تازہ ترین

Marquee xml rss feed

پی ٹی اے نے پرانے موبائلوں کی خرید و فروخت پر ٹیکس لگا دیا پاکستان ٹیلی کمیونیشن اتھارٹی نے تاجروں کو پابند کیا ہے کہ پرانے موبائل بیچنے سے پہلے انہیں اس پر ٹیکس ادا کرنا ... مزید-آئی جی سندھ نے شہری کے پولیس کیساتھ نامناسب رویے کا نوٹس لے لیا-نواز شریف کی ضمانت پر اظہار تشکر کی قرارداد پنجاب اسمبلی میں جمع کروا دی گئی-عدالتی حکم پر من و عن عمل درآمد کیا جائے گا، ڈاکٹر شہباز گل مریم نواز کی درخواست پر کارڈیالوجی سینٹر جیل کے اندر بنایا گیا تھا ۔ کارڈیالوجی سینٹر میں 21 ڈاکٹرزاور 21 ٹیکنیشن ... مزید-نواز شریف کو ان کی ضمانت پر رہائی کے عدالتی حکم کی اطلاع جیل میں دی گئی-شکر ہے عدالت نے نواز شریف کو باہر جانے کی اجازت نہیں دی، وزیر اعظم لندن میں سیل لگی ہوئی تھی اور نواز شریف وہاں شاپنگ کرنے کے لیے مچل رہے تھے، عمران خان-تاریخی شاہی قلعہ میں واقعہ شیش محل کی سیاحت کے لئے سیاحوں پر 100 روپے مالیت کا ٹکٹ لاگو کر دیا گیا-لاہورہائی کورٹ نے اپوزیشن لیڈر شہبازشریف کا نام ای سی ایل سے نکالنے کا حکم دے دیا-اللہ تعالیٰ کا شکر ہے نواز شریف کو رہائی ملی ،عدالتی فیصلے کو سراہتے ہیں،شہباز شریف-وفاقی جامعہ اردو کراچی میں طلباء گروپوں کے مابین تصادم، کھڑکیاں ،دروازے توڑ دیے گئے انتظامیہ جھگڑا رکوانے میں ناکام ، پولیس اور رینجرز طلب کر لی گئی

GB News

پی آئی اے کے کرایوں میں بے محابا اضافہ

Share Button

پاکستان انٹرنیشنل ایئرلائنز (پی آئی اے) نے سکردو اور اسلام آباد کے مابین ہوائی جہاز کے کرایوں میں 100فیصد تک اضافہ کر کے صوبائی اسمبلی کی قراردادوں کی نفی کر دی’صوبائی اسمبلی نے ڈیڑھ ماہ قبل متفقہ طور پر قرارداد پاس کر کے پی آئی اے حکام سے مطالبہ کیا تھا کہ گلگت وسکردو کیلئے کرایوں میں خصوصی رعایت دی جائے کیونکہ مسافت کے حساب سے کرایے بہت زیادہ ہیں کرایے زیادہ ہونے کے باعث سیاحت کو ناقابل تلافی نقصان پہنچ رہا ہے قرارداد میں پی آئی اے حکام سے فوری طور پر کرایوں میں کمی کر کے سیاحوں اور عام مسافروں کی مشکلات دور کرنے کی اپیل کی گئی تھی لیکن پی آئی اے حکام نے اسلام آباد اور سکردو کے درمیان کرایوں میں 80سے 100فیصد تک کا اضافہ کر کے گلگت بلتستان کے مسافروں اور ملکی وغیرملکی سیاحوں کیلئے نئی مشکلات پیدا کر دی ہیں جس کے باعث مسافروں وسیاحوں میں شدید غم و غصے کی لہر دوڑ گئی ہے’اسلام آباد سکردو روٹ پر پی آئی اے کے کرایوں میں اضافہ بلاشبہ بدترین زیادتی کے مترادف ہے’ظلم یہ ہے کہ یہ کرایے ملک بھر میں دیگر تمام روٹس سے زیادہ ہیں یہی وجہ ہے کہ اس روٹ کے مسافراس کے خلاف احتجاج کر رہے ہیں’یوں محسوس ہوتا ہے کہ پی آئی اے اپناتمام تر خسارہ اسی روٹ سے پورا کرنا چاہتی ہے نہ جانے اس ادارے کے کارپردازان کو گلگت بلتستان سے کیا کد ہے کہ انہوں نے کرایوں کی شرح میں بے محابا اضافہ کر دیا ہے’یہ روٹ ایسا بھی نہیں کہ ادارے کو خسارے کا سامنا ہو اس کے باوجود اس فاصلے کے دیگر روٹس کے مقابلے میں بے تحاشا کرایہ ناقابل فہم ہے ہونا تو یہ چاہیے کہ اس علاقے میں سیاحت کے حوالے سے سیاحوں کو ریلیف دینے کیلئے کرایوں میں سبسڈی دی جاتی تاکہ زیادہ سے زیادہ سیاح یہاں کا رخ کرتے اور قیمتی زرمبادلہ حاصل ہوتا لیکن پی آئی اے نے اپنے تئیں سیاحت کو نقصان پہنچانے کے لیے یہ قدم اٹھایا ہے اور اس پر لوگوں کے احتجاج کا بھی کوئی اثر نہیں ہو رہا’ستم ظریفی یہ ہے کہ یہ ادارہ قانون ساز اسمبلی کی قرارداد کو بھی خاطر میں لانے کیلئے آمادہ نہیں’کرایوں میں اسّی سے سو فیصد اضافہ فوری طور پر واپس لیا جانا چاہیے اس ضمن میں صوبائی حکومت پر بھی لازم ہے کہ وہ پی آئی اے حکام اور نگران حکومت سے گفت وشنید کے علاوہ اس ناانصافی پر کھل کر احتجاج کرے اور کرایوں میں اضافے کی بلاتاخیر واپسی کوممکن بنائے۔

Facebook Comments
Share Button