تازہ ترین

Marquee xml rss feed

مشیرِوزیراعظم کا اختیارات سے تجاوز؛ اہل خانہ کا رعایتی ٹکٹوں پرمختلف ممالک کا مفت سفر-ہیواوے نے نیا چار کیمروں والا انتہائی سستا اسمارٹ فون متعارف کرا دیا-دوسری شادی کرنیوالے شوہر کو6ماہ قید و ایک لاکھ جرمانے کی سزا-گوجرخان، وارڈ نمبر 14صندل روڈ پر قتل کی واردات ، 36سالہ شخص کی لاش گھر سے بر آمد-گوجرخان، ہونہار طالب علم حسیب بٹ کا اعزاز-گوجرخان، گورنمنٹ امجد عنایت جنجوعہ شہید ہائی سکول بھاٹہ کا اعزاز-گورنمنٹ بوائز ہا ئی سکول زرعی فارم راولپنڈی کے ہونہار طالب علم حیان علی خان کی مقابلہ حسن قرائت میں راولپنڈی ڈویژن میں پہلی پوزیشن-مرکزی قبرستان کی سڑک کی تعمیر کیلئے فنڈزفراہم کرنے پر آزاد کشمیر قانون ساز اسمبلی کے ممبر حافظ احمد رضا قادری ایڈووکیٹ کا شکریہ-ْلاہور کے احتجاجی جلسے میں عمران خان او رشیخ رشید نے جو پارلیمنٹ کیخلاف بازاری اور گھٹیا زبان استعمال کی،شدید مذمت کرتے ہیں،پارلیمنٹ پر لعنت بھیجنے وا لے اسی پارلیمنٹ ... مزید-سپریم کورٹ کے حکم پر میونسپل کارپوریشن مری نے آپریشن کیلئے تیاریوں کو حتمی شکل دے دی

GB News

یوم دفاعِ پاکستان قومی تاریخ کایادگاردن ہے،صدر،وزیراعظم

Share Button

اسلام آباد(آئی این پی )صدر ممنون حسین نے کہا ہے کہ 6ستمبر ہمارے قومی کیلنڈر میں ایک یادگار دن ہے جب اہل پاکستان نے بے مثال قومی اتحاد کا مظاہرہ کیا اور دشمن کی جانب سے ایک سنگین جارحیت کو ختم کرنے کے لئے اپنی مسلح افواج کے شانہ بہ شانہ کھڑے ہوئے۔ اس تاریخی دن کی یاد ہمارے اس عہد کی تجدید اور دفاع وطن کے لیے ہر قسم کے خطرات کے خلاف ہمارا عزم مضبوط کرتی ہے کہ مادر وطن کی سا لمیت و ناموس کے لیے ہم ہر قسم کی قربانی دینے کے لیے تیار ہیں۔ہم مادرِ وطن کے ان تمام بیٹوں اور بیٹیوں کو خراجِ تحسین پیش کرتے ہیں جنہوں نے دفاعِ وطن کے لیے اپنی جانوں کا نذرانہ پیش کیا۔ یہ ان کی بے مثال قربانیوں اور عزم صمیم کا ثمر ہے کہ ہم بحفاظت اور باوقار زندگی گزار رہے ہیں۔وزیراعظم شاہد خاقان عباسی نے کہا ہے کہ 6ستمبر ہماری قومی تاریخ کا وہ یاد گار دِن ہے جب ہم نے بحیثیت قوم نہ صرف مادر وطن کا دفاع کیا بلکہ دُنیا کو یہ واضح پیغام دیا کہ ایک خوددار اور زندہ قوم ہونے کے ناطے پاکستا نی قوم کسی بھی جارحیت او رخطرے سے نمٹنے کی مکمل صلاحیت رکھتی ہے ۔یوم دفاع ہمیں ماضی کے ان واقعات کی یاد دِلاتا ہے جب دشمن رات کی تاریکی کا فائدہ اٹھاتے ہوئے لاہور پر قبضے کی خواہش کی غرض سے ہم پر حملہ آور ہوا او رپھر دُنیا نے دیکھا کہ پاک فوج کے جوانوں نے بے مثال جرأت و بہادری کی ایک نئی داستان رقم کرتے ہوئے دشمن کی آرزوں پر پانی پھیر دیا ۔ یوم دفاعِ پاکستان کے موقع پر اپنے پیغام میں اُنہوںنے اپنی شجاعت او رلازوال قربانیوں سے یہ ثابت کیا کہ قومیں محض تیرو تفنگ کی برتری سے فتح یاب نہیں ہوتیں بلکہ اِن کی بہادری اور استقلال ہے جو انہیں سرخرو کرتا ہے ۔اللہ تعالیٰ کے فضل و کرم سے آج کا پاکستان 1965ء کے مقابلے میں کہیں زیادہ مضبوط ہے ۔ آج ہم ایک ایٹمی قوت ہیں ۔ ہماری افواج پہلے سے زیادہ تربیت یافتہ اور چوکس ہیں ۔ قوم کے جذبہ حب الوطنی میں کوئی کمی نہیں آئی ۔ ہماری نئی نسل زیادہ پرجوش ہے ۔ افواج اور عوام میں وحدت فکر و عمل ہے ۔ ہمارا دشمن جانتا ہے کہ پاکستان کو کھلی جارحیت کا نشانہ نہیں بنایا جاسکتا ۔ اسے خبر ہے کہ ایسی حرکت کا انجام اِن کے لیے ماضی سے کہیں زیادہ شرمندگی کا باعث ہوگا۔

Facebook Comments
Share Button