تازہ ترین

Marquee xml rss feed

پی ٹی اے نے پرانے موبائلوں کی خرید و فروخت پر ٹیکس لگا دیا پاکستان ٹیلی کمیونیشن اتھارٹی نے تاجروں کو پابند کیا ہے کہ پرانے موبائل بیچنے سے پہلے انہیں اس پر ٹیکس ادا کرنا ... مزید-آئی جی سندھ نے شہری کے پولیس کیساتھ نامناسب رویے کا نوٹس لے لیا-نواز شریف کی ضمانت پر اظہار تشکر کی قرارداد پنجاب اسمبلی میں جمع کروا دی گئی-عدالتی حکم پر من و عن عمل درآمد کیا جائے گا، ڈاکٹر شہباز گل مریم نواز کی درخواست پر کارڈیالوجی سینٹر جیل کے اندر بنایا گیا تھا ۔ کارڈیالوجی سینٹر میں 21 ڈاکٹرزاور 21 ٹیکنیشن ... مزید-نواز شریف کو ان کی ضمانت پر رہائی کے عدالتی حکم کی اطلاع جیل میں دی گئی-شکر ہے عدالت نے نواز شریف کو باہر جانے کی اجازت نہیں دی، وزیر اعظم لندن میں سیل لگی ہوئی تھی اور نواز شریف وہاں شاپنگ کرنے کے لیے مچل رہے تھے، عمران خان-تاریخی شاہی قلعہ میں واقعہ شیش محل کی سیاحت کے لئے سیاحوں پر 100 روپے مالیت کا ٹکٹ لاگو کر دیا گیا-لاہورہائی کورٹ نے اپوزیشن لیڈر شہبازشریف کا نام ای سی ایل سے نکالنے کا حکم دے دیا-اللہ تعالیٰ کا شکر ہے نواز شریف کو رہائی ملی ،عدالتی فیصلے کو سراہتے ہیں،شہباز شریف-وفاقی جامعہ اردو کراچی میں طلباء گروپوں کے مابین تصادم، کھڑکیاں ،دروازے توڑ دیے گئے انتظامیہ جھگڑا رکوانے میں ناکام ، پولیس اور رینجرز طلب کر لی گئی

GB News

ہم شہر کو خوبصورت بنانے کیلئے مزید منصوبوں پر کام کررہے ہیں،وزیر اعلیٰ

Share Button

گلگت(خصوصی رپورٹ)وزیر اعلیٰ گلگت بلتستان حافظ حفیظ الرحمن نے کہا ہے کہ جنگ آزادی گلگت بلتستان کے شہداء ،غازیوں اور ہیروز کو خراج عقیدت پیش کرنے کیلئے ہمارا فرض بنتا ہے کہ ان شہداء کے جائے شہادت اور جائے پیدائش کو زندہ سلامت رکھیں اسی جذبے کے تحت ہم نے جنگ آزادی گلگت بلتستان کے شہدا کی یاد گار کی تعمیر نو اور تزئین آرائش کی گئی ہے انہوںنے منگل کی شام کو چنار باغ گلگت میں یاد گار شہدائے گلگت بلتستان کی تعمیر نو کے بعدافتتاحی تقریب سے خطاب کرتے ہوئے کہاکہ گزشتہ سال یکم نومبر کو ہم جشن آزادی گلگت بلتستان کے موقع پر شہدا کی یاد گارپر پھول چڑھانے کیلئے گئے تو یاد گار کی حالت زار دیکھ کر ہمیں دکھ ہوا اورہم نے یادگار شہدا کی تعمیرنو کا فیصلہ کیا انہوںنے کہا کہ ماضی میں بہت سی حکومتیں آئیں انہوںنے بہت سے غیر ضروری اخراجات کئے ایک ایک گھر کی تزئین آرائش پرکروڑوں خرچ کئے گئے مگر کسی نے قوم کی یاد گار پر کوئی توجہ نہیں دی انہوںنے کہا کہ ہم نے شہدا کی یاد گار کی تعمیر نو کا عہد کیا جی ڈی اے نے ایک سال کے عرصے میں مکمل کرنے کی یقین دہانی کرادی پہلے تھری ڈی نقشہ بنایا اور ایک سال کے قلیل عرصے میں اس منصوبے کو زمین پر اتارا۔انہوںنے کہا کہ ماضی میں گلگت بلتستان کی پہچان ادھورے منصوبوں کا قبرستان بن چکا تھا ایک ایک رابطہ سٹرک پندرہ سال گزرنے کے باوجود بھی نامکمل رہتی تھی اسمبلی کی بلڈنگ کی تعمیر کا کام 2004میں شروع ہوا مگر اب تک نامکمل ہے ۔مگر اب ہمارے دور حکومت میں ترقیاتی منصوبے تیزی سے مکمل ہورہے ہیں انہوںنے کہا کہ ترقیاتی منصوبے کسی کے ذاتی منصوبے نہیں ہیں یہ گلگت بلتستان کے عوام کے مفاد کے منصوبے ہیں اگرہم ان ترقیاتی منصوبوں کو بروقت مکمل کریں اور معیار برقرار رکھیں تو اس سے عوام کو فائد ہوگا۔انہوںنے کہا کہ گلگت شہر نے بڑے بڑے خون خرابے دیکھے ہیں،کشت و خون دیکھا ہے دس سال شہر کے لوگوں نے کرفیو دیکھا ہے اب سیکورٹی اداروں ،سیاسی جماعتوں اورعوام کی کوششوں کی وجہ سے علاقے میں امن قائم ہوا ہے جس کی وجہ سے رواں برس پندرہ لاکھ سیاح آئے اب ہماری ذمہ داری بنتی ہے کہ یہاں آنے والے سیاحوں کو صاف ستھرا ماحول فراہم کریں سیاحوںکو بیٹھنے کی جگہ ہو دیکھنے کیلئے خوبصورت مقامات ہوںاس لئے ہم شہر کو خوبصورت بنانے کیلئے مزید منصوبوں پر کام کررہے ہیں زیروپوائنٹ پر خوبصورت پارک بنارہے ہیں لالک جان سٹیڈیم کی تزئین و آرائش کررہے ہیں خواتین کیلئے الگ پارک بنارہے ہیں اس موقع پر بروقت یاد گار شہدا کی تعمیرکرنے پرٹھیکیدار فردوس احمد کو شیلڈ اور نقد بیس ہزار روپے انعام دینے کا اعلان کیا انہوں نے جی ڈی اے کی کارکردگی کوبھی سراہا۔

Facebook Comments
Share Button