تازہ ترین

Marquee xml rss feed

بحرین کے دورے کے دوران پاک بحریہ کے سربراہ ایڈمرل ظفر محمود عباسی نے بحرین ڈیفنس فورسز کے کمانڈران چیف سے ملاقات کی-ساہیوال کے پر درد واقعے نے ننھی زینب کے والد کو بھی غمزدہ کر دیا ننھی زینب کے والد امین انصاری مقتول خلیل کے یتیم بچوں کے ساتھ وقت گزارنے ان کے گھر پہنچ گئے-کنٹرول لائن کے ساتھ جندروٹ سیکٹر میں بھارتی فوج کی شہری آبادی پر بلااشتعال فائرنگ ، ایک خاتون سمیت تین شہری زخمی ہو گئے، آئی ایس پی آر-قومی اسمبلی کے اجلاس کا وقت تبدیل، (کل) صبح 11 بجے کی بجائے شام ساڑھے چار بجے ہوگا-اسلام آباد ، گاڑیوں کی آن لائن رجسٹریشن کا نظام متعارف کرا دیا گیا-ٹیکس فائلرز کیلئے بینکوں سے رقوم نکلوانے پر ود ہولڈنگ ٹیکس مکمل طور پر ختم، 1300 سی سی تک کی گاڑیاں نان فائلر بھی خرید سکے گا ، 1800 سی سی اور اس سے زائد کی گاڑیوں پر ٹیکس ... مزید-نعیم الحق نے شہباز شریف کے پروڈکشن آرڈر ضبط کرنے کی دھمکی دے دی شہباز شریف اور اس کے چمچوں کی اتنی جرات کہ وہ قومی اسمبلی میں وزیر اعظم پر ذاتی حملے کریں۔کیا وہ جیل میں ... مزید-وزیراعظم کا سانحہ ساہیول پر وزراء متضاد بیانات پر سخت برہمی کا اظہار آئندہ بغیر تیاری میڈیا پر بیان بازی نہ کی جائے انسانی زندگیوں کا معاملہ ہے کسی قسم کی معافی کی گنجائش ... مزید-وزیر خزانہ اسد عمر کی طرف سے قومی اسمبلی میں پیش کردہ ضمنی مالیاتی (دوسری ترمیم) بل 2019 کا مکمل متن-5 ارب روپے قرض حسنہ کیلئے مختص کرنا خوش آئند ہے، فنانس بل میں غریب آدمی کو صبر کا پیغام دیا گیا ہے امیر جماعت اسلامی سینیٹر سراج الحق کی پارلیمنٹ ہائوس کے باہر میڈیا ... مزید

GB News

گلگت بلتستان کے عوام نے ترقی اور امن کی راہ کا انتخاب کرلیا ،اب ترقی سے کوئی نہیں روک سکتا،وزیر اعلیٰ

Share Button

گلگت (پ ر)وزیر اعلیٰ گلگت بلتستان حافظ حفیظ الرحمن نے کہا ہے کہ امن و امان کی وجہ سے گلگت بلتستان میں رونقیں بحال ہوئی ہیں۔ بین الاقوامی سطح کے پروگرام منعقد کئے جارہے ہیں جن کی وجہ سے گلگت بلتستان کا مثبت تشخص دنیا بھر میں اجاگر ہورہاہے جو ہم سب کیلئے باعث فخر ہے۔ وزیر اعلیٰ گلگت بلتستان حافظ حفیظ الرحمن نے کہا ہے کہ گلگت بلتستان میں امن وامان کے ثمرات عوام تک پہنچ رہے ہیں ۔ گلگت بلتستان کے عوام نے ترقی اور امن کی راہ کا انتخاب کرلیا ہے اب گلگت بلتستان کو ترقی سے کوئی نہیں روک سکتا۔ حکومت کی پالیسیوں کی وجہ سے آج ادارے کام کررہے ہیں ہمیں اپنے اداروں پر فخر ہے انتظامیہ، پولیس اور تمام اداروں کا کردار قابل تحسین ہے۔ جولائی سے قبل ہنزہ میں ویسٹ مینجمنٹ کمپنی کو فعال کیا جائے گا جلد قراقرم یونیورسٹی کیمپس ہنزہ کا دورہ کریں گے اور قراقرم یونیورسٹی ہنزہ کیمپس کے مسائل حل کئے جائیں گے۔ ان خیالات کا اظہار وزیر اعلیٰ گلگت بلتستان حافظ حفیظ الرحمن نے ٹورد ی خنجراب سائیکل ریلی کی اختتامی تقریب سے خطاب کرتے ہوئے کیا۔ وزیر اعلیٰ گلگت بلتستان حافظ حفیظ الرحمن نے کہاکہ ٹوردی خنجراب سائیکل ریلی کے شرکاء اور منتظمین خصوصاً انتظامیہ کے آفیسران کو خراج تحسین پیش کرتا ہوں جنہوں نے بلند ترین سطح پر انتہائی کامیاب سائیکل ریلی کا انعقاد یقینی بنایا۔ اس ایونٹ کی وجہ سے گلگت بلتستان کا مثبت تشخص اجاگرہوگا اور خطے میں مثبت سرگرمیوں کو فروغ دینے میں معاون ثابت ہوگا۔ وزیر اعلیٰ گلگت بلتستان حافظ حفیظ الرحمن نے کہاکہ ٹوردی خنجراب سائیکل ریلی جیسے بڑے ایونٹس کا انعقاد پرائیویٹ سیکٹر کے سپانسرز کے تعاون سے ممکن بنایا گیا ہے ۔ آئندہ سال اس ایونٹ کو بین الاقوامی کلینڈر ایئر میں شامل کرایا جائے گا تاکہ دیگر ممالک سے بھی سائیکل ریلی میں شرکاء کی شرکت کو یقینی بنایا جاسکے۔ وزیر اعلیٰ گلگت بلتستان حافظ حفیظ الرحمن نے کہاکہ پاک فوج کی سربراہی میں پولیس کی کارکردگی قابل تحسین رہی ہے صوبے میں امن وامان کی بحالی میں پولیس کردار انتہائی شاندار رہا ہے۔ ٹوردی خنجراب سائیکل ریلی کے انعقاد کا مقصد ماحول کا تحفظ اور سائیکل کلچر کو فروغ دینا ہے۔ ہنزہ کو سائیکل کلچر کے حوالے سے ماڈل بنائیں گے۔ وزیر اعلیٰ گلگت بلتستان حافظ حفیظ الرحمن نے کہاکہ ٹوردی خنجراب سائیکل ریلی کے شرکاء کے ساتھ تعاون اور شاندار استقبال پر گلگت، نگر، ہنزہ کے عوام کا شکریہ ادا کرتے ہیں اور خراج تحسین پیش کرتے ہیں۔ وزیر اعلیٰ گلگت بلتستان حافظ حفیظ الرحمن نے ٹوردی خنجراب سائیکل ریلی اور دیگر مثبت سرگرمیوں کو اجاگر کرنے میں میڈیا کے کردار کو سراہتے ہوئے صحافیوں کا شکریہ ادا کیا اور انہیں خراج تحسین پیش کیا۔

 

Facebook Comments
Share Button