاب شہبازشریف نے نیب کو کرپٹ ترین ادارہ قراردے دیا نیب کرپشن ختم کرنے کی بجائے کرپشن کا گڑھ بن چکا،مشرف اور بعد کے ادوارمیں نیب کو سیاسی مقاصدکیلئے استعمال ... مزید-سیکرٹری وزارتِ انسداد منشیات اقبال محمود کا اے این ایف ہیڈکوارٹر راولپنڈی کا دورہ-ن لیگ خیبرپختونخواہ دوست محمد خان نے پیپلزپارٹی میں شمولیت کا اعلان کردیا

GB News

گلگت بلتستان کے عوام کو ٹیکسز کے خلاف اپنے ذہنوں کو تبدیل کرنے کی ضرورت ہے،صوبائی وزیر ایکسائز اینڈ ٹیکسیشن حاجی حیدر خان

Share Button

گلگت(سٹاف رپورٹر ) صوبائی وزیر ایکسائز اینڈ ٹیکسیشن حاجی حیدر خان نے کہا ہے کہ گلگت بلتستان کے عوام کو ٹیکسز کے خلاف اپنے ذہنوں کو تبدیل کرنے کی ضرورت ہے ۔ وفاق سے کب تک خیرات مانگتے رہیں گے ایک چپڑاسی کی پوسٹ کے لئے بھی کانا ڈویژن کی اجازت ضروری ہوتی ہے ۔ صوبے کا اپنا ریو نیو بجٹ نہ ہونے کی وجہ سے وفاقی حکومت کے سامنے محتاج ہونا پڑتا ہے ۔ اپنے پائوں پر کھڑا ہو نے کے لئے گلگت بلتستان کو اپنا ریونیو پیدا کرنا ہو گا ۔ محکمہ ایکسائز اینڈ ٹیکسیشن کے ضلعی دفتر میں تمام رجسٹرڈ گاڑیوں کا ڈیٹا کمپیوٹرائزکرنے کی تقریب سے خطاب کرتے ہوئے صوبائی وزیر حیدر خان نے کہا کہ گلگت بلتستان کے عوام مکمل صوبائی سیٹ اپ چاہتے ہیں آئینی تحفظ کے ساتھ ساتھ تما م داخلی اختیارات ملیں تاکہ تمام اختیارات کے بعد اپنے معاملات خود چلا سکیں اور وفاقی حکومت کے سامنے محتاج ہونے کا سلسلہ بھی ختم ہو سکے ۔ انہوں نے کہا کہ گلگت بلتستان کے عوام کو ٹیکسز کے خلاف اپنی رائے تبدیل کرنا ہوگا کیونکہ مفت میں اختیارات کب تک مانگتے رہیں گے لہذا اپنے وسائل سے ریو نیو پیدا کرنے کی ضرورت ہے تاکہ اپنے پائوں پر خود کھڑے ہو جائیں اور کا نا ڈویژن سے بھیک مانگنے کا سلسلہ مکمل طور پر ختم ہو جائے ۔ انہوں نے محکمہ ایکسائز اینڈ ٹیکسیشن کی کار کر دگی کو سراہتے ہوئے کہا کہ صوبائی حکومت کی جانب سے دیئے جانے والے ٹارگٹ سے زیادہ ریو نیو جمع کر وا کراس ادارے نے ثابت کر دیا ہے کہ گلگت بلتستان کے تمام محکموں میں سب سے زیادہ ریو نیو جمع کر نے والا ادارہ محکمہ ایکسائز اینڈ ٹیکسیشن ہی ہے انہوں نے کہا کہ این سی پی گاڑیوں کی وجہ سے پورا صوبہ متاثر ہو رہا ہے ۔ صوبائی حکومت اس سلسلے میں حکمت عملی مرتب کر رہی ہے کہ ا ین سی پی گاڑیوں کو ایمنسٹی سکیم کے تحت رجسٹرڈ کیا جائے اور صوبے میں ہمیشہ کے لئے این سی پی گاڑیوں کے داخلے پر پابندی عائد کی جائے ۔تقریب کے دوران محکمہ ایکسائز اینڈ ٹیکسیشن ضلع گلگت کے ای ٹی او معظم علی احمد نے خطاب کرتے ہوئے کہا کہ ضلع گلگت میں تمام گاڑیو ں کا ڈیٹا کمپیو ٹرائز کر دیا گیا ہے اس سلسلے میں قراقر م انٹر نیشنل یونیورسٹی کے شعبہ انفار میشن ٹیکنالوجی کے طلباء و طالبات نے ایکسائز اینڈ ٹیکسیشن کے تمام ڈیٹا کو کمپیوٹرائز کرنے میں مدد کی ہے ۔ تقریب کے دوران محکمہ ایکسائزاینڈ ٹیکسیشن کے ڈپٹی سیکریٹری ارشاد حسین نے خطاب کرتے ہوئے کہا کہ محکمہ ایکسائز اینڈ ٹیکسیشن صوبے میں تمام گاڑیوں کو رجسٹرڈ کرنے کے لئے اپنے تمام وسائل بروئے کار لا رہا ہے ۔ اور مختلف علاقوںمیں ناکے لگا کر گاڑیوں کے کاغذات چیک کئے جاتے ہیں تاکہ شہریوں میں گاڑیوں کی رجسٹریشن کے حوالے سے شعور و آگاہی بھی اجاگر کی جا سکے ۔ تقریب کے آخر میں صوبائی وزیر ‘ ڈپٹی سیکریٹری اور ای ٹی او نے گاڑیوں کا ڈیٹا کمپیوٹرائز کرنے والے کے آئی یو کے طلباء و طالبات میں نقد انعامات اور سڑٹفکیٹس بھی تقسیم کئے ۔

Facebook Comments
Share Button