تازہ ترین

Marquee xml rss feed

گاڑیوں اور بھینسوں کے بعد 11کھلاڑی بھی نیلام کیے جائیں کھلاڑی نیلام کرنے سے تین ہزار ارب GB ڈیٹا اور 20 ہزار میگا واٹ سالانہ بجلی کی بچت ہو گی جو قوم کرکٹ میچ دیکھنے میں خرچ ... مزید-پنجاب کو آ پریٹو بینک اور سوسائٹی کے ریکارڈ روم میں آگ لگائے جانے کا انکشاف آگ شارٹ سرکٹ سے نہیں بلکہ پٹرولیم سے لگائی گئی تھی،جس وقت آ گ لگی اس وقت چوکیدار بھی موجود نہیں ... مزید-نواز شریف روزانہ بیگم کلثوم نواز کی قبر پر کچھ وقت گزارتے ہیں نواز شریف کو پچھتاوا ہے کہ وہ آخری وقت میں کلثوم نواز کے ساتھ نہیں تھے-پاکستان چین کے تعاون سے گوادر پورٹ کو دنیا کی جدید ترین بندرگاہ بنا کر سمندری راستے سے عالمی تجارت کو فروغ دینے کیلئے بھرپور اقدامات کر رہا ہے وفاقی وزیر منصوبہ بندی، ... مزید-امریکی سرمایہ کاروں کو پاکستان کے دورے کی دعوت، ویزے آسان بنانے کی کوشش جاری ہے امریکا میں پاکستان کے سفیر علی جہانگیر صدیقی کی ایف پی سی سی آئی کے صدر غضنفر بلور سے ... مزید-سابق صدر پرویز مشرف کی دبئی میں 4.5 ملین سے زائد کی جائیداد سپریم کورٹ میں جمع کروائے گئے بیان حلفی میں جائیدادوں کی تفصیل سامنے آ گئی-وزیراعظم عمران خان کا آج قوم سے خطاب متوقع وزیراعظم عمران خان قوم سے خطاب میں اہم اعلان کریں گے-کیپٹن (ر) صفدر کو بیرون ملک بھیجنے کی تیاریاں کیپٹن (ر) صفدر کو علاج کے لیے بیرون ملک منتقل کیا جا سکتا ہے-ضمنی انتخابات میں تحریک انصاف کی جیت یقینی ہے،لیاقت خان خٹک-چترال میں چینی انجینئرزکی گاڑی کوحادثہ ، 6 افراد زخمی

GB News

وزیر اعلی نے گلگت میں ڈیڑھ ارب روپے کے ایل پی جی ایئرمکس منصوبے کا سنگ بنیاد رکھ دیا

Share Button

گلگت(سٹاف رپورٹر)وزیر اعلی گلگت بلتستان حافظ حفیظ الرحمان نے گلگت میں ڈیڑھ ارب روپے کے ایل پی جی ایئرمکس منصوبے کا سنگ بنیاد رکھ دیا ہے ۔ مقامی ہوٹل میں منعقد ہ تقریب سے خطاب کرتے ہوئے وزیر اعلی حافظ حفیظ الرحمان نے کہا کہ گلگت بلتستان کیلئے ایل پی جی ایئرمکس منصوبہ انقلاب کی حیثیت رکھتا ہے اس منصوبے سے گلگت بلتستان کے عوام کو سستے نرخوں پر سبسڈائز کرکے گیس کی فراہمی ممکن ہوگی۔ وزیراعظم پاکستان شاہد خاقان عباسی نے اس منصوبے کا سنگ بنیاد رکھنا تھا لیکن چند وجوہات کی وجہ سے ان کا دورہ ملتوی ہوا جس پر وزیراعظم پاکستان نے ہدایت کی کہ اس اہم منصوبے کا سنگ بنیاد وزیر اعلیٰ گلگت بلتستان حافظ حفیظ الرحمن خود رکھیں ا وزیر اعلیٰ گلگت بلتستان حافظ حفیظ الرحمن نے اس موقع پر کہاکہ اس اہم منصوبے میں حکومت اور انتظامیہ کا کردار قابل تحسین رہا ہے چند جماعتیں جو صرف نفرتوں اور انتشار کی سیاست کرتے ہیں ان کے پاس مسلم لیگ ن پر تنقید کے علاوہ کوئی ایجنڈا نہیں ہے۔ زمینوں کے حوالے سے ہماری حکومت نے پالیسی بنائی ہے اسی لئے سوئی ناردرن کو اس منصوبے کیلئے زمین لیز پر فراہم کردی گئی ہے ہماری حکومت سے قبل مفت زمینوں کی بندربانٹ ہوتی تھی اب ختم کر دی گئی ہے ہم نے فیصلہ کیا ہے کہ سرکاری اداروں کو بھی زمین مفت فراہم نہ کی جائے۔ وزیر اعلیٰ گلگت بلتستان حافظ حفیظ الرحمن نے کہاکہ مسلم لیگ ن کے قائد محمد نواز شریف جب وزیر اعظم کے منصب پر تھے اس وقت ان سے ہونے والی ملاقات میں گلگت بلتستان کے عوام کو درپیش مشکلات سے آگاہ کیا تھا جس پر انہوں نے موجودہ وزیر اعظم پاکستان شاہد خاقان عباسی جو اس وقت بحیثیت وزیر پیٹرولیم اپنے خدمات سرانجام دے رہے تھے ان کو ہدایت کی کہ گلگت بلتستان کے عوام کودرپیش مشکلات کو حل کئے جائیں جس پر وزیر اعظم پاکستان شاہد خاقان عباسی نے ذاتی دلچسپی لیتے ہوئے ایل پی جی ایئر مکس منصوبے کا وعدہ کیا تھا مختصر مدت میں سوئی ناردرن کی ٹیموں کے ذریعے فزیبلٹی کے عمل کو مکمل کرایا گیا اس منصوبے کے آغاز سے گلگت بلتستان میں ایک نئے دورکا آغاز ہوگا۔ پہلے مرحلے میں گلگت کے عوام کو ایل پی جی ایئرمکس منصوبے کے ذ ریعے گیس فراہم کی جائے جسے بتدریج تمام اضلاع تک وسعت دی جائے گی۔ وزیر اعلیٰ گلگت بلتستان حافظ حفیظ الرحمن نے کہاکہ ایک جھوٹے مقدمے میں مسلم لیگ ن کے قائد محمد نواز شریف کو وزیر اعظم کے عہدے سے ہٹا کر یہ سمجھا گیا کہ مسلم لیگ ن کو ختم کردیں گے لیکن انہیں نہیں پتہ کہ پاکستان کے تمام میگا پروجیکٹس مسلم لیگ ن کے قائد محمد نواز شریف نے ہی بنائیں پاکستان کی تعمیر وترقی، ملک سے دہشتگردی کے خاتمے کیلئے اقدامات مسلم لیگ ن کے قائد محمد نواز شریف نے ہی کئے ہیں اسی لئے انتخابات میں ہمیشہ سے پاکستان کے عوام مسلم لیگ ن کے قائد محمد نواز شریف اورمسلم لیگ ن کو ووٹ دیتے ہیں جو لوگ مسلم لیگ ن پر تنقید کرتے ہیں پاکستان کی ترقی کو روکنا چاہتے ہیں اسی لئے پاکستان کے عوام نے ہمیشہ منفی سیاست کرنے والی جماعتوں کو مسترد کرلیا ہے۔ ایل پی جی ایئرمکس منصوبے کے آغاز سے جنگلات کے کٹائو کو روکنے اور بجلی کے بحران پر قابو پانے میں مدد ملے گی۔ گلگت بلتستان میں روڈ انفراسٹرکچر کی بہتری پر تیزی سے کام جاری ہے ۔ خوشحال گلگت بلتستان کے ایجنڈے کو عملی جامعہ پہنائیں گے صوبے میں پرائیویٹ سیکٹر کے فروغ کیلئے اقدامات کررہے ہیں۔ وزیر اعلیٰ گلگت بلتستان حافظ حفیظ الرحمن نے کہاکہ جو لوگ آج مسلم لیگ ن اور مسلم لیگ ن کے قائد محمد نواز شریف پر تنقید کررہے ہیں وہ جماعتیں عوام کو بتائیں کہ اپنے دور حکومت میں گلگت بلتستان کیلئے ایک بھی منصوبہ شروع نہیں کیا اگر کسی جماعت نے میگا پروجیکٹس بنائے ہیں گلگت بلتستان کی خوشحالی اور ترقی کیلئے تو وہ صرف مسلم لیگ ن ہے۔ جس جماعت کے قائد کا ایجنڈا خرید و فروخت ہے وہ بھی آج مسلم لیگ ن پر تنقید کررہے ہیں۔

Facebook Comments
Share Button