تازہ ترین

Marquee xml rss feed

پی ٹی اے نے پرانے موبائلوں کی خرید و فروخت پر ٹیکس لگا دیا پاکستان ٹیلی کمیونیشن اتھارٹی نے تاجروں کو پابند کیا ہے کہ پرانے موبائل بیچنے سے پہلے انہیں اس پر ٹیکس ادا کرنا ... مزید-آئی جی سندھ نے شہری کے پولیس کیساتھ نامناسب رویے کا نوٹس لے لیا-نواز شریف کی ضمانت پر اظہار تشکر کی قرارداد پنجاب اسمبلی میں جمع کروا دی گئی-عدالتی حکم پر من و عن عمل درآمد کیا جائے گا، ڈاکٹر شہباز گل مریم نواز کی درخواست پر کارڈیالوجی سینٹر جیل کے اندر بنایا گیا تھا ۔ کارڈیالوجی سینٹر میں 21 ڈاکٹرزاور 21 ٹیکنیشن ... مزید-نواز شریف کو ان کی ضمانت پر رہائی کے عدالتی حکم کی اطلاع جیل میں دی گئی-شکر ہے عدالت نے نواز شریف کو باہر جانے کی اجازت نہیں دی، وزیر اعظم لندن میں سیل لگی ہوئی تھی اور نواز شریف وہاں شاپنگ کرنے کے لیے مچل رہے تھے، عمران خان-تاریخی شاہی قلعہ میں واقعہ شیش محل کی سیاحت کے لئے سیاحوں پر 100 روپے مالیت کا ٹکٹ لاگو کر دیا گیا-لاہورہائی کورٹ نے اپوزیشن لیڈر شہبازشریف کا نام ای سی ایل سے نکالنے کا حکم دے دیا-اللہ تعالیٰ کا شکر ہے نواز شریف کو رہائی ملی ،عدالتی فیصلے کو سراہتے ہیں،شہباز شریف-وفاقی جامعہ اردو کراچی میں طلباء گروپوں کے مابین تصادم، کھڑکیاں ،دروازے توڑ دیے گئے انتظامیہ جھگڑا رکوانے میں ناکام ، پولیس اور رینجرز طلب کر لی گئی

GB News

مقدمات نیب میں ہیں، ڈوریں سپریم کورٹ سے ہل رہی ہیں، نواز شریف

Share Button

پاکستان مسلم لیگ (ن) کے قائدمیاں نوازشر یف نے کہا ہے کہ میرے خلاف مقدمہ نیب میں چل رہا ہے مگر اسکی ڈوریں سپر یم کورٹ سے ہل رہی ہیں ‘ ڈکٹیٹر کی بلائیں لی جار رہی ہیں اورمیرے بنیاد ی حقوق سلب کئے جارہے ہیں اور سپریم کورٹ کی جانب سے کڑی شرائط پر خواجہ حارث نے میرے ریفرنس کی پیروی سے انکار کردیا ہے اورکوئی وکیل بھی میرے کیس کی پیروی کرنے کے لئے تیار نہیں’میرے خلاف کیس کی مانٹیر نگ وہ جج کر رہا ہے جو میرے خلاف سپر یم کورٹ میں پہلے ہی فیصلہ سناچکا ہے ‘ کیاپاکستان کی تاریخ میں ایسی کوئی اور مثال ملتی ہے ؟ اگر25جولائی کے انتخابات سے پہلے میرے خلاف فیصلہ کر نا ضروری یا مجبوری ہے تو پھر فیصلہ کر دیں آئین وقانون کی دھجیاں اڑدیں ‘میرے بنیادی حقوق بری طرح سلب کیے جا رہے ہیں اور مجھے اپنے دفاع سے بھی محروم کیا جارہا ہے ایسا ماحول بنادیا ہے میں وکیل بھی محروم ہو رہاہوں’آمدن سے زائد اثاثے بنانے کے معاملے میں3ریفر نسز بنانا بھی ایک نئی تاریخ ہے اور پھر ایک ہی دن تمام ریفر نسز کا فیصلہ کر نے کی باتیں ہو رہی ہیں حالانکہ ابھی دو کیسوں میں جرح ہو نا بھی باقی ہے ۔ وہ سوموار کے روز (ن) لیگ کے مر کزی سیکرٹریٹ میں (ن) لیگ کے صدر میاں شہبا زشر یف ‘چیئر مین راجہ ظفر الحق سمیت (ن) لیگ کے مر کزی اور صوبائی قائدین کے ہمراہ اپنا بیان پر یس کانفر نس کے ذریعے سنا رہے تھے پاکستان مسلم لیگ (ن) کے قائدمیاں نوازشر یف نے کہا ہے کہ چیف جسٹس کی طرف نیب ریفرنسز کی روزانہ سماعت کی ہدایت پر میر ے وکیل خواجہ حارث میرے ریفرنس سے دستبردار ہوگئے ہیں جس کی وجہ سے مجھے احتساب عدالت کی طرف سے کہا گیا ہے کہ میں نیا وکیل کرلوں لیکن مجھے معلوم ہوا ہے کہ کوئی بھی وکیل اتنی کڑی شرائط اور اتنی دستاویزات کا مطالعہ کرنے کی وجہ سے میری کیس کی پیروی کرنے کے لئے تیار نہیں ہے ۔ انہوں نے کہا کہ یہ قانون کا مذاق اڑانے کے مترادف ہے اور یہ شفاف ٹرائل کے بنیادی تقاضوں کے خلاف ہے ۔ کوئی وکیل چھٹی کے بغیر مقدمہ نہیں لڑسکتا ۔ میرے بنیادی حقوق سلب کئے جا رہے ہیں۔ انہوں نے کہا کہ ایسا ماحول بنادیا گیا ہے کہ کوئی وکیل میرے کیس کی پیروی کرنے کیلئے تیار ہوں۔ انہوں نے کہا کہ احتساب عدالت میں اور بھی کئی کیسز ہیں لیکن کوئی کیس ایسا ہے جس کی اس طرح مانیٹر نگ کوئی جج کر رہاہواور اس کا وکیل کوئی چھٹی کئے بغیر پیش ہور ہا ہو؟ انہوں نے کہا کہ یہ عجیب مقدمہ ہے کہ کیس نیب عدالت میں چل رہاہے لیکن ڈوریں سپریم کورٹ سے ہلائی جا رہی ہیں اس لئے اب میں اپیل لے کر کس کے پاس جاں۔ انہوں نے کہا کہ کیس میں تاخیرکی وجہ استغاثہ پر ہے ۔جب وقت مانگا نیب کی طرف سے مانگا گیا ۔ میرے وکیل نے کبھی چھٹی نہیں مانگی ۔ گزشتہ روز چیف جسٹس نے کہا کہ میں تشہیر کیلئے بیوی سے ملنے کیلئے چھٹی کی بات کرتا ہوں،اس پر مجھے بہت افسوس ہوا ۔ یہ ظلم کو آخری قسط ہے ۔انہوں نے کہا کہ قوم کوپتہ چلنا چاہئے کہ جے آئی ٹی کیسے بنی اور جے آئی ٹی نے کہاں کہاں گل کھلائے ۔ انہوں نے کہا کہ جب کوئی کرپشن ثابت نہیں ہوئی تو ایک اقامہ نکالا گیا اور اس کی بنیاد پر مجھے وزیر اعظم ہاس سے نکال دیا گیا ۔تین ریفرنسز بنائے گئے اور جب اس پر بات نہ بنی تو ضمنی ریفرنسز لائے گئے ۔ انہوں نے کہا کہ اس کیس کے فیصلے میں کس چیز کا انتظار کیا جارہاہے ۔ باربار موقف بدلے گئے اورہماری تمام درخواستیں رد کی گئیں لیکن استغاثہ جرم ثابت کرنے میں ناکام رہا ۔ ہماری یہ درخواست رد کردی گئی کے تینوں ریفرنسز ساتھ سنے جائیں لیکن بعد عدالت نے اپنے موقف سے خود ہی انحراف کرلیا اور کہا کہ تینوں ریفرنسز کا فیصلہ ایک ساتھ ہی ہوگا ۔

Facebook Comments
Share Button