GB News

ایسے لوگ باتیں کررہے ہیں جن کا اپنا ماضی داغدار ہے’تحریک انصاف

پاکستان تحریک انصاف کے رہنما شفقت محمود نے کہا ہے کہ ایسے لوگ باتیں کررہے ہیں جن کا اپنا ماضی داغدار ہے’ (ن) لیگ بیرون ملک پاکستانیوں پر الزامات لگا رہی ہے’ پانامہ کا فیصلہ قریب آرہا ہے ان کی بوکھلاہٹ بڑھ رہی ہے’ (ن) لیگ کے رہنما غلیظ زبان استعمال کررہے ہیں’ تحریک انصاف فنڈز کے لئے عوام کے پاس جاتی ہے۔ جمعرات کو میڈیا سے گفتگو کرتے ہوئے پی ٹی آئی رہنما شفقت محمود نے کہا کہ (ن) لیگ بیرون ملک پاکستانیوں پر الزامات لگا رہی ہے (ن) لیگ کے آڈٹ اکائونٹس ابھی تک کلیئر نہیں۔ (ن) لیگ کہہ رہی ہے اوورسیز پاکستانی کیوں فنڈز دے رہے ہیں۔ انہوں نے کہا کہ تحریک انصاف فنڈز کے لئے عوام کے پاس جاتی ہے ایسے لوگ باتیں کررہے ہیں جن کا اپنا ماضی داغدار ہے ۔ (ن) لیگ کے رہنما غلیظ زبان استعمال کررہے ہیں تحریک انصاف واحد جماعت ہے جس کے کوئی خفیہ فنڈز نہیں۔ پانامہ کا فیصلہ قریب آرہا ہے ان کی بوکھلاہٹ بڑھ رہی ہے۔

Share Button