تازہ ترین

Marquee xml rss feed

گاڑیوں اور بھینسوں کے بعد 11کھلاڑی بھی نیلام کیے جائیں کھلاڑی نیلام کرنے سے تین ہزار ارب GB ڈیٹا اور 20 ہزار میگا واٹ سالانہ بجلی کی بچت ہو گی جو قوم کرکٹ میچ دیکھنے میں خرچ ... مزید-پنجاب کو آ پریٹو بینک اور سوسائٹی کے ریکارڈ روم میں آگ لگائے جانے کا انکشاف آگ شارٹ سرکٹ سے نہیں بلکہ پٹرولیم سے لگائی گئی تھی،جس وقت آ گ لگی اس وقت چوکیدار بھی موجود نہیں ... مزید-نواز شریف روزانہ بیگم کلثوم نواز کی قبر پر کچھ وقت گزارتے ہیں نواز شریف کو پچھتاوا ہے کہ وہ آخری وقت میں کلثوم نواز کے ساتھ نہیں تھے-پاکستان چین کے تعاون سے گوادر پورٹ کو دنیا کی جدید ترین بندرگاہ بنا کر سمندری راستے سے عالمی تجارت کو فروغ دینے کیلئے بھرپور اقدامات کر رہا ہے وفاقی وزیر منصوبہ بندی، ... مزید-امریکی سرمایہ کاروں کو پاکستان کے دورے کی دعوت، ویزے آسان بنانے کی کوشش جاری ہے امریکا میں پاکستان کے سفیر علی جہانگیر صدیقی کی ایف پی سی سی آئی کے صدر غضنفر بلور سے ... مزید-سابق صدر پرویز مشرف کی دبئی میں 4.5 ملین سے زائد کی جائیداد سپریم کورٹ میں جمع کروائے گئے بیان حلفی میں جائیدادوں کی تفصیل سامنے آ گئی-وزیراعظم عمران خان کا آج قوم سے خطاب متوقع وزیراعظم عمران خان قوم سے خطاب میں اہم اعلان کریں گے-کیپٹن (ر) صفدر کو بیرون ملک بھیجنے کی تیاریاں کیپٹن (ر) صفدر کو علاج کے لیے بیرون ملک منتقل کیا جا سکتا ہے-ضمنی انتخابات میں تحریک انصاف کی جیت یقینی ہے،لیاقت خان خٹک-چترال میں چینی انجینئرزکی گاڑی کوحادثہ ، 6 افراد زخمی

GB News

قانون ساز اسمبلی کو اعتماد میں لئے بغیر کسی بھی قسم کے ٹیکسز کے نفاذ کا فیصلہ کیاگیا تو پورے گلگت بلتستان میں احتجاجی دھرنے شروع ہونگے،جاوید حسین

Share Button

گلگت(خصوصی رپورٹ)پاکستان پیپلز پارٹی کے رہنما و رکن قانون سازاسمبلی جاوید حسین نے کہا ہے کہ گلگت بلتستان کے عوام پر ٹیکسوں کے نفاذ کا بم گرانے کیلئے قانونی مسودہ تیار کرلیاگیا ہے گلگت بلتستان کونسل کے اجلاس میں باقاعدہ منظوری حاصل کرنے کی تیاریاں کی جارہی ہیں گلگت بلتستان قانون ساز اسمبلی کو اعتماد میں لئے بغیر کسی بھی قسم کے ٹیکسز کے نفاذ کا فیصلہ کیاگیا تو پورے گلگت بلتستان میں احتجاجی دھرنے شروع ہونگے اور ان دھرنوں کی قیادت اپوزیشن ممبران کریںگے۔انہوںنے کے پی این سے گفتگوکرتے ہوئے بتایا کہ ٹیکسوں کے نفاذ پر نظر ثانی کیلئے بنائی گئی کمیٹی نے گلگت بلتستان میں ان تمام ٹیکسز کو دوبارہ نافذ کرنے کیلئے جنہیں عوامی احتجاج پر واپس لیاگیا تھا قانونی مسودہ تیار کرلیاگیا ہے انہوںنے بتایا کہ وزیراعظم کے اعلان کے باوجود گلگت بلتستان کونسل کو ختم کرنے کا نوٹیفکیشن اس لئے جاری نہیں کیاگیا ہے کہ کونسل کے اجلاس میں ٹیکسوں کے نفاذ کی منظوری حاصل کی جاسکے۔انہوںنے کہا کہ مالا کنڈ ڈویژن کے عوام کو قومی اسمبلی اور سینٹ میں نمائندگی کے باوجود ٹیکسوں میں خصوصی چھوٹ دی گئی ہے آخر کیا وجہ ہے کہ گلگت بلتستان کے عوام پر غیر قانونی اور غیر آئینی ٹیکسوں کا نفاذ کیا جارہاہے ۔انہوںنے کہا کہ ہم گلگت بلتستان میں ٹیکسوں کے نفاذ کی کوشش کی گئی تو بھر پور عوامی طاقت کا مظاہرہ کریں اورگلگت بلتستان کی صوبائی حکومت کو فارغ کر کے دم لیں گے۔انہوںنے کہا کہ مسلم لیگ ن کی وفاقی اور صوبائی حکومت نے گلگت بلتستان کے عوام کے ساتھ آئینی کمیٹی کے نام پر ڈرامہ کیا ہے ۔انہوںنے کہا کہ سرتاج عزیز کی کمیٹی کے قیام کے فوراً بعد اعلان کیاگیاتھا کہ یہ کمیٹی ایک ماہ میںاپنی رپورٹ پیش کریگی ایک ماہ کی بجائے تین سال گزرنے کے باوجود بھی کمیٹی کی رپورٹ کا کہیں نام و نشان نہیں ہے انہوںنے بتایا کہ اس وقت امریکہ میں موجود ایک لابی جسے امریکہ کی سرپرستی حاصل ہے گلگت بلتستان اور کشمیر پر مشتمل ایک الگ ریاست بنانے کی سازشوں میں مصروف ہے ہم ایسے تمام سازشوں کی بھرپور مذمت کرتے ہیں ان سازشوں کو ناکام بنانے کا آسان حل یہ ہے کہ بغیر کسی تاخیر کے گلگت بلتستان کو پانچواں آئینی صوبہ بنانے کا اعلان کر کے قومی اسمبلی اور سینٹ میں نمائندگی دی جائے۔انہوںنے کہا کہ مسلم لیگ ن کی وفاقی و صوبائی حکومت گلگت بلتستان کے عوام کو آئینی حقوق دینے میں سنجیدہ نہیں ہے وفاق میں ہونے والے قومی انتخابات میں پی پی کامیاب ہوگی اور وفاق میں حکومت بنانے میں کامیاب ہوگی جس کے بعد پی پی گلگت بلتستان کو پانچواں آئینی صوبہ بنانے کا اعلان کرکے ان علاقوں کے عوام کو قومی اسمبلی و سینٹ میں نمائندگی دیگی۔

 

Facebook Comments
Share Button