تازہ ترین

Marquee xml rss feed

اسفند یار ولی نے بھی عمران خان کے اگلے وزیر اعظم ہونے کی پیش گوئی کر دی عمران خان جیتیں گے یا جتوائیں گے لیکن عمران خان اگلا وزیر اعظم ہے،سربراہ اے این پی-آئی جی پنجاب کا نواب سراج رئیسانی ، ہارون بشیر بلور سمیت دیگر افراد کی شہادت پر گہرے رنج و غم کا اظہار-رحیم یار خان پولیس کے سپیشل آپریشن یونٹ کی کچے کے علاقے میں کارروائی، آپریشن میںڈاکو نادر سکھانی مارا گیا ڈاکوئوں کی قید سے گیارہ مغوی بیوپاریوں کو بحفاظت بازیاب ... مزید-شفاف الیکشن کیلئے ضابطہ اخلاق پر عمل کرنا ہر کسی کیلئے یکساں لازم ہے، خلاف ورزی کی صورت میں بلاتفریق کارروائی کی جا رہی ہے ،صوبائی وزیر اطلاعات احمد وقاص ریاض-الیکشن کمیشن تحریک انصاف کے سربراہ عمران خان کی مبینہ نامناسب تقاریر پر پابندی عائد کرے،مریم اورنگزیب-نگران وزیراعلیٰ پنجاب سے نائیجیریا کے 7 رکنی وفدکی ملاقات نائیجیرین وفد کا دورہ باہمی تعلقات کے نئے دور کا نقطہ آغاز ثابت ہوگا، ڈاکٹر حسن عسکری پاکستان بہت شاندار ملک ... مزید-25 جولائی کو شیر پر مہر لگا کر نواز شریف اور مسلم لیگ (ن ) کو کامیاب بنانا ہے ‘شہباز شریف ان اندھیروں میں بھی منزل تک پہنچائیں گے ، اللہ نے موقع دیا تو پانچ سال میں کئی محاذ ... مزید-پیپلز پارٹی کے گڑھ میں میں پاکستان تحریک انصاف کا تاریخی جلسہ ،عوام کے ٹھاٹھیں مارتے سمندر نے عمران کو لبیک کہا جیکب آباد میں ہزاروں کارکنان نے جلسے میں شرکت کر کے تحریک ... مزید-اٹک پولیس کا سرچ آپریشن، ناجائز اسلحہ بر آمد-الیکشن کمیشن نے مرُدوں کو بھی ووٹ ڈا لنے کی اجازت دے دی ووٹر لسٹ میں سینکڑوں مرُدوں کے نام شا مل

GB News

مسلم لیگ ن ٹیکس لگانے کا الزام پیپلزپارٹی کی حکومت پر لگارہی ہے،امجد حسین ایڈووکیٹ

Share Button

سکردو(محمد اسحاق جلال )پیپلزپارٹی کے صوبائی صدر وسابق رکن کونسل امجد حسین ایڈووکیٹ نے کہاہے کہ ہماری حکومت کو ختم ہوئے 4 سال کاعرصہ بیت چکا ہے پیپلزپارٹی کی حکومت کی ہڈیاں بھی سڑ گئی ہیں لیکن اس کے باوجود مسلم لیگ ن کو آج بھی ہماری حکومت نظرآرہی ہے اور الزام لگا رہی ہے کہ گلگت بلتستان میں ٹیکس پیپلزپارٹی کی حکومت نے لگایا ہے ہم نے کوئی ٹیکس نافذ نہیں کیا ہے ٹیکس وزیر خزانہ اسحاق ڈار نے کل نافذ کیا ہے الٹا چور کتوال کو ڈانٹنے کے مصداق مسلم لیگ ن ٹیکس لگانے کا الزام پیپلزپارٹی کی حکومت پر لگارہی ہے حالانکہ حکومت کے الزام میں کوئی صداقت نہیں ہے مسلم لیگ ن ایک طرف عوام پر ظلم کر رہی ہے دوسری جانب عوام کے زخموں پر نمک پاشی بھی کر رہی ہے جو بڑا مذاق ہے کے پی این سے بات چیت کرتے ہوئے انہوں نے کہاکہ مسلم لیگ ن کے ڈرپوک مقامی قائدین وزیر خزانہ اسحاق ڈار کے خلاف بولنے کے بجائے ہمارے خلاف منفی پروپیگنڈے کر رہے ہیں جو سمجھ سے بالاتر ہے ن لیگ ٹیکس کے معاملے پر سٹینڈ لے ڈمی کونسل کوظالمانہ فیصلے مسلط کرنے سے روک دے ورنہ صورتحال بہت سنگین ہو سکتی ہے کیونکہ عوام ٹیکس کے معاملے پر بڑے مشتعل ہیں ہر قانون گلگت بلتستان میں نافذ کیا جارہا ہے مسلم لیگ ن نے ہمارے علاقے کو دیا تو کچھ بھی نہیں ہے لیکن ہمارے پاس جو کچھ وسائل ہیں ان کو لوٹا جارہا ہے انہوں نے کہا کہ مسلم لیگ ن ٹیکس کے معاملے پر تماشہ نہ لگائے اگر ہم نے ٹیکس لگایا بھی ہے تو اس کو چاہئے کہ اپنی وفاقی حکومت سے سفارش کر کے اس کو واپس لے مسلم لیگ ن ٹیکس کو واپس نہیں لے گی تو کچھ دن بعد بڑا احتجاج ہوگا انہوں نے کہا کہ حق ملکیت اور حق حاکمیت کی تحریک دفن نہیں ہوئی بلکہ یہ تحریک نئے عزم اور نئے جزبے کے ساتھ آگے بڑھ رہی ہے نومبر میں غذر میں حق حاکمیت اور حق ملکیت کا بڑا جلسہ ہوگا انہوں نے کہاکہ آئینی حقوق کا معاملہ اب دفن ہو گیا ہے کیونکہ ہرطرف سے آزاد کشمیر کے مفادات کے تحفظ کیلئے کام ہو رہا ہے وزیر اعلیٰ خود بھی گلگت بلتستان سے زیادہ کشمیر کے مفادات کا تحفظ چاہتے ہیں ایسے حالات میں کیا ممکن ہے کہ ہمیں آئینی حقوق دیئے جائیں انہوں نے کہاکہ اپوزیشن لیڈر کی تبدیلی میں بڑی رکاوٹیں کھڑی کی جارہی ہیں کچھ لوگ بغض اور مفادات کی بنیاد پر اپوزیشن لیڈر کی تبدیلی کے خلاف ہیں کچھ لوگ حکومتی ایماء پر اپوزیشن لیڈر کی تبدیلی کی مخالفت کر رہے ہیں انہوں نے کہاکہ موجودہ اپوزیشن لیڈر صرف مفادات اور مراعات لے رہے ہیں انہوں نے آج اسمبلی میں اپوزیشن کا کوئی کردارادا نہیں کیا اسمبلی میں نواز شریف کے حق میں اب تک جتنی قراردادیں لائی گئی ہیں ان سب کی اپوزیشن لیڈر شاہ بیگ نے حمایت کی ہے ایسے میں اپوزیشن کہاں سے آگئی ؟ اس لئے ہم اپوزیشن لیڈر کی تبدیلی چاہتے ہیں کیونکہ جس خطے میں اپوزیشن کمزور ہوگی وہاں کی حکومت عوام کے مسائل سے زیادہ اپنے مفادات پر توجہ دیتی ہے یوں خطہ ترقی کی جانب بڑھنے کے بجائے تنزلی کی طرف جائے گا انہوں نے کہاکہ سکردو روڈ کی تعمیر پاک فوج نے شروع کرادی ہے اس لئے ہم سب کو آرمی چیف اور فورس کمانڈر کا شکریہ ادا کرنا چاہئے انہوں نے کہاکہ بلتستان کے عوام مطمئن رہیں کیونکہ ریاستی ادارے بلتستان کے مثالی امن کو برقرار رکھنے کیلئے کام کر رہے ہیں انشاء اللہ بلتستان کا امن خراب نہیں ہوگا ۔

 

Facebook Comments
Share Button