GB News

وزیراعظم محمد نوازشریف نے چیمپئنز ٹرافی جیتنے والے پاکستان کرکٹ ٹیم کے ہر کھلاڑی کیلئے ایک ایک کروڑ روپے انعام کا اعلان کردیا

اسلام آباد(آئی این پی )وزیراعظم محمد نوازشریف نے چیمپئنز ٹرافی جیتنے والے پاکستان کرکٹ ٹیم کے ہر کھلاڑی کیلئے ایک ایک کروڑ روپے انعام کا اعلان کردیا ۔ منگل کو وزیراعظم نوازشریف نے چیمپئنز ٹرافی جیتنے والے کرکٹ ٹیم کے ہر کھلاڑی کیلئے ایک ایک کروڑ روپے انعام کا اعلان کیا اس حوالے سے اپنے ایک بیان میں وزیر مملکت برائے اطلاعات ونشریات مریم اورنگزیب نے کہا کہ پاکستان ٹیم نے چیمپئنز ٹرافی جیت کر قوم کا سرفخر سے بلند کیا ہے ۔ قومی ٹیم نے ہر شعبے میں بہترین کارکردگی دکھائی ۔انہوں نے کہا کہ بہترین کارکردگی پر قومی ٹیم پذیرائی کی مستحق ہے ۔انہوں نے کہا کہ قومی ٹیم کے ہر کھلاڑی نے تاریخی کھیل پیش کیا ۔ نوجوان کھلاڑیوں کی حوصلہ افزائی ملک میں کھیلوں کے فروغ میں معاون ہوگی ۔ واضح رہے کہ پاکستان کرکٹ ٹیم نے بھارت کو شکست دے کر چیمپئنز ٹرافی میں کامیابی حاصل کی تھی ۔

 

Share Button