تازہ ترین

Marquee xml rss feed

لڑکی کو ہراساں کرنے والے ڈرائیور کا بیان سامنے آ گیا لڑکی گاڑی کی پچھلی سیٹ پر تھی کیسے ہراساں کر سکتا تھا؟ حلفیہ کہتا ہوں کہ لڑکی کو ہراساں نہیں کیا-جمائما کا شادی کے بعد عمران خان کے ساتھ رہنے والے گھر کو فروخت کرنے کا فیصلہ جمائما گولڈ سمتھ نے پہلی بار اپنے عالیشان گھر کی تصاویر شئیر کر دیں-مشہور کارٹون کیریکٹر ٹام اینڈ جیری اب لائیو ایکشن میں نظر آئیں گے وارنر بروز کی تخلیق کردہ ٹام اینڈ جیری کارٹون کو لائیو ایکشن میں بنانے کی تیاریاں شروع کی جاچکی ہیں-گلوکاری اور اداکاری کے بعد فرحان سعید کی فلم انڈسٹری میں انٹری سکرپٹ کے مراحل مکمل ‘فلم کی عکس بندی کا آغاز رواں برس دسمبر سے کیا جائے گا-اداکارہ ماہ نور کلین اینڈ گرین مہم کا حصہ بن گئیں بحریہ ٹائون میں اپنے گھرکے باہر پودا لگایا اور سٹرک پر جھاڑو بھی دیا-اداکارہ ساکشی تنورنے بچی گود لے لی یہ بچی میری دعاؤں کا انعام ہے جسے پاکر میں بے انتہا خوش ہوں‘اداکارہ-لوک ورثہ فیسٹیول2نومبر کوشکر پڑیاں میں شروع ہوگا-شلپا شندے نے ریب سے متعلق انکشاف کر کے سب کو حیران کردیا شوبز انڈسٹری میں سمجھوتے کے تحت کچھ لو اور کچھ دو کی بنیاد پر چیزیں ہوتی ہیں شوبز میں ریپ یا زبردستی نہیں بلکہ سب ... مزید-اداکار فیصل قریشی نے فلم بنانے کا اعلان کر دیا یہ فلم 2019 میں نمائش کے لیے پیش کی جائے گی-میںہر نئی فلم کو اپنی پہلی فلم سمجھتا ہوں، ایوشمان کھرانہ میری 3 فلمیں ناکام رہیں جو میری زندگی کا سیکھنے کا بہترین تجربہ تھا، بالی ووڈ اداکار

GB News

حسن اور حسین نواز اشتہاری قرار

Share Button

اسلام آباد (آئی این پی) احتساب عدالت نے تین نیب ریفرنسز میں مسلسل غیر حاضری پر سابق وزیراعظم نواز شریف کے صاحبزادوں حسن نواز اور حسین نواز کواشتہاری قراردے دیا،اب نیب آرڈیننس کی سیکشن 512کے تحت دونوں ملزمان کے خلاف شہادتیں ریکارڈ کرنے کا عمل شروع ہوگا،نیب کی طرف سے عدالت کو بتایا گیا کہ پاکستان میں حسن اور حسین نواز کی کوئی جائیداد نہیں۔پیر کو اسلام آباد میں احتساب عدالت کے جج محمد بشیر نے سابق وزیر اعظم نواز شریف کے دونوں صاحبزادوں حسن اور حسین نواز کے خلاف نیب ریفرنسز کی سماعت کی۔سماعت کے دوران نیب کے پراسیکیوٹر نے عدالت کے حکم کی تعمیلی رپورٹ جمع کرائی۔ رپورٹ میں کہا گیا کہ حسن اور حسین نواز کی ملک میں کوئی جائیداد نہیں ملی جب کہ بینک اکانٹس اور شیئرز پہلے ہی منجمد کیے جاچکے ہیں۔ احتساب عدالت نے طلبی کے نوٹسز اور ناقابلِ ضمانت وارنٹ گرفتاری جاری کئے جانے کے باوجود پیش نہ ہونے پر حسن اور حسین نواز کو اشتہاری قرار دے دیا۔ اشتہاری قرار دیے جانے کے بعد نیب آرڈیننس کی سیکشن 512 کے تحت دونوں ملزمان کے خلاف شہادتیں ریکارڈ کرنے کا عمل شروع ہوگا۔ اسلام آباد ہائی کورٹ نے سابق وزیراعظم نواز شریف کی تینوں ریفرنسز یکجا کرنے کی درخواستیں مسترد کردیں’ عدالت نے احتساب عدالت کو نواز شریف کے خلاف ٹرائل جاری رکھنے کا حکم دیا تھا’ ہائیکورٹ کے جسٹس عامر فاروق اور جسٹس محسن اختر کیانی نے فیصلہ سنایا۔ پیر کو اسلام آباد ہائیکورٹ نے نواز شریف کی احتساب عدالت میں تینوں ریفرنسز یکجا کرنے کی تینوں درخواستیں مسترد کردیں۔ ہائیکورٹ نے احتساب عدالت کو نواز شریف کا ٹرائل جاری رکھنے کا حکم دیدیا۔ اسلام آباد ہائیکورٹ کے جسٹس عامر فاروق اور جسٹس محسن اختر کیانی نے فیصلہ سنایا۔ نواز شریف نے ایون فیلڈ’ عزیزیہ اور فلیگ سپ ریفرنسز یکجا کرنے کی استدعا کی تھی۔ فیصلہ 12صفحات پر مشتمل ہے ۔ عدالت نے احتساب عدالت کے جاری شدہ فیصلے کو برقرار رکھا ہے ڈویژن بینچ نے 23نومبر کو درخواستوں پر فیصلہ محفوظ کیا تھا۔ احتساب عدالت نے نیب ریفرنسز کی سماعت کے دوران سابق وزیراعظم نواز شریف کی ایک ہفتے کے لئے حاضری سے استثنی کی درخواست منظور کر لی جب کہ مریم نواز کی استثنیٰ کی درخواست مسترد کردی۔اسلام آباد کی احتساب عدالت کے جج محمد بشیر نے سابق وزیراعظم نواز شریف، ان کی صاحبزادی مریم نواز اور داماد کیپٹن (ر)محمد صفدر کے خلاف نیب کی جانب سے دائر تین ریفرنسز کی سماعت کی۔سماعت کے دوران عدالت نے نواز شریف کی ایک ہفتے کے لئے حاضری سے استثنی کی درخواست منظور کرلی جس کا اطلاق(آج) ہونے والی سماعت سے ہوگا۔جب کہ جج محمد بشیر نے مریم نواز کی حاضری سے استثنی کی درخواست میں رد و بدل کی استدعا مسترد کردی اور ان کا استثنی 15 دسمبر تک برقرار رکھا ہے۔نیب ریفرنسز کی سماعت کے دورا ن دو مرتبہ وقفہ کیا گیا اور سابق وزیراعظم نواز شریف، مریم نواز اور داماد کیپٹن (ر)محمد صفدر کے ہمراہ 2 مرتبہ عدالت کے روبرو پیش ہوئے۔ پہلے وقفے کے بعد نواز شریف عدالت کے روبرو پیش نہ ہوئے تو عدالت نے وکیل کا موقف سننے کے بعد نجی بینک سے تعلق رکھنے والے استغاثہ کے گواہ ملک طیب احمد کا بیان ریکارڈ کرنے کا حکم دیا۔

Facebook Comments
Share Button