تازہ ترین

Marquee xml rss feed

گوادر میں پاکستان کا سب سے بڑا اور جدید ترین ائیرپورٹ تعمیر کرنے کی تیاریاں مکمل وزیراعظم عمران خان 29 مارچ کو ساحلی شہر میں منصوبے کا سنگ بنیاد رکھیں گے، منصوبہ سی پیک ... مزید-بلاول بھٹو 26مارچ کو کراچی سے ٹرین مارچ کا آغاز کریں گے، خورشید شاہ اٹھارہویں ترمیم کی حفاظت کے لیے قانون کےدائرے میں رہ کر جو بھی کر سکتے ہیں کریں گے، بلاول بھٹو زرداری-460ارب جرمانہ ملک ریاض نے نہیں، عوام نے ادا کرنا ہے، محمود صادق ملک ریاض کوعدالت سے ڈیل میں اب بھی 700 ارب منافع ہوگا، بحریہ ٹاؤن پر دباؤ بڑھنے سے کام ٹھپ ہوا تو لوگوں نے ... مزید-مفتی تقی عثمانی پر حملہ کرنیوالے ملزمان بہت جلد قانون کی گرفت میں ہوں گے،آئی جی سندھ-آئی ایس پی آر اور پاک فضائیہ کی جانب سے یومِ پاکستان 2019 کی مناسبت سے آفیشل نغمے جاری کردیے پاکستان زندہ آباد کے عنوان سے جاری کیے گئے نغمے میں وطن کے محفافظوں کو ... مزید-فیس بک کا بغیر اجازت نامناسب تصاویر اپ لوڈ یا شیئر کرنے والے صارفین کو بلاک کے نئے اقدامات کا اعلان کسی کی نامناسب تصاویر اس کی اجازت کے بغیر شیئر کرنا نقصان دہ ہے، ہم ... مزید-وزیراعلیٰ سندھ کا مفتی تقی عثمانی پر قاتلانہ حملے میں شہید اہلکار کے نابینا بچوں کے علاج کرانے اور مفت تعلیم کا اعلان-یوم پاکستان : گورنر اور وزیراعلیٰ سندھ نے مزار قائد پر حاضری دی،ملکی سلامتی کیلئے دعاکی-سعودی ولی عہد کی مہمان نواز کرنے والے ملازمین میں ایک کروڑ اعزازی تنخواہ دیئے جانے کا انکشاف-ملائیشیا پاکستان کی دفاعی صنعت سے بے حد متاثر، پاکستان کے اینٹی ٹینک میزائل خریدنے میں دلچسپی کا اظہار گزشتہ روز ملائیشیا کے وزیراعظم نے جے ایف 17 تھنڈر جنگی طیاروں کی ... مزید

GB News

پیپلز پارٹی کے قائدین منافقت پر اتر آئے ہیں،محمد باقر حیدر

Share Button

گلگت(علی محمدحیدر سے )اسلامی تحریک کے رہنما و سابق امیدوار جی بی ایل اے 4نگرمحمد باقر حیدر نے کہا ہے کہ پاکستان پیپلز پارٹی کے قائدین منافقت پر اتر آئے ہیں اسلامی تحریک اگر پیپلز پارٹی کا ساتھ دے تو کوئی کالعدم جماعت نہیں ہوتی ہے اور اگر اسلامی تحریک کسی اور پارٹی کا ساتھ دے تو اسلامی تحریک کالعدم جماعت بن جاتی ہے پی پی کے اپنی کرتوتوں کی وجہ سے گلگت بلتستان کے عوام نے 2015کے انتخابات میں پی پی کو مسترد کردیا ہے رہی سہی کسر ہم 2020کے الیکشن میں پورا کریں گے اور گلگت بلتستان سے پی پی کا نام ونشان مٹا کر دم لیں گے۔انہوںنے کہا کہ اسلامی تحریک نے ہمیشہ اصولوں کی سیاست کی ہے اور جس جماعت نے بھی گلگت بلتستان کی تعمیر وترقی میں کردار ادا کیا ہے اسلامی تحریک نے ان سے ہمیشہ تعاون کیا ہے انہوںنے کہاکہ مسلم لیگ (ن) کی صوبائی حکومت بالخصوص وزیراعلیٰ حافظ حفیظ الرحمن نے گلگت بلتستان میں ترقیاتی منصوبوں کا جال بچھادیا ہے صرف ضلع نگر میں پانچ ارب روپے کے ترقیاتی منصوبوںپر کام ہورہاہے اس کے برعکس پی پی کے دور اقتدارمیں پورے گلگت بلتستان میں کہیں پر ایک روپے کا بھی کام نہیںہوا ہے انہوںنے کہا کہ ان ترقیاتی منصوبوں کی وجہ سے نگر کے غیور عوام نے وزیراعلیٰ حفیظ الرحمن کاشاندار استقبال کیاتو پی پی کے قائدین کو تکلیف شروع ہوئی ہے۔انہوںنے کہا کہ اسلامی تحریک اگرکالعدم جماعت تھی تو 2015کے الیکشن میں پی پی گلگت بلتستان کے رہنما بالخصوص امجد حسین ایڈووکیٹ اسلامی تحریک کے قائدین کی الیکشن میں حمایت حاصل کرنے کیلئے منت سماجت کیوں کی تھی اگر اسلامی تحریک کالعدم جماعت ہے تو گزشتہ ماہ پی پی گلگت بلتستان کے رہنما اس کالعدم جماعت کے قائدین کے پاس عدم اعتماد کی تحریک میں تعاون مانگنے کیلئے کیوں گئے تھے انہوںنے کہا کہ پی پی کے رہنمائوکں کی اس منافقت کی وجہ سے اسلامی تحریک کے مرکزی قائدین نے صاف صاف بتادیا کہ پی پی پہلے اسلامی تحریک کے قائدین سے معافی مانگے پھر بات چیت کرے محمد باقر حیدرنے کہاکہ اسلامی تحریک عدم اعتماد کی کسی بھی تحریک میں شامل نہیں ہے یہ صرف کسی ایک شخص کی نہیں بلکہ اسلامی تحریک کی مرکزی قیادت کافیصلہ ہے کہ وزیراعلیٰ کے خلاف کسی سازش کا حصہ بننے کی بجائے وزیراعلیٰ سے تعاون کیاجائے۔انہوںنے کہا کہ پورے ملک میں کرپشن کی وجہ سے پی پی کا نام و نشان مٹ چکا ہے گلگت بلتستان میں بھی پی پی کا وجود ایک دو حلقوں تک محدود ہے رہی سہی کسر گلگت بلتستان کے عوام 2020کے الیکشن میں پورا کریںگے اور پی پی کو دفن کر کے دم لیں گے۔انہوںنے ایک سوال کے جواب میں بتایاکہ فرقہ واریت میں مسلم لیگ ن نہیں بلکہ پی پی کے قائدین ملوث ہیں نگرحلقہ 4میں پی پی کے قائدین کی تقریروں کا ریکارڈ چیک کیا جائے پی پی کے رہنمائوںنے مسلسل اور مکمل فرقہ وارانہ تقریریں کی ہیں ان رہنمائوں کی تقریروں کو سن کر یوں محسوس ہوتا تھا کہ کوئی کالعدم فرقہ وارانہ تنظیم کے رہنما تقریر کررہے ہیں ان تقریروںکے بعد پی پی کے قائدین کے خلاف نیشنل ایکشن پلان کے تحت کارروائی ہونی چاہیے تھی اور ان رہنمائوں کا نام فورتھ شیڈول میں شامل ہونا چاہیے تھا ہم اب بھی وزیر اعلیٰ سے اپیل کرتے ہیں کہ فرقہ واریت پھیلانے میں ملوث پی پی گلگت بلتستان کے صدرامجد حسین ایڈووکیٹ اور دیگر رہنمائوں کے خلاف نیشنل ایکشن پلان کے تحت کارروائی کر کے ان کا نام فورتھ شیڈول میں شامل کیا جائے۔انہوںنے کہا کہ گلگت بلتستان کے عوام نے 2015کے الیکشن میں پی پی کو مسترد کردیا ہے اب پی پی علاقے میں فرقہ واریت کو ہوا دے کر فرقہ وارانہ بنیادوں پر الیکشن لڑنے کی سازش کررہی ہے ہم عوام اورعلاقے کے جید علما کے تعاون سے پی پی کے رہنمائوں کی اس سازش کو بھی ناکام بنادیںگے۔

Facebook Comments
Share Button