GB News

سی پیک دنیا بھر میں کامیاب ماڈل بن کر سامنے آیا ہے، شہباز شریف

وزیراعلیٰ پنجاب محمد شہبازشریف نے کہاہے کہ پاکستان اور چین کی دوستی نئی بلندیوں کو چھو رہی ہے اورسی پیک کے ذریعے اس دوستی کے فوائد عوام تک پہنچ رہے ہیں ،سی پیک کے تحت منصوبوں پر جس رفتار سے کام کیا جا رہاہے پاکستان کی تاریخ میں اس کی مثال نہیں ملتی، سی پیک دنیا بھر میں ایک کامیاب ماڈل بن کر سامنے آیا ہے ، ساہیوال کی طرز پر رحیم یار خان میں بھی 1320میگا واٹ کا کول پاور پلانٹ لگانے کا منصوبہ ہے،اس پر دن رات کام کر کے مکمل کریں گے۔ وہ جمعرات کو یہاں چین کے نیشنل ڈویلپمنٹ اینڈ ریفارم کمیشن کے ڈائریکٹر جنرل لی چیو ڈونگ کی قیادت میں اعلی سطح کے وفد سے ملاقات میں گفتگو کررہے تھے ۔ملاقات میں سی پیک کے تحت جاری منصوبوں پر پیشرفت ،انڈسٹریل پارکس اور دیگر شعبوں میں تعاون کو مزید فروغ دینے پر تبادلہ خیال کیا گیاـ این ڈی آر سی کے ڈائریکٹرجنرل نے سی پیک کے منصوبوں پر غیر معمولی رفتار سے کام پر وزیراعلی شہبازشریف اور ان کی ٹیم کی تعریف کیـڈی جی این ڈی آر سی نے کہا کہ 1320میگا واٹ کے ساہیوال کول پاور پراجیکٹ کو جس مثالی رفتار سے مکمل کیا گیاہے اس پر ہمیں بہت خوشی ہوئی ہےـوزیراعلی شہبازشریف اور ان کی ٹیم انتہائی محنت او رعزم کے ساتھ سی پیک کے منصوبوں کو آگے بڑھا رہی ہےـمجھے پنجاب میں سی پیک کے منصوبوں پر ہونے والی پیشرفت دیکھ کر دلی مسرت ہوئی ہےـ انہوں نے کہا کہ سی پیک کے منصوبوں کے نتائج بہت اہمیت رکھتے ہیں اوران منصوبوں میں ملنے والی نمایاں کامیابیوں کا کریڈٹ وزیراعلی شہبازشریف کی لیڈر شپ کو جاتا ہےـشہبازشریف صوبہ پنجاب کے عوام کی فلاح وبہبود کے لئے بے پناہ محنت سے کام کررہے ہیں اورپنجاب میں کام کرنے والے چینی انجینئر ز اور ورکرز کا بہترین انداز میں خیال رکھا جا رہاہے

Share Button