GB News

روہنگیا مسلمانوں پر مظالم عالمی برادری کے ضمیر کیلئے چیلنج ہے،حفیظ الرحمن

Share Button

گلگت (پ ر)وزیر اعلیٰ گلگت بلتستان حافظ حفیظ الرحمن نے میانمار میں روہنگیا مسلمانوں کے قتل عام اور اموات کی تعداد میں مسلسل اضافہ پر گہری تشویش ظاہر کرتے ہوئے مطالبہ کیا ہے کہ میانمار کی حکومت ان واقعات کی تحقیقات کرے اور ملوث عناصر کا کڑا احتساب کرتے ہوئے مظالم کی روک تھام کیلئے سخت اقدامات اٹھائے جائیں جبکہ اقوام متحدہ اور یو این ایچ سی آر پسے ہوئے مظلوم روہنگیا مسلمانوں کی مجرمانہ نسل کشی روکنے کیلئے میانمار کی حکومت پر زور ڈالے ۔ وزیر اعلیٰ گلگت بلتستان حافظ حفیظ الرحمن کی جانب سے جاری بیان میں کہا گیا ہے کہ روہنگیا مسلمانوں کی حالت زار عالمی برادری کے ضمیر کے لئے چیلنج ہے۔ وزیر اعلیٰ نے میانمار میں روہنگیا مسلمانوں پر ظلم و تشدد کی شدید الفاظ میں مذمت کی ہے ۔

Facebook Comments
Share Button