GB News

ہارڈ ایریا الائونس تمام ملازمین کو یکساں فراہم کیا جائے ، سرکاری ملازمین یونین

Share Button

گلگت( سٹاف رپورٹر ) گلگت بلتستان کے سرکاری ملازمین کو الائونس کی ادائیگی کے لئے وفا ق سے 3 ارب روپے مانگ لئے گئے ہیں زرائع کے مطابق گلگت بلتستان کے سرکاری ملازمین کو 50 فیصد ہارڈ ایریا الائونس کے لئے صوبائی محکمہ فنانس نے وفاقی فنانس ڈویژن سے 3 ارب روپے مانگ لئے ہیں 50 فیصد الائونس سرکاری ملازمین کو سا ل 2005 ء سے سال 2009 ء تک ادا کئے جائیں گے ۔ معلومات کے مطابق وفاق سے گلگت بلتستان آکر اپنی خدمات سرانجام دینے والے سرکاری ملازمین کو ہارڈ ایر یا کی مد میں 50 فیصد الائونس ملتا ہے جبکہ گلگت بلتستان کے سرکاری ملازمین کو ہارڈ ایریا الائونس کی مد میں صرف 25 فیصد الائونس فراہم کیا جاتا ہے ۔ اس حوالے سے ملازمین نے سپریم اپیلٹ کورٹ میں اپیل دائر کی تھی کہ ہارڈ ایریا الائونس کی مد میں وفاقی ملازمین کو گلگت بلتستان میں 50 فیصد الائونس فراہم کیاجاتا ہے جبکہ گلگت بلتستان کے ملازمین کے لئے ہارڈ ایریا الائونس کی مد میں صرف 25 فیصد الائونس مختص کیا گیا ہے ۔ لہذا ہارڈ ایریا الائونس تمام ملازمین کو یکساں فراہم کیا جائے ۔ جس پر سپریم اپیلٹ کورٹ کی طرف فیصلہ سناتے ہوئے محکمہ فنانس کو ہدایات جاری کی گئی تھیں کہ گلگت بلتستان کے ملازمین کو بھی ہارڈ ایریا الائونس کی مد میں 50 فیصد الائونس فراہم کیا جائے طویل عرصہ گزرنے کے بائوجود اس فیصلے پر عملدر آمد نہ ہوا تو سرکاری ملازمین یونین نے چیف کورٹ میں اپیل دائر کی تھی جس پر چیف کورٹ نے سپریم اپیلٹ کورٹ کے فیصلے پر فوری عملدر آمد کرنے کی ہدایات جاری کر دی تھی۔ چیف کورٹ کی ہدایات پر عمل کرتے ہوئے محکمہ فنانس نے وفا ق سے بجٹ مانگ لیا ہے محکمہ فنانس نے ہارڈ ایریا الائونس کی رقم سال 2005 ء سے سال 2009 ء تک کے تمام سرکاری ملازمین کو 50 فیصد ہارڈ ایریا الائونس رقم ادا کرنے کے لئے وفاقی فنانس ڈویژن سے 3 ارب روپے مانگ لئے گئے ہیں محکمہ فنانس کے زرائع کے مطابق وفاق سے بجٹ ملتے ہی سرکاری ملازمین کو الائونس کی فراہمی کر دی جائے گی ۔

 

Facebook Comments
Share Button