تازہ ترین

Marquee xml rss feed

بحرین کے دورے کے دوران پاک بحریہ کے سربراہ ایڈمرل ظفر محمود عباسی نے بحرین ڈیفنس فورسز کے کمانڈران چیف سے ملاقات کی-ساہیوال کے پر درد واقعے نے ننھی زینب کے والد کو بھی غمزدہ کر دیا ننھی زینب کے والد امین انصاری مقتول خلیل کے یتیم بچوں کے ساتھ وقت گزارنے ان کے گھر پہنچ گئے-کنٹرول لائن کے ساتھ جندروٹ سیکٹر میں بھارتی فوج کی شہری آبادی پر بلااشتعال فائرنگ ، ایک خاتون سمیت تین شہری زخمی ہو گئے، آئی ایس پی آر-قومی اسمبلی کے اجلاس کا وقت تبدیل، (کل) صبح 11 بجے کی بجائے شام ساڑھے چار بجے ہوگا-اسلام آباد ، گاڑیوں کی آن لائن رجسٹریشن کا نظام متعارف کرا دیا گیا-ٹیکس فائلرز کیلئے بینکوں سے رقوم نکلوانے پر ود ہولڈنگ ٹیکس مکمل طور پر ختم، 1300 سی سی تک کی گاڑیاں نان فائلر بھی خرید سکے گا ، 1800 سی سی اور اس سے زائد کی گاڑیوں پر ٹیکس ... مزید-نعیم الحق نے شہباز شریف کے پروڈکشن آرڈر ضبط کرنے کی دھمکی دے دی شہباز شریف اور اس کے چمچوں کی اتنی جرات کہ وہ قومی اسمبلی میں وزیر اعظم پر ذاتی حملے کریں۔کیا وہ جیل میں ... مزید-وزیراعظم کا سانحہ ساہیول پر وزراء متضاد بیانات پر سخت برہمی کا اظہار آئندہ بغیر تیاری میڈیا پر بیان بازی نہ کی جائے انسانی زندگیوں کا معاملہ ہے کسی قسم کی معافی کی گنجائش ... مزید-وزیر خزانہ اسد عمر کی طرف سے قومی اسمبلی میں پیش کردہ ضمنی مالیاتی (دوسری ترمیم) بل 2019 کا مکمل متن-5 ارب روپے قرض حسنہ کیلئے مختص کرنا خوش آئند ہے، فنانس بل میں غریب آدمی کو صبر کا پیغام دیا گیا ہے امیر جماعت اسلامی سینیٹر سراج الحق کی پارلیمنٹ ہائوس کے باہر میڈیا ... مزید

GB News

گلگت بلتستان میں انتظامی اصلاحات کیلئے مقتدرحلقوں میں مشاورت شروع

Share Button

اسلام آباد(رپورٹ، غلام عباس)گلگت بلتستان میں انتظامی اصلاحات کیلئے مقتدرحلقوں میں مشاورت شروع ہوگئی ہے۔ذمہ دارذرائع کے مطابق حال ہی میں گلگت بلتستان کی ایک درجن کے قریب اہم شخصیات جن میں سابق افسران،سیاسی ،سماجی اورمذہبی شخصیات شامل ہیں۔کے ساتھ اہم میٹنگ ہوئی جس میں گلگت بلتستان کی آئینی حیثیت سے متعلق عوام کے تحفظات اورمطالبات پرسنجیدگی سے غور کیاگیا۔ذرائع کے مطابق ن لیگ کی حکومت کی جانب سے تیارکردہ۔انتظامی اصلاحات کاڈرافٹ اخبارات اورمختلف ذرائع سے پبلک ہونے کے بعد عوام کی جانب سے شدیدرد عمل آیا اور اس مجوزہ ڈرافٹ کومستردکردیاگیا جس کا مقتدرحلقوں نے سنجیدگی سے نوٹس لیا اور گلگت بلتستان کے اہم رہنمائوں سے مشاورت کی گئی۔دوسری جانب ڈرافٹ پرغور کے لئے وزیراعظم کی زیرصدارت اجلاس جو14مئی کوہونا تھا اب وہ21مئی کو ہوگا۔ ذرائع کے مطابق مقتدر حلقوں کے ساتھ اجلاس میں گلگت بلتستان کے اہم رہنمائوں سے جامع تجاویزطلب کی گئیں جس پر بتایاگیا کہ سرتاج عزیز کی سربراہی میںقائم پہلی کمیٹی کی جانب سے تیارکردہ سفارشات کسی حد تک معقول تھیں اور عوام کی جانب سے اس پرمثبت رائے کااظہار کیاگیا تھا تاہم بعدمیں بننے والی دوکمیٹیوں اوراس کے نتیجے میں تیار ہونے والے ڈرافٹ پرعوام کو شدید تشویش ہے کیونکہ موجودہ درافٹ کے مندرجات سرتاج عزیز کمیٹی والی سفارشات سے بالکل الگ ہیں اور اس میں گلگت بلتستان کے بجائے وزیراعظم کوبااختیار بنایاگیا ہے ضرورت اس امر کی ہے کہ سرتاج عزیز کمیٹی والی سفارشات کے تحت عوام کو بہترسیٹ اپ دیاجاسکتا ہے اور یہ گلگت بلتستان کے لوگوں کوکسی حد تک قابل قبول بھی ہوگا۔اجلاس میں گلگت بلتستان کے سٹیک ہولڈرز سے تفصیلی تجاویز پر تبادلہ خیال کیا گیا اور اپ مقتدر حلقوں کی جانب سے ایک جامع اورقابل قبول سیٹ اپ کے لئے کام کاآغازکردیاگیا ہے۔ذرائع کے مطابق انتظامی اصلاحات پرنئے سرے سے غور کرنے کی وجہ سے موجودہ حکومت کے دورمیں ہی مکمل ہونے کاامکان کم نظرآرہا ہے اس لئے قوی امکان یہی ہے کہ اگلی حکومت میں ہی باقاعدہ سیٹ اپ کااعلان ہوگا۔ کیونکہ ن لیگ کی حکومت کایہ آخری مہینہ ہے اور اس میں بھی صرف15دن باقی ہیں نگران حکومت کامینڈیٹ چونکہ صرف انتخابات کے انعقاد تک ہے اس لئے الیکشن کے بعد اگلی حکومت ہی سیٹ اپ کاباقاعدہ اعلان کرے گی اس سے پہلے گلگت بلتستان کے تمام سٹیک ہولڈرز سے مشاورت کے ذریعے انتظامی اصلاحات کے ڈرافٹ کوفائنل کیاجائے گا۔ ذرائع کے مطابق اعلیٰ حلقوں کی کوشش ہے کہ عوام کے تحفظات کاہرممکن ازالہ ہواورایک جامع سیٹ اپ گلگت بلتستان کو دیاجائے۔ممکن ہے کہ انتظامی اصلاحات کے ڈرافٹ کوقانون سازاسمبلی میں ان کیمرہ یاآن کیمرہ بحث کے لئے پیش کیاجائے کیونکہ مقتدرحلقوں کے ساتھ میٹنگ میں گلگت بلتستان کے نمائندوں نے تجویز دی تھی کہ اگلے ڈرافٹ کے حوالے سے گلگت بلتستان کے منتخب ممبران کو بھی اعتماد میں لیاجائے اس سے عوامی سطح پر پائے جانے والے تحفظات کاابھی ازالہ ہوسکے گا اوراگلے سیٹ اپ کے بارے میں عوام بھی مطمئن ہوں گے۔

 

Facebook Comments
Share Button