GB News

قوم کو یقین دلاتا ہوں کہ کرپشن کے خاتمے کیلئے کوششیں جاری رکھیں گے،جسٹس (ر) جاوید اقبال

Share Button

اسلام آباد (آئی این پی) قومی احتساب بیورو کے چیئرمین جسٹس (ر) جاوید اقبال نے کہا ہے کہ بڑے بڑے دبائو برداشت کئے ہیں’ مشرف کے دور میں بھی دبائو تھا’ ہر دور میں دبائو کا مقابلہ کیا’ سیاسی جماعتوں کا مشکور ہوں جنہوں نے مجھ پر اعتماد کیا’ قانون میں رہتے ہوئے سارے کام کئے جائیں گے۔ بدھ کو پارلیمنٹ ہائوس کے باہر میڈیا سے گفتگو کرتے ہوئے جسٹس (ر) جاوید اقبال نے کہا کہ قوم کو یقین دلاتا ہوں کہ کرپشن کے خاتمے کے لئے کوششیں جاری رکھیں گے۔ جلد نتائج ملیں گے سیاسی جماعتوں کا مشکور ہوں جنہوں نے مجھ پر اعتماد کیا۔ انہوں نے کہا کہ میں نے بڑے بڑے دبائو برداشت کئے ہیں ہر دور میں دبائو کا مقابلہ کیا۔ مشرف کے دور میں بھی دبائو تھا اس سے بڑا دبائو نہیں ہوسکتا۔ شریف خاندان کے کیسز کی خود مانیٹرنگ کروں گا۔ انہوں نے کہا کہ بہت جلد آپ کو تبدیلیاں نظر آئیں گی۔ قانون میں رہتے ہوئے سارے کام کئے جائیں گے۔ ججز اور جرنیلوں کے احتساب کے حوالے سے سوال پر جواب دیتے ہوئے انہوں نے کہا کہ قانون سازی کا اختیار پارلیمنٹ کو ہے اس پر کیا تبصرہ کروں احتساب سب کے لئے یکساں ہونا چاہئے۔ سیاستدانوں کے خلاف کیسز میرٹ پر چلیں گے، تمام کیسز کی خود نگرانی کروں گا، بہت جلد آپ کو تبدیلیاں نظر آئیں گی،بطور چیئرمین نیب میرے انتخابات کو ساری سیاسی جماعتوں نے قبول کیا ہے، کڑی نظر تومجھ پر بچپن سے رکھی گئی ہے، سیاستدان بھی رکھ لیں،بندہ اپنے ضمیراور رب کے سامنے جوابدہ ہے۔۔

 

Facebook Comments
Share Button