تازہ ترین

Marquee xml rss feed

خیبرکالج آف ڈینسٹری کی کوآرڈینیشن کونسل کااجلاس-جامعہ پشاور میں الیکٹرانک میڈیا تربیتی کورس اختتام پذیر-عوام 2018ء کے الیکشن میں مسلم لیگ (ن) کو ووٹ دے کر کامیاب بنائیں گے ،سیدعمران-صوابی،سپورٹس گالا میں جاری بیڈ منٹن اوروالی بال مقابلے اختتام پذیر-جے ٹی آئی شیخ الہند پابینی یونٹ صوابی کی کابینہ تشکیل-اداکارہ کاجول پہلی بار ایک گلوکارہ کے روپ میں نظر آئیں گی اداکارہ بہت جلد اپنے شوہر اجے دیوگن کی پروڈکشن میں بننے والی فلم ’’ایلا‘‘ کی شوٹنگ کاآغاز کریں گی-سنجے لیلا کی درخواست پر اکشے نے فلم کی نمائش موخر کر دی اب فلم پیڈمین 25 جنوری کے بجائے 9 فروری کو پیش کی جائیگی-جدید سنیما گھروں کے قیام سے فلم انڈسٹری میں نئی جان پڑی ہے، قرة العین عینی انڈسٹری کی طرف ویلکم کہنے اور پہلی فلم پر لوگوں کی طرف سے ملنے والے رسپانس کا سوچا بھی نہیں تھا‘انٹرویو-عامر خان چین میں اپنی ایک اور فلم کیساتھ بڑی کامیابی حاصل کرنے کیلئے تیار عامر خان کی فلمز ’دھوم 3‘، ’پی کے‘ اور ’دنگل‘ بھی چین میں نمائش کے لیے پیش کی جاچکی ہیں-کرن جوہر نے مس ورلڈ مانوشی کو اپنی فلم میں کام دینے کی تردید کردی کرن نے مانوشی کو اپنی فلم ’’اسٹوڈنٹ آف دی ایئر2‘‘میں کام کرنے کی پیشکش کی ہے، بھارتی میڈیا کا دعویٰ

GB News

سمارٹ میٹرزکے نظام کو تمام علاقوں تک وسعت دینے کاحکم

Share Button

گلگت(پ ر)وزیر اعلیٰ گلگت  بلتستان حافظ حفیظ الرحمن نے سیکریٹری برقیات کو ہدایت کی ہے کہ صوبے میں انرجی ریگولیشن سسٹم کو بہتر بنانے کیلئے اقدامات کئے جائیں۔ سمارٹ میٹرزکا پائلٹ پروجیکٹ انتہائی کامیاب رہا ہے اس منصوبے کے مثبت ثمرات سامنے آرہے ہیں۔ گلگت کے دیگر علاقوں سے بھی اس منصوبے کی افادیت کو محسوس کرتے ہوئے عوام نے سمارٹ میٹرز نصب کرنا چاہتے ہیں تاکہ ان کو بھی بلاتعطل فل والٹیج کے ساتھ بجلی کی فراہمی ممکن ہو جس کو مدنظر رکھتے ہوئے کنوداس میں اس منصوبے کی انتہائی کامیابی کے بعد ذوالفقار آباد اور نور کالونی میں سمارٹ میٹرز نصب کئے جائیں اور بتدریج گلگت کے تمام علاقوں میں سمارٹ میٹرز کے نظام کو وسعت دی جائے تاکہ بجلی کا ضیاع اور بجلی کی چوری کو روکا جاسکے۔ وزیر اعلیٰ حافظ حفیظ الرحمن نے کہاکہ حکومت نے توانائی کے متبادل ذرائع متعارف کرانے کیلئے ایل پی جی ایئرمکس منصوبے متعارف کرارہے ہیںتاکہ گلگت کے عوام کو گیس کی فراہمی ممکن ہوسکے۔ وزیر اعلیٰ گلگت حفیظ الرحمن نے سیکریٹری برقیات کو ہدایت کی ہے کہ بجلی کے جن منصوبوں پر کام سست روی کا شکار ہے ان میں تیزی لائی جائے اور متعلقہ ٹھیکیداروں کو بروقت کام مکمل کرنے کی ہدایت کی جائے۔ جو ٹھیکیدار بروقت بجلی کا منصوبہ مکمل نہ کرے اس کیخلاف قانونی کارروائی عمل میں لائی جائے۔ ان خیالات کا اظہار وزیر اعلیٰ حافظ حفیظ الرحمن نے سیکریٹری برقیات کی جانب سے بجلی کے منصوبوں کے بارے میں دیئے جانے والے بریفنگ کے موقع پر گفتگو کرتے ہوئے کیا۔ وزیر اعلیٰ حافظ حفیظ الرحمن نے کہاکہ بجلی کے نظام کو بہتر بنانے اور بجلی کے بحران پر قابو پانے کیلئے حکومت اقدامات کررہی ہے۔ ہینزل ، عطاء آباد، کے آئی یو سمیت دیگر میگا پاور پروجیکٹس کی تعمیر کے بعد گلگت  بلتستان کے عوام کو بجلی کی لوڈشیڈنگ سے مکمل نجات ملے گی۔

Facebook Comments
Share Button