تازہ ترین

Marquee xml rss feed

اںڈے برآمد ہونے کے بعد سیکیورٹی اہلکار چوکنے ہوگئے رانا ثنا اللہ نے کہا ہے کہ سیکیورٹی اہلکارہر بار ان سے پوچھتے ہیں کہ ان کے پاس انڈے تو نہیں ہیں-گرفتار رکن کو پنجاب اسمبلی میں لانے کیلئے شہبازشریف نے رولز میں ترمیم نہیں کی تھی‘ چودھری پرویزالٰہی سب سے زیادہ فلاحی کام ہمارے دور میں ہوئے‘باباجی خالد محمود مکی ... مزید-یکم جنوری سے تمام کمرشل ڈرائیورز کی سکریننگ اور مرحلہ وار خصوصی تربیتی کورسز کرانے کا فیصلہ 6ماہ میں ہر ڈرائیور کو اس عمل سے گزارا جائے ،آگاہی مہم جاری رکھی جائے‘عبدالعلیم ... مزید-آئی ایم ایف کی شرائط کے انتظار سے پہلے ہی معیشت کی بہتری کیلئے ازخود اقدامات کئے ‘ اسد عمر اصلاحات کے معاملے پر آئی ایم ایف اور حکومت کے درمیان اختلافات ہیں ،اقدامات ... مزید-سعودی عرب سے امداد حاصل کرنے پر پاکستان کو شرمندگی نہیں ہونی چاہیئے ہمیں شرم کرنے کا کہنے کی بجائے مغربی ملکوں کے رہنماوں کو شرم آنی چاہیے جو جمہوریت اور آزادی کی بات ... مزید-لندن میں پاکستانی تاجر کا کروڑوں کا کاروبار جل کر راکھ نسل پرستوں نے پاکستانی تاجر کی کروڑوں روپے مالیت کی گاڑیاں جلا ڈالیں-احتساب عدالت نے شوکت عزیز کیخلاف دائر ریفرنس میں شریک ملزم عارف علاؤالدین کو عدم حاضری کی بناء پر اشتہاری قرار دیدیا-جنگی حکمت عملی میں ہمیں ہائبرڈوار فئیر اور سائبر وار فئیر کے خلاف چوکنا رہنا ہے ،ْ نیول چیف ایڈمرل ظفر محمود عباسی جیو اسٹریٹجک حالات کو مدنظر رکھتے ہوئے ہمیں اپنے قومی ... مزید-ْ پروٹوکول میں جو بات بتائی گئی اس میں کوئی بھی چیز یہاں موجود نہیں ،ْ چیف جسٹس ثاقب نثار-امریکہ نے پاکستان کو باعث تشویش ممالک پر عائد معاشی پابندیوں سے استثنیٰ دے دیا گذشتہ روز امریکہ نے پاکستان کو مذہبی آزادی کی خلاف ورزی کرنے والے ممالک کی فہرست میں ... مزید

GB News

واں مالی سال کے 9مہینوں میں صوبائی حکومت نے کل بجٹ کا 36فیصد خرچ کرلیا،راجہ جہانزیب

Share Button

گلگت(فہیم اختر سے)ممبرقانون سازاسمبلی گلگت بلتستان راجہ جہانزیب نے کہا ہے کہ رواں مالی سال کے 9مہینوں میں صوبائی حکومت نے کل بجٹ کا 36فیصد خرچ کرلیا ہے اور آئندہ صرف تین مہینوں کیلئے بجٹ کا 64فیصد حصہ باقی ہے جس سے یہ خدشہ آرہا ہے کہ ترقیاتی بجٹ کی خطیر رقم خرچ نہیں ہوسکے گی جو کہ گلگت بلتستان کے ساتھ سنگین مذاق کے مترادف ہے صوبائی حکومت نے اب تک عوامی نمائندوں سے اے ڈی پی کیلئے منصوبے ہی طلب نہیں کئے ہیں مزید تاخیر کی صورت میں 15لاکھ عوام کے ووٹوں سے منتخب ممبران کا نہ صرف استحقاق مجروح ہوگا بلکہ عوام کے مفاد میں 1روپیہ بھی خرچ نہیں ہوگا جوکہ صوبائی حکومت کی نااہلی ہے کے پی این سے گفتگو کرتے ہوئے رکن صوبائی اسمبلی راجہ جہانزیب نے کہا کہ بجٹ خرچ کرنے کے حوالے سے صوبائی حکومت نے نااہلی کی انتہا کردی ہے صرف 3ماہ کیلئے بجٹ کا 64فیصد حصہ بقایا ہونا اور 9ماہ میں صرف 36فیصد خرچ ہونا اس نااہلی کا منہ بولتا ثبوت ہے گزشتہ سال رانی عتیقہ کی سربراہی میں قائمہ کمیٹی میں ہم نے ہفتہ وار بنیادوں پر تمام اداروں کی چیک اینڈ بیلنس کی اور نہ صرف مکمل بجٹ خرچ کرنے میںہم کامیاب ہوئے بلکہ سابقہ سال کے 4ارب سے زائد رقم کو بھی خرچ کرایا اسی بنیاد پر صوبائی حکومت نے وفاق سے بجٹ میں اضافہ کا مطالبہ کردیا اور بجٹ دوگناہ کردیاگیا مگر بدقسمتی سے رواں مالی سال صوبائی حکومت نے اسمبلی معاملات اور قائمہ کمیٹی میں دلچسپی نہیں لی جس کی وجہ سے قائمہ کمیٹی کا کوئی بھی اجلاس طلب نہیں ہوسکا ہے قائمہ کمیٹی کا بذات خود غیر فعال ہونا سمجھ سے باہر ہے تاہم اس کا نزلہ عوام پر گر رہاہے انہوںنے کہا کہ صوبائی حکومت سے باربار مطالبہ کرنے اور وزیراعلیٰ سے پوچھنے کے باوجود ممبران اسمبلی سے اب تک ترقیاتی منصوبے طلب نہیں کئے گئے ہیں گزشتہ سال دسمبر سے اب تک صرف جلد ہی کے نام پر ٹرخایا جارہا ہے راجہ جہانزیب نے مزید کہا کہ صوبائی حکومت کے پاس بجٹ خرچ کرنے کے حوالے سے صلاحیت ہی نہیں ہے ممبران اسمبلی کے 2016-17کے منظور شدہ منصوبوں کے ٹینڈرز ابھی تک نہیں ہوئے رواں سال اب تک بجٹ کا کل 36فیصد خرچ کیاگیا ہے جبکہ آئندہ بجٹ کیلئے اب تک ممبران اسمبلی سے سکیمیں طلب ہی نہیں کئے گئے ہیں صوبائی حکومت اخبارات کی حد تک اچھی کارکردگی دکھا رہی ہے جبکہ عملی طورپر کارکردگی صفر ہے ممبران اسمبلی کو صرف یاد دہانیاں کرائی جارہی ہے۔

 

Facebook Comments
Share Button