تازہ ترین

Marquee xml rss feed

گوادر میں پاکستان کا سب سے بڑا اور جدید ترین ائیرپورٹ تعمیر کرنے کی تیاریاں مکمل وزیراعظم عمران خان 29 مارچ کو ساحلی شہر میں منصوبے کا سنگ بنیاد رکھیں گے، منصوبہ سی پیک ... مزید-بلاول بھٹو 26مارچ کو کراچی سے ٹرین مارچ کا آغاز کریں گے، خورشید شاہ اٹھارہویں ترمیم کی حفاظت کے لیے قانون کےدائرے میں رہ کر جو بھی کر سکتے ہیں کریں گے، بلاول بھٹو زرداری-460ارب جرمانہ ملک ریاض نے نہیں، عوام نے ادا کرنا ہے، محمود صادق ملک ریاض کوعدالت سے ڈیل میں اب بھی 700 ارب منافع ہوگا، بحریہ ٹاؤن پر دباؤ بڑھنے سے کام ٹھپ ہوا تو لوگوں نے ... مزید-مفتی تقی عثمانی پر حملہ کرنیوالے ملزمان بہت جلد قانون کی گرفت میں ہوں گے،آئی جی سندھ-آئی ایس پی آر اور پاک فضائیہ کی جانب سے یومِ پاکستان 2019 کی مناسبت سے آفیشل نغمے جاری کردیے پاکستان زندہ آباد کے عنوان سے جاری کیے گئے نغمے میں وطن کے محفافظوں کو ... مزید-فیس بک کا بغیر اجازت نامناسب تصاویر اپ لوڈ یا شیئر کرنے والے صارفین کو بلاک کے نئے اقدامات کا اعلان کسی کی نامناسب تصاویر اس کی اجازت کے بغیر شیئر کرنا نقصان دہ ہے، ہم ... مزید-وزیراعلیٰ سندھ کا مفتی تقی عثمانی پر قاتلانہ حملے میں شہید اہلکار کے نابینا بچوں کے علاج کرانے اور مفت تعلیم کا اعلان-یوم پاکستان : گورنر اور وزیراعلیٰ سندھ نے مزار قائد پر حاضری دی،ملکی سلامتی کیلئے دعاکی-سعودی ولی عہد کی مہمان نواز کرنے والے ملازمین میں ایک کروڑ اعزازی تنخواہ دیئے جانے کا انکشاف-ملائیشیا پاکستان کی دفاعی صنعت سے بے حد متاثر، پاکستان کے اینٹی ٹینک میزائل خریدنے میں دلچسپی کا اظہار گزشتہ روز ملائیشیا کے وزیراعظم نے جے ایف 17 تھنڈر جنگی طیاروں کی ... مزید

GB News

جب بھی نواز شریف کو مائنس کرنے کی کوشش کی گئی، وہ پہلے سے زیادہ مضبوط ہوئے:مریم نواز

Share Button

سیالکوٹ: پاکستان مسلم لیگ ن کی مرکزی رہنما مریم نواز نے کہا ہے کہ جب بھی نواز شریف کو مائنس کرنے کی کوشش کی گئی، وہ پہلے سے زیادہ مضبوط ہوئے۔

مریم نواز نے مسلم لیگ ن کے سوشل میڈیا ورکرز کنونشن سے خطاب کرتے ہوئے کہا کہ سیالکوٹ کے لوگ نواز شریف سے محبت کرتے ہیں، پہلی مرتبہ نہیں ہوا کہ نواز شریف کو نااہل کیا گیا ہو اور سزا دی گئی ہو۔ سپریم کورٹ نے نواز شریف کو تاحیات نااہل کر دیا ہے۔ ان کو پارٹی کی صدارت سے بھی نکالا گیا، سابق وزیراعظم کو بیٹے سے تنخواہ نہ لینے پر نااہل کیا گیا۔

انہوں نے مزید کہا کہ ایک سال سے مسلم لیگ ن کو توڑنے کی کوشش ہو رہی تھی، ہماری پارٹی کے کچھ ایم این ایز کو ادھر سے ادھر کر دیا گیا، عوام انتخابات میں سازشیں کرنے اور مہرے بننے والوں کو عبرت کا نشانہ بنائیں گے۔ ن لیگ 2018 کے انتخابات میں تاریخ کا سب سے بڑا مینڈیٹ حاصل کرے گی۔ جب الیکشن میں ووٹ کی بات آتی ہے تو عوام کے سیلاب کو نہیں روکا جاسکتا۔ یہ سمجھتے ہیں کہ سینیٹ الیکشن کی طرح جوڑ توڑ کرکے 2018 کے انتخابات میں بھی کارکردگی دکھائیں گے۔

مریم نواز نے کہا کہ نواز شریف کیخلاف گواہی دینے والے واجد ضیا نے نواز شریف کے حق میں گواہی دی، واجد ضیا نے عدالت میں کہا کہ سابق وزیر اعظم کے خلاف کوئی ثبوت نہیں۔ نواز شریف رائیونڈ سے کال دیں یا جیل سے، اس پر لبیک کہیں گے کیونکہ وہ 22 کروڑ عوام کی جنگ لڑ رہے ہیں۔

انہوں نے کہا کہ عمران خان سے پوچھیں سینیٹ الیکشن میں پیپلز پارٹی کو ووٹ کیوں دیا؟ زرداری صاحب کہتے ہیں کہ عمران خان ان کے آگے بک چکے ہیں۔ عمران اور زرداری نے ہاتھ ملا لیا ہے اور وہ مہرے بن کر عوام کی لکیر کے اس پار کھڑے ہیں۔

Facebook Comments
Share Button