تازہ ترین

Marquee xml rss feed

نعیم الحق نے شہباز شریف کے پروڈکشن آرڈر ضبط کرنے کی دھمکی دے دی شہباز شریف اور اس کے چمچوں کی اتنی جرات کہ وہ قومی اسمبلی میں وزیر اعظم پر ذاتی حملے کریں۔کیا وہ جیل میں ... مزید-وزیراعظم کا سانحہ ساہیول پر وزراء متضاد بیانات پر سخت برہمی کا اظہار آئندہ بغیر تیاری میڈیا پر بیان بازی نہ کی جائے انسانی زندگیوں کا معاملہ ہے کسی قسم کی معافی کی گنجائش ... مزید-5 ارب روپے قرض حسنہ کیلئے مختص کرنا خوش آئند ہے، فنانس بل میں غریب آدمی کو صبر کا پیغام دیا گیا ہے امیر جماعت اسلامی سینیٹر سراج الحق کی پارلیمنٹ ہائوس کے باہر میڈیا ... مزید-فنانس بل سے متوسط طبقہ کو ریلیف ملا ہے، عوام کا پیسہ عوام پر خرچ ہو گا، اپوزیشن کے پاس بات کرنے کو کچھ نہیں وفاقی وزیر آبی وسائل فیصل واوڈا کی پارلیمنٹ ہائوس کے باہر میڈیا ... مزید-صوبائی اسمبلی کے حلقہ پی ایس94 کے ضمنی الیکشن کے موقع پر سیکورٹی کو غیرمعمولی بنایا جائے، آئی جی سندھ-وزیر خزانہ اسد عمر کی طرف سے قومی اسمبلی میں پیش کردہ ضمنی مالیاتی (دوسری ترمیم) بل 2019 کا مکمل متن-جنوری کو ہونے والے ضمنی انتخابات کراچی کی سیاست میں نئی راہیں متعین کرے گا،مصطفی کمال پی ایس پی کسی فرد یا گروہ کا نام نہیں ہے بلکہ ایک تحریک کا نام ہے جو مظلوم و محکوموں ... مزید-ملک کا اقتصادی مستقبل کراچی کی معاشی ترقی میں مضمر ہے۔گورنر سندھ-سی پیک پاکستان اور چین کے مابین تعلقات کو مزید گہرا کرنے کے لئے مستحکم بنیاد، خطے کو منسلک کرنے میں اہم کردارادا کر رہا ہے، سی پیک تمام خطے میں امن و استحکام لانے میں ... مزید-احتساب عدالت اسلام آباد میں اسحاق ڈار کیخلاف آمدن سے زائد اثاثوں کے مقدمے میں دو مزید گواہوں کے بیانات ریکارڈ

GB News

اپوزیشن کاپارلیمنٹ کے سامنے دھرنے کااعلان

Share Button

گلگت بلتستان کی متحدہ اپوزیشن نے اگلے ایک ماہ کے دوران وزیر اعلیٰ کیخلاف عدم اعتمادلانے اور مجوزہ ڈمی پیکیج گلگت بلتستان آرڈر 2018 کیخلاف رواں ماہ 19اور 20مئی کو پارلیمنٹ کے باہر دھرنا دینے اور گلگت بلتستان کے تمام اضلاع میں احتجاجی جلسوں کا اعلان کیا ہے قائدحزب اختلاف کیپٹن (ر) شفیع خان نے منگل کے روز متحدہ اپوزیشن کے اراکین پی پی کے جاوید حسین ،تحریک انصاف کے راجہ جہانزیب خان ،ایم ڈبلیو ایم کی بی بی سلیمہ ، نواز خان ناجی اور کاچو امتیاز حیدر کے ہمراہ پریس کلب میں ایک پریس کانفرنس سے خطاب کرتے ہوئے کہا کہ مجوزہ گلگت بلتستان آرڈر 2018 کو گلگت بلتستان کی تمام سیاسی و مذہبی جماعتوں نے مسترد کیا ہے اس لئے ہم سپیکر قانون ساز اسمبلی فدا محمد ناشاد کی جانب سے وزیراعلیٰ کے ساتھ براہ راست مذاکرات کی تجویز کو بھی مسترد کرتے ہیں کیونکہ جس گورننس آرڈر کو ہم مانتے نہیں اس پر مذاکرات کرنا قومی حقوق کو نقصان پہنچانے اور عوامی مفاد کے برعکس اقدام اٹھانے کے مترادف ہے ۔ اپوزیشن جماعتوں نے متفقہ طور پر اس آرڈر کو مسترد کرتے ہوئے تحریک چلانے کا اعلان کیا ہے ۔ اس آرڈر کے نقائص کو میڈیا کے زریعے بھی سامنے لایا ہے اور عوام میں بھی گئے ہیں مگر بادشاہ حفیظ الرحمن کے کانوں پر جوں تک نہیں رینگ رہی ہے اسی لئے اب فیصلہ کیا ہے اگلا قدم باقاعدہ اسلام آباد پارلیمنٹ کے سامنے دھرنا دیا جائے ۔19اور 20مئی کو دھرنے میں گلگت بلتستان سے بڑی تعداد میں لوگ خود شریک ہونگے اور اسلام آباد ،راولپنڈی میں مقیم جی بی کے تمام لوگ بھی شرکت کریںگے ۔ حفیظ الرحمن نے مجوزہ آرڈر کے حوالے سے نہ صرف تمام سٹیک ہولڈرز کوا عتماد میں نہیں لیا ہے بلکہ اپنی پارٹی والوں کو بھی کالی پٹی پہنائی ہے ۔ کیپٹن (ر) محمد شفیع نے صوبائی وزیر تعمیرات ڈاکٹر محمد اقبال کو بالخصوص اور دیگر لیگی ممبران کو بالعموم دعوت دی کہ وہ بھی قومی مفاد کے اس اہم معاملے میں اپوزیشن جماعتوں کا ساتھ دیں کیونکہ ڈاکٹر محمد اقبال نے اس سے قبل بھی دعویٰ کیا تھا کہ اسلام آباد میں دھرنا دینے کے لئے جہاں سے بھی دعوت ملے اور محرکین جو بھی ہوں میں شرکت کرتا ہوں۔ اب وقت کا تقاضا ہے کہ اگر لیگی ممبران میں علاقائی غیرت اور اپنے حقوق کی فکر ہے تو ہمارے ساتھ کھڑے ہوجائیں ۔ انہوں نے کہا کہ ہمارا پہلا مطالبہ مکمل آئینی صوبہ تھا ریاست کی مجبوریوں کو سمجھتے ہوئے ہم نے سرتاج عزیز کی سفارشات کے مطابق نئے سیٹ اپ کو قبول کرنے کی حامی بھرلی مگر بعد میں سرتاج عزیز کی سفارشات کو بھی مکمل تبدیل کردیا گیا ۔ ریاست کے مجبوریوں کو مدنظر رکھتے ہوئے ہم نے مطالبہ کیا ہے کہ ہمیں آزاد کشمیر طرز کا سیٹ اپ دیدیں ۔ پریس کانفرنس سے خطاب کرتے ہوئے پیپلزپارٹی کے رکن جاوید حسین نے کہا کہ ہم نے 70سال آئینی صوبے کے حصول کی جدوجہد میں ضائع کردئے ہیں اب مزید100سال اس پر ضائع نہیں کرسکتے ہیں آزاد کشمیر طرز کے نظام میں غیر مقامی افراد زمین نہیں خرید سکتے ہیں اور صرف مقامی افراد ہی اس کے شہری ہوتے ہیں ، ٹیکس کا نظام آزاد کشمیر کا اپنا ہے اور مخصوص فارمولے کے مطابق وفاق سے معاملات طے ہیں جبکہ آزاد کشمیر میں چیف جسٹس سمیت تقریباً سبھی عہدے مقامی ہیں ۔ انہوں نے کہا کہ تحریک عدم اعتماد کا باضابطہ اعلان کررہے ہیں یہ اعلان گلگت بلتستان قانون ساز اسمبلی میں موجود تمام اپوزیشن ممبران کا متفقہ فیصلہ ہے آئندہ پندرہ دنوں کے اندر اندر تحریک عدم اعتماد کا پھل نظر آئیگا کیونکہ حافظ حفیظ الرحمن کو اب ہم مزید برداشت نہیں کریںگے حفیظ الرحمن کے ساتھ ہمارے کوئی زاتی اختلافات نہیں ہے مگر جب سے وزیراعلیٰ بنا ہے تب سے اب تک علاقے کے مفاد میں ایک روپیہ کا کام نہیں ہواہے اور تین سالوں تک عوام کو دھوکے میں رکھ کر آخر میں علاقے کا سودا کرنے کی تیاری کی ہے ہم اس کو مسترد کرتے ہیں اور واضح کرتے ہیں کہ اس آرڈر کو رکوانے کے لئے ہر اقدام اٹھائیںگے ۔ رکن اسمبلی راجہ جہانزیب نے کہا کہ تحریک انصاف کی مرکزی جماعت تحریک عدم اعتماد اور گورننس آرڈر کے خلاف تحریک میں ہمارے پیچھے کھڑی ہے ۔ہم نے چار سال محنت کرکے لاہور کے ٹائی ٹینک سے جان چھڑائی ہے ہمارا مسلم لیگ ن پر کبھی اعتبار ہی نہیں رہا ہے تو اعتماد کیسے کریں۔ صوبائی حکومت کو مہلت دی گئی کہ وہ اپنے معاملات کو بہتر کرنے کی کوشش کریں مگر آئے روز معاملات بد سے بدتر ہوتے گئے جس کے بعد تحریک عدم اعتماد کی جانب رخ کرنا ہماری مجبوری بن گئی اب ہم پوائنٹ آف نوریٹرن پر پہنچ چکے ہیں۔ رکن اسمبلی نواز خان ناجی نے کہا کہ میں نے زاتی طور پر اسمبلی میں قراردادکی بھی مذمت کی تھی مگر علاقائی مفاد کی خاطر میں آزاد کشمیر طرز کے نظام پر متفق ہوگیا ہوں۔ آزاد کشمیر کا نظام آئین کے تحت دیا گیا ہے مگر گلگت بلتستان کو صرف صدارتی آرڈیننس کے تحت نظام دئے جارہے ہیں آئین کے تحت بھرتی ہونے والے تحصیلدار کی بھی اپنی حیثیت ہوتی ہے مگر آرڈر کے تحت وزیراعلیٰ کی بھی کوئی حیثیت نہیں ہوتی ہے ۔ انہوں نے کہا کہ اپوزیشن ممبران نے متفقہ طور پر گلگت بلتستان آرڈر 2018کومسترد کردیا ہے اور اس کے خلاف احتجاجی مظاہرے اور تحریک جاری ہے ۔حافظ حفیظ الرحمن پر ہم نے کبھی اعتماد ہی نہیں کیا ہے تو اب عدم اعتماد کیسی ہوگی ۔ یہ عدم اعتماد اسمبلی کی تحریک اور ہوگی جس میں تمام قانونی ضروریات پورے کرکے اگلا قدم اٹھایا جائیگا۔ اس موقع پر رکن اسمبلی کاچو امتیاز حیدر نے کہا کہ وزیراعظم پاکستان جب جی بی کونسل کے چیئرمین تھے تو اس وقت ان کے پاس کسی حد تک قانون سازی کے اختیارات موجود تھے مگر چونکہ اب کونسل بھی ختم کردی گئی ہے تو وزیراعظم کس حیثیت سے قانون سازی کے اختیارات استعمال کریںگے ۔ گلگت بلتستان میں قانون سازی کا اختیار صرف اسی کے پاس ہوگا جو جی بی کے عوام کا منتخب کردہ ہو ۔ کسی بھی ملک میں وزیراعظم کے پاس قانون سازی کے اختیارات نہیں ہیں مگر تاریخ میں پہلی مرتبہ جی بی کو ملنے والے آرڈر میں وزیراعظم کو قانون سازی کے بھی اختیارات دیئے گئے ہیں ۔

Facebook Comments
Share Button