تازہ ترین

Marquee xml rss feed

گوادر میں پاکستان کا سب سے بڑا اور جدید ترین ائیرپورٹ تعمیر کرنے کی تیاریاں مکمل وزیراعظم عمران خان 29 مارچ کو ساحلی شہر میں منصوبے کا سنگ بنیاد رکھیں گے، منصوبہ سی پیک ... مزید-بلاول بھٹو 26مارچ کو کراچی سے ٹرین مارچ کا آغاز کریں گے، خورشید شاہ اٹھارہویں ترمیم کی حفاظت کے لیے قانون کےدائرے میں رہ کر جو بھی کر سکتے ہیں کریں گے، بلاول بھٹو زرداری-460ارب جرمانہ ملک ریاض نے نہیں، عوام نے ادا کرنا ہے، محمود صادق ملک ریاض کوعدالت سے ڈیل میں اب بھی 700 ارب منافع ہوگا، بحریہ ٹاؤن پر دباؤ بڑھنے سے کام ٹھپ ہوا تو لوگوں نے ... مزید-مفتی تقی عثمانی پر حملہ کرنیوالے ملزمان بہت جلد قانون کی گرفت میں ہوں گے،آئی جی سندھ-آئی ایس پی آر اور پاک فضائیہ کی جانب سے یومِ پاکستان 2019 کی مناسبت سے آفیشل نغمے جاری کردیے پاکستان زندہ آباد کے عنوان سے جاری کیے گئے نغمے میں وطن کے محفافظوں کو ... مزید-فیس بک کا بغیر اجازت نامناسب تصاویر اپ لوڈ یا شیئر کرنے والے صارفین کو بلاک کے نئے اقدامات کا اعلان کسی کی نامناسب تصاویر اس کی اجازت کے بغیر شیئر کرنا نقصان دہ ہے، ہم ... مزید-وزیراعلیٰ سندھ کا مفتی تقی عثمانی پر قاتلانہ حملے میں شہید اہلکار کے نابینا بچوں کے علاج کرانے اور مفت تعلیم کا اعلان-یوم پاکستان : گورنر اور وزیراعلیٰ سندھ نے مزار قائد پر حاضری دی،ملکی سلامتی کیلئے دعاکی-سعودی ولی عہد کی مہمان نواز کرنے والے ملازمین میں ایک کروڑ اعزازی تنخواہ دیئے جانے کا انکشاف-ملائیشیا پاکستان کی دفاعی صنعت سے بے حد متاثر، پاکستان کے اینٹی ٹینک میزائل خریدنے میں دلچسپی کا اظہار گزشتہ روز ملائیشیا کے وزیراعظم نے جے ایف 17 تھنڈر جنگی طیاروں کی ... مزید

GB News

بیس لاکھ سیاحوں کی آمد کا عندیہ

Share Button

چیف سیکرٹری گلگت بلتستان ڈاکٹر کاظم نیا ز نے کہا ہے کہ گلگت بلتستان میں پہلی مرتبہ زراعت، ماہی پروری اور لائیوسٹاک کے لئے پالیسی اور ورکنگ پلان لیکر آرہے ہیں گلگت بلتستان پاکستان کا روشن مستقبل ہے چائینہ پاکستان اقتصادی راہداری منصوبہ گلگت بلتستان کے لئے وعدے لیکر آرہا ہے اب ملازمتوں کے دروازے کھلیں گے اب اس منصوبے سے گلگت بلتستان کو زیادہ سے زیادہ فائدہ دلوانے کے لئے لوگوں کو خود تیار ہونا ہوگا اب تک ہم اس منصوبے کے لئے تیارہی نہیں ہیںاس منصوبے سے فائدہ لینے کے لئے استعدادکار، ہنر اور افرادی قوت کو بڑھانے کی ضرورت ہے اس منصوبے سے فائدہ لینے کے لئے ہم کتنے تیار ہیں یہ سوال ہم نے خود سے پوچھنا ہے ۔ گزشتہ سال 16لاکھ سے زائد سیاحوں نے گلگت بلتستان کا رخ کیا تھا اس سال 20لاکھ سے زائد سیاح گلگت بلتستان دورہ کریںگے رواں سال کے ابتدائی تین مہینوں میں غیر ملکی سیاحوں کی تعداد حوصلہ افزا رہی ہے انتالیہ میں کم از کم5لاکھ افراد کے لئے ہوٹلوں میں جگہ اور گنجائش موجود ہے مگر گلگت بلتستان میں اتنے سیاحوں کے لئے جگہ ہی نہیں ہے حکومت کے ساتھ یہاں کے لوگوں کو بھی اس حوالے سے اقدامات اٹھانے کی ضرورت ہے۔یہ درست ہے کہ سی پیک سے فائدہ اٹھانے کے حوالے سے جن تیاریوں کی ضرورت ہے ان کا تاحال فقدان دکھائی دیتا ہے اس لیے ضرورت اس بات کی ہے کہ سی پیک سے استفادہ حاصل کرنے کے ضمن میں پیش بندی کی جائے جہاں تک سیاحت کا معاملہ ہے اس حوالے سے بہت سے اقدامات کی ضرورت ہے’یہ شعبہ جس توجہ کا متقاضی ہے وہ توجہ اسے تاحال حاصل نہیں ہے یہی وجہ ہے کہ ہم اس شعبے سے مطلوبہ ریونیو حاصل کرنے میں ناکام ہیں حالانکہ سیاحوں کی تیزی سے آمد زرمبادلہ بڑھانے کا موجب ہے۔ سیاحت روزگار کی فراہمی کے ساتھ ٹیکس ادا کرنے،سرکاری ریونیو بڑھانے میں بھی اپنا کردار ادا کر رہی ہے۔اس کے لیے ہوٹل انڈسٹری کو فروغ دیا جائے۔ نئے ہوائی اڈے میں ہوٹلز کیلئے ڈیسک قائم کئے جائیں اور ممکنہ اصلاحات کی جائیں تاکہ ملک کا روشن چہرہ پوری دنیا میں پذیرائی حاصل کرسکے۔ ہوٹل انڈسٹری سے متعلقہ آلات و مشینری کو ڈیوٹی سے استثنی دیا جائے۔دنیا میں بدلتے ہوئے علاقائی وثقافتی حالات کے تناظر میں سماجی، معاشرتی، صنعتی ترقی کے بعد بہت سے ممالک نے اپنی ملکی سیاحت کو فروغ دے کر سیاحت کو بھی انڈسٹری کا درجہ دے دیا ہے اور اکثر ممالک سیاحت کو اپنی معیشت کو ریڑھ کی ہڈی سمجھتے ہیں۔ملکی سیاحت سے زرِ مبادلہ آنے کے ساتھ ساتھ ملکی معیشت کو بھی فروغ ملتا ہے اور علاقائی سرگرمیوں میں بھی تیز ی آجاتی ہے اور ان علاقوں کے رہائیشوں کے لئے بھی معاشی ترقی کا سبب بنتی ہے۔پاکستان میں بھی سیاحتی علاقے بڑی تعداد میں موجود ہیں۔ ان علاقوں میں لوکل ٹورازم کی تعداد کافی زیادہ ہے۔ کسی بھی ملک کی سیاحت اس ملک کے امن و امان کے ساتھ منسلک ہوتی ہے جس ملک کا امن و امان کا گراف اونچاہوگا اس میں بیرونی سیاحوں کی تعداد بھی زیادہ ہوگی۔پاکستان میں شمالی علاقہ جات کے حسن کو دنیا وی جنت کہا جاتا ہے اور بے تحاشا قدرتی مناظر السان پر سکتہ طاری کردیتے ہیں۔ستم ظریفی یہ ہے کہ پاکستانی سیاحت کو غیر ملکی سطح پر زیادہ اہمیت نہیں دی گئی جس کی وجہ سے دنیا کے اکثر ممالک کے لوگ پاکستانی سیاحتی حسن سے نا واقف ہیں۔ پاکستان کی سیاحتی سرگرمیوں میں اضافے کے لئے ضروری ہے کہ حکومتی سطح کے ساتھ ساتھ پرائیویٹ سیاحتی کمپنیوں کو بھی اس میدان میں زیادہ سے زیادہ اپناحصہ ڈالناچاہیے اور غیر ملکی سیاحوں کے لئے سپیشل سیکیورٹی فورس تشکیل دی جائے اور سیاحت کے فروغ کے لئے مناسب قانون سازی کرکے سیاحوں کو رہائش و سفری سہولیات کے ساتھ ساتھ سیکیورٹی کا تحفظ دے کر اپنی طرف راغب کر سکیں جوکہ غیر ملکی سیاحتی گروپس کو مکمل تحفظ فراہم کرسکے اور سیاحوں کو بھی بِلا خوف پاکستان کے شمالی علاقہ جات سمیت موجود بے شمار سیاحتی مقامات پر گھومنے کا موقع مل سکے۔اس طرح دنیا بھر میں پاکستان کا مثبت چہرہ واضح ہوگا اور ملکی معشیت میں بھی بہتری آئے گی اور سیاحت ایک انڈسٹری بن کے ابھرے گی۔یہ خوش آئند بات ہے کہ اس بار گلگت بلتستان میں بیس لاکھ سیاح کی آمد کے امکانات ہیں اس لیے ان کی آمد کے انتظامات کرنا بھی ضروری ہے’گلف نیوز میں شائع ایک رپورٹ کے مطابق برطانوی تنظیم برٹش بیک پیپرز سوسائٹی نے سیاحت کے لیے پاکستان کو سب سے بہترین اور سب سے زیادہ دوستانہ ملک قرار دیا ہے جہاں کے پہاڑ اور خوبصورت مناظر کسی کے بھی حلقہ خیال میں نہیں آسکتے۔برٹش بیک پیکرز سوسائٹی نے اپنی فہرست جاری کرتے ہوئے بیس ایسے ممالک جانے کی تجویز دی ہے جہاں لوگوں کو سال 2018 میں سیاحت کے لیے جانا چاہیے ان میں پاکستان سرِفہرست ہے جبکہ دیگر ممالک میں روس، بھارت، ترکی، کرغرستان، لبنان، تاجکستان، چین، جارجیا، یوگینڈا، بوسنیا ہرزیگووینا، اردن،عراق، کانگو، الجیریا، مونٹی نیگرو، مصر، روانڈا، ازبکستان اور کوسوو شامل ہیں۔سوسائٹی نے اپنے فیس بک پیج پر لاہوراور ہنزہ کے ہن پاس اور لیڈی فنگر پارک کی تصاویر بھی جاری کی ہیں۔ برٹش بیک پیپرز سوسائٹی نے کہا ہے کہ یہاں کے لوگ پوری زمین پر سب سے زیادہ دوستانہ برتائو کرتے پاکستان کی ہر ادا دیکھ آپ کو اس ملک کے بارے میں اپنا تاثر بدلنے پر مجبور ہوجائیں گے یوں بہترین ممالک کی فہرست میں پاکستان واضح طور پر سب سے آگے ہے۔

Facebook Comments
Share Button