تازہ ترین

Marquee xml rss feed

عمران خان کے لیے راستہ صاف، سابق وفاقی وزیر نے این اے 131لاہور سے کاغذات نامزدگی واپس لے لیے پاکستان تحریک انصاف میں شمولیت اختیار کرنے والے ہمایوں اختر نے عمران خان کے ... مزید-سندھ کے عوام کو وڈیروں نے اپنی طاقت کے زور سے نسل درنسل غلام بنائے رکھا، عائشہ گلالئی پیپلز پارٹی نے سندھ کو 10 میں بہتر بنانے کے بجائے مزید خراب کردیا، ضلع سجاول میں ... مزید-سندھ پولیس کی سطح پر شجرکاری مہم کا فوری طور پر آغاز کیا جائے ، آئی جی سندھ کی ہدایات-شاہ عبدالطیف بھٹائی انسائیکلوپیڈیا کی تین جلدیں شائع ہونا تھیں جن میں سے آج پہلی جلد شائع ہوگئی، نگراں وزیراعلیٰ سندھ شاہ عبداللطیف بھٹائی انسائیکلو پیڈیا سندھی ... مزید-پی پی پی کے حلقہ پی بی 25سے امیدوار شریف خلجی (کل) پریس کانفرنس کرینگے-سندھ کو پیپلزپارٹی اور ایم کیو ایم نے مل کر تباہ کردیا ہے، عوام بنیادی مسائل حل نہ ہونے سے پریشان ہیں، مصطفی کمال سندھ میں اگلا وزیر اعلیٰ پی ایس پی کا یا پھر ہمارا حمایت ... مزید-ایم ایم اے کے انتخابی دفتر پر پولیس کی فائرنگ پولیس اہلکار کو معطل کر کے واقعے کی مزید انکوائری کا حکم دے دیا گیا، پولیس-حکومت اور اس کے کارندوں نے 80 سالہ بزرگ پنشنرز کو عمر کے آخری دور میں بھی شدید عذاب میں مبتلا کررکھا ہے، جنرل سیکریٹری ایمپلائز ایسوسی ایشن چیف جسٹس کے ریمارکس عدالت ... مزید-عابد باکسر نے شہباز شریف کے لیے نئی مصیبت کھڑی کردی جائیداد ہتھیانے کے لیے مجھ سے قتل کروایا گیا،بعد میں مجھے ہی کیسسز میں ملوث کروا کر جعلی مقابلے میں قتل کروانے کی کوشش ... مزید-بلاول بھٹو زرداری انتخابات میں شفافیت پر بات کرنے سے قبل نواز شریف کا ساتھ دینے پر قوم سے معافی مانگیں ،ْفواد چوہدری بلاول کی جانب سے کسی نام نہاد سازش کی جانب اشارہ ... مزید

GB News

مراعات یافتہ طبقے کو ہرصورت میں ٹیکس دینا پڑیگا ،وزیر اعلیٰ

Share Button

گلگت(خصوصی رپورٹ)وزیر اعلیٰ گلگت بلتستان حافظ حفیظ الرحمن نے کہا ہے کہ گلگت بلتستان میں جن لوگوں کی کروڑوں روپے کی آمدن ہے انہیں ٹیکس نظام میں شامل کرنا پڑیگا اس کے بغیر ہم ترقی نہیں کرسکتے ہیں مراعات یافتہ طبقے کو ہرصورت میں ٹیکس دینا پڑیگا وہ لوگ آئینیحقوق کی آڑ میں اپنی دولت نہیں چھپا سکتے ہیں جو لوگ آئینی حقوق کی آڑ میں امیروں اور مراعات یافتہ طبقے کو ٹیکس سے بچانا چاہتے ہیں وہ اس قوم اور اس علاقے کی ترقی کے سب سے بڑے دشمن ہیں انہوں نے بدھ ہے روز اسلامی تحریک کے رکن اسمبلی کیپٹن (ر) محمد شفیع کی ایک تحریک التوا پر ہونے والی بحث کے اختتام پر ایوان سے خطاب کرتے ہوئے کہا کہ ہم یہاں گورننس آرڈر 2009ء کے تحت بیٹھے ہوئے ہیں علاقے میں ٹیکس نافذ کرنے کا اختیار گلگت بلتستان کونسل کے پاس ہے اورماضی کے دور حکومت میں گلگت بلتستان کونسل نے باقاعدہ قانون سازی کرکے یہاں پر ٹیکس نافذ کیا ہے انہوں نے کہا کہ ہم گزشتہ 70سال سے تمام اشیا پر ٹیکس دے رہے ہیں باقی جو ٹیکس نافذ کیا ہے وہ ان لوگوں پر ہے جنہوں نے گلگت بلتستان میں اربوں کے وسائل بنائے ہیں اور کروڑوں روپے کی سالانہ تنخواہ لیتے ہیں ان ٹیکسز سے غریب عوام پر کوئی فرق نہیں پڑتا ہے ان ٹیکسز سے نہ آٹا مہنگا ہوتا ہے نہ ٹماٹر ،پیاز مہنگا ہوتا ہے انہوں نے کہا کہ پہلی بار گلگت بلتستان کونسل کے ممبران کو پانچ پانچ کروڑ کے ترقیاتی فنڈز دئیے گئے ہیں مختلف ٹیکسز کی مد میں ڈیڑھ ارب روپے جمع ہوا تھا اس میں سے سوا ارب روپے ترقیاتی منصوبوں کی شکل میں ہمیں واپس ملے ہیں اس فنڈز سے ہم گلگت بلتستان کے شہروں کی سڑکوں کو بہتر بنائینگے انہوں نے کہا کہ گلگت بلتستان میں اس مرتبہ پندرہ لاکھ سیاح آئے ہیں ان سیاحوں کو سہولیات فراہم کرنے اور سیکورٹی فراہم کرنے کیلئے صوبائی حکومت کے پندرہ کروڑ روپے کے اضافی اخراجات ہوئے ہیں اور سیاحوں کی وجہ سے گلگت بلتستان کے ہر ہوٹل والے نے دس سے پندرہ کروڑ روپے منافع کمایا ہے ہم نے کسی ہوٹل والے سے دس روپے بھی نہیں لئے ہیں اگر ملک کے دوسرے کسی ضلع میں اس طرح کی آمدنی ہوتی تو ہوٹل والے سے 30فیصد ٹیکس کی مد میں وصول کرکے سرکاری خزانے میں جمع ہوتے مگر ہم نے سیاحوں کو سہولیات دیں سڑکیں بہتر بنائی تاکہ ان ہوٹل والوں کی آمد ن میں اضافہ ہو اور ٹیکس دینے کے قابل ہوں مگر اس کے باوجود ہم نے ان پر کوئی ٹیکس نہیں لگایا انہوں نے سی پیک کے حوالے سے امریکی وزیر دفاع کے بیان پر اظہار خیال کرتے ہوئے کہا کہ سی پیک ایک گیم چینجز منصوبہ ہے جس سے یقیناً امریکہ کو تکلیف ہوگی امریکہ کو یہ خدشہ ہے کہ یہ منصوبہ کامیاب ہوگیا تو پاکستان کی معیشت مضبوط ہوگی انہوں نے کہا کہ گلگت بلتستان کی تمام سیاسی جماعتیں اور عوام سی پیک منصوبے پر متحد ہیں ہم نے سی پیک کے تحت کیا فائدہ لینا ہے یا کیافائدہ لیا ہے اس پر اختلاف ضرور ہے اور یہ سی پیک منصوبے کے خلاف نہیں ہے سی پیک منصوبہ گلگت بلتستان کی تمام سیاسی جماعتیں اور عوام میں دو رائے نہیں ہے سب متفق ہیں انہوں نے کہا کہ جب کے کے ایچ منصوبہ شروع ہوا تب بھی بعض ممالک نے اس روکنے کی کوشش کی تھی مگر کامیاب نہ ہوسکے تھے اب بھی بعض ممالک کوشش کرینگے مگر سی پیک کے خلاف ان کی کوئی سازش کامیاب نہیں ہوگی اس سے قبل ایوان میں تحریک التوا پیش کرتے ہوئے اسلامی تحریک کے رکن اسمبلی کیپٹن (ر) شفیع خان نے کہا کہ امریکی وزیر دفاع نے سی پیک کیخلاف بیان دیا ہے اس حوالے سے ایوان میں بحث ہونی چاہیے انہوں نے کہا کہ اگر گلگت بلتستان کی آئینی حیثیت کا تعین کردیا جاتا تو آج امریکہ کی طرف سے ایسا بیان نہیں آتا انہوں نے کہا کہ پہلے بینکوں سے پچاس ہزار روپے نقد رقم نکالنے پر دوہولڈنگ ٹیکس لگتا تھا اب فنڈز ٹرانسفر کرنے اور کراس چیک پر بھی بینکوں نے ٹیکس کٹوتی شروع کردی ہے اس پر بحث کی جائے ڈپٹی سپیکر جعفراللہ خان نے تحریک التوا کی حمایت کرتے ہوئے کہا کہ گلگت بلتستان متنازعہ علاقہ نہیں ہے یہ پاکستان کا حصہ ہے یہاں کے عوام نے ان علاقوں کو آزاد کراکے پاکستان سے الحاق کیا ہے دنیا کی کوئی طاقت ہمیں پاکستان سے الگ نہیں کرسکتی ہے انہوں نے کہا کہ ہمیں ستر سال سے اس طرح نہیں رکھنا چاہیے ہم نے قرار داد بھی منظور کی ہے ہمیں قومی اسمبلی سینیٹ اور دیگرآئینی اداروں میں نمائندگی دی جائے انہوں نے کہا کہ ودہولڈنگ ٹیکس پی پی نے نافذ کیا ہے ہم مجبوراً برادشت کررہے ہیں پارلیمانی سیکرٹری اورنگزیب ایڈووکیٹ نے کہا کہ امریکی وزیر دفاع کے بیان کی وفاقی حکومت نے مذمت کی ہے ہم بھی مذمت کرتے ہیں انہوں نے کہا کہ گلگت بلتستان کونسل نے2014ء میں گلگت بلتستان میں ٹیکسوں کا نفاذ کیا اب ٹیکس واپس لینے کی باتیں دیوار سے سر ٹکرانے کے مترادف ہے صوبائی وزیر ایکسائز حیدر خان نے کہا کہ سی پیک کے حوالے سے امریکی وزیر دفاع کے بیان سے ہمیں متاثر نہیں ہونا چاہیے گلگت بلتستان کو متنازعہ قرار دیکر پاکستان سے الگ کرنا صرف ایک خواب ہے انہوں نے کہا کہ ایک طرف ہم صوبائی طرز کے اختیارات مانگتے ہیں دوسری طرف ایک روپیہ ٹیکس دینے کیلئے بھی تیار نہیں ہیں اگر ہمیں حق حکمرانی کی جانب جانا ہے تو مناسب ٹیکس دینا ہوگا کاچو امتیاز حیدر نے کہا کہ اس علاقے میں بڑے مسائل ہیں ہمیں توقع ہے کہ سی پیک کی وجہ سے ہمارے مسائل حل ہونگے انہوں نے کہا کہ ایک ایک کرکے تمام ٹیکسز یہاں پر لاگو کیاجارہا ہے فاٹا کے عوام اور نمائندے ٹیکسوں کیخلاف سڑکوں پر نکل آئے ہیں کیا وفاقی حکومت یہ چاہتی ہے کہ گلگت بلتستان کے عوام بھی آئینی حقوق کیلئے سڑکوں پر نکل آئیں راجہ جہانزیب خان نے کہا کہ ہم سی پیک کے حوالے سے امریکی موقف کی مذمت کرتے ہیں انہوں نے کہا کہ گلگت بلتستان کے عوام نے پاکستان سے الحاق کیا ہے پورے ملک میں بہت سے علاقے ایسے ہیں جہاں پر ٹیکس کا نفاذ نہیں ہے ہم ٹیکس دینے کیلئے تیار ہیں مگر اس سے قبل ہمیں قومی اسمبلی اور سینیٹ میں نمائندگی دی جائے سکندر علی نے امریکہ وزیر دفاع کے بیان کی مذمت کرتے ہوئے کہاکہ امریکہ کبھی نہیں چاہیے گا کہ پاکستان ترقی کرے انہوں نے کہا کہ امریکہ کوسی پیک منصوبے کے بعد یاد آیا کہ گلگت بلتستان متنازعہ علاقہ ہے انہوں نے کہا کہ گلگت بلتستان کے عوام لازوال قربانیاں دی ہیں وفاقی حکومت گلگت بلتستان کی آئینی حیثیت کا تعین کرکے قومی اسمبلی اور سینیٹ میں نمائندگی دے ۔

Facebook Comments
Share Button