تازہ ترین

Marquee xml rss feed

یہ تاثر قائم کر دیا گیا ہے تحریک انصاف میں شمولیت اختیار کرو یا پھر جیل جاؤ، بلاول بھٹو کا بابر اعوان کی بریت پر ردِ عمل حکومت کا صوبوں کے ساتھ رویہ ٹھیک نہیں ہے، یہ صوبائی ... مزید-اگر سیلز ٹیکس واپس ہی کرنا ہے تو پھر لیتے کیوں ہیں؟ عبدالرزاق داؤد ایک دم صفر سے 17فیصد ٹیکس لگانے سے مسائل پیدا ہوں گے،ہم ہمیشہ ریونیو کے پیچھے گئے صنعتی ترقی کے پیچھے ... مزید-نیب نے بابر اعوان کو معاف نہیں کیا، ہمایوں اختر خان بابر اعوان کی بریت کا فیصلہ احتساب عدالت کا ہے، رہنما پاکستان تحریکِ انصاف-حضرو میں ماں اپنی بیٹی کی عزت بچانے کی کوشش میں جان کی بازی ہار گئی حملہ آور نے بیٹی کی جان بچانے کی کوشش کرنے والی خاتون کو چاقو کے وار کرکے شدید زخمی کیا، بعد ازاں خاتون ... مزید-چند سالوں میں پیٹرول ناقابل یقین حد تک سستا جبکہ اس کا استعمال بھی نہ ہونے کے برابر ہو جائے گا دنیا کی بڑی بڑی کمپنیاں اب بجلی سے چلنے والی ہائبرڈ گاڑیاں تیار کر رہی ہیں، ... مزید-وزیراعلی سندھ سے برٹس ٹریڈ کمشنر فار پاکستان، مڈل ایسٹ کی وزیراعلی ہائوس میں ملاقات-گراں فروشی، ملاوٹ اور غیر معیاری اشیاکی فروخت کے خلاف کاروائی جاری رکھی جائے، وزیراعلی-لیبر تنظیموں کا اپوزیشن کی متوقع احتجاجی تحریک سے مکمل لاتعلقی کا اعلان ملک کو معاشی طور پر مضبوط بنانے کیلئے حکومت اور قومی اداروں کے ساتھ کھڑے ہیں ‘لیبرتنظیمیں اپوزیشن ... مزید-ناقص معاشی پالیسیوں کے ذمہ دار ہم سے 10 ماہ کا حساب مانگ رہے ہیں، جب تک معیشت بہتر نہیں ہو جاتی ہم ان سے ان کے 40 سالوں کا حساب مانگتے رہیں گے‘ ماضی میں ذاتی مفادات کے لئے ... مزید-نیب لاہور نے ہسپتالوں کے مضر صحت فضلہ سے گھریلو اشیاء کی تیاری کے حوالے سے میڈیا رپوٹس کا نوٹس لے لیا متعلقہ اداروں کے حکام بریفنگ کیلئے طلب ‘ ملوث عناصر کے خلاف ٹھوس ... مزید

GB News

پیپلز پارٹی نے ہمیشہ جنوبی پنجاب کے لیے کام کیا، بلاول بھٹو زرداری

Share Button

مظفر گڑھ: پاکستان پیپلزپارٹی (پی پی پی) کے چیئرمین بلاول بھٹو زرداری کا کہنا ہے کہ آپ کو فیصلہ کرنا ہے کہ آپ کو شوباز چاہیے یا یوٹرن والا؟ ووٹ کی بنیاد منشور، نظریہ اور پالیسی ہونی چاہیے۔

مظفر گڑھ میں جلسہ عام سے خطاب کرتے ہوئے بلاول بھٹو زرداری کا کہنا تھا کہ پیپلزپارٹی نے 50 سال میں جمہوری جدوجہد کی، ہم نےجیلیں کاٹی ہیں اور حکومت بھی کی ہے۔

انہوں نے کہا کہ کراچی سےخیبر تک جہاں جہاں گیا، عوام نے استقبال کیا اور آج بھی خدمت کا وہی جذبہ لے کر خان گڑھ میں آیا ہوں۔

ان کا کہنا ہے کہ میرا مقابلہ سیاستدان سے نہیں بلکہ محرومیوں سے ہے، میرا مقابلہ غربت، بھوک اور معاشی ناانصافی سے ہے اور میں استحصال سے پاک معاشرہ چاہتاہوں، دنیاکی کوئی طاقت شہید بی بی کا مشن پورا کرنے سے نہیں روک سکتی۔

بلاول بھٹو زرداری کا کہنا تھا کہ الیکشن میں عوام دوست اور زرعی دوست منشور لایا ہوں، پیپلزپارٹی ہمیشہ کسان دوست منشور لاتی ہے جب کہ ہم کپاس،چاول، گندم اور دالوں کی امدادی قیمت دیں گے۔

انہوں نے کہا کہ ملک کی 60 فیصد آبادی خوراک کی کمی کاشکار ہے لہذا حکومت میں آنے کے بعد بھوک مٹاؤ پروگرام کے تحت بھوک کارڈ دیں گے اور یونین کونسل کی سطح پر فوڈ اسٹور کھولیں گے۔

ان کا کہنا ہے کہ میں نے ہمیشہ جنوبی پنجاب صوبےکامقدمہ لڑا ہے لیکن چند کٹھ پتلیوں کو آخری دنوں میں جنوبی پنجاب یاد آیا جب کہ حکمرانوں نے جنوبی پنجاب کو اپنی جاگیر سمجھا اور مسائل کو اہمیت نہ دی۔

پی پی پی چیئرمین کا کہنا تھا کہ ہم نے سندھ میں درجنوں اسپتال بنائے، 8 دل کے اسپتال سندھ میں بنائے لیکن ہمارے مخالفین کہتے ہیں ہم نے میٹرو نہیں بنائی، ہم نے 14 نئی یونیورسٹیاں بنائی ہیں۔

ان کا کہنا تھا کہ آپ کو میٹرو چاہیے یا معیاری تعلیم اور علاج؟ آپ کو روزگار چاہیے یا میٹرو؟ الیکشن میں 2 ہفتےرہ گئے لیکن پاکستان بدلنے والے کا منشور بھی تیار نہیں۔

بلاول بھٹو کا کہنا تھا کہ آپ کو فیصلہ کرنا ہے کہ آپ کو شوباز چاہیے یا یوٹرن والا؟ ووٹ کی بنیاد منشور، نظریہ اور پالیسی ہونی چاہیے، یہ الیکشن میری سیاسی انا اور اقتدار کی ہوس کی بات نہیں بلکہ یہ الیکشن آپ کے حقوق کی جنگ ہے۔

انہوں نے کہا کہ مجھے اقتدار کی ہوس نہیں اور نہ ہی اقتدار اپنے لیے چاہیے بلکہ یہ  اقتدار غربت اور معاشی ناانصافی کے خاتمے کے لیے چاہتا ہوں، ملک کی خوشحالی اور نوجوانوں کے روزگار کے لیے اقتدار چاہتا ہوں۔

Facebook Comments
Share Button