تازہ ترین

Marquee xml rss feed

ایشیاءکپ،پاکستان کی بھارت سےشکست،شائقین کرکٹ مایوس کھلاڑیوں کی ٹریننگ میں”اعصابی تناؤ کی مضبوطی“ پرتوجہ اولین ترجیح ہونی چاہیے، ہار جیت کھیل کا حصہ لیکن ہارا تو لڑ ... مزید-ایرانی سیکیورٹی فورس نے پاک ایران سرحد تفتان کے قریب مزید 149 پاکستانی لیویز فورس کے حوالے کر دیئے-پی ٹی آئی کا جیل سےرہائی کےبعد نوازشریف سے بڑا مطالبہ نوازشریف قوم کا پیسا واپس لے آئیں ہماری لڑائی ختم ہوجائے گی، نوازشریف سے ہماری کوئی ذاتی لڑائی نہیں ہے۔وفاقی وزیراطلاعات ... مزید-جعلی وزیر اعظم عمران خان کی جعلی حکومت بری طرح ناکام ہو چکی ہے ‘ شاہد خاقان عباسی این اے 124کی سیٹ پر شاہد خاقان عباسی کو بھاری اکثریت سے کامیاب کرا کے یہ امانت نواز شریف ... مزید-اے این پی رہنماء کی متنازع ایشو پرعمران خان کی حمایت افغانی اور بنگلادیشی لوگوں کوشہریت کا حق آئین دیتا ہے، وزیراعظم نے قومی اسمبلی میں حقائق پرمبنی بات کی ہے، افغان ... مزید-وزیراعلیٰ پنجاب سے گورنر خیبرپختونخوا شاہ فرمان کی ملاقات، باہمی دلچسپی کے امور اور بین الصوبائی ہم آہنگی پر تبادلہ خیال-پاکستان فلور ملز ایسوسی ایشن(پنجاب) کے سالانہ انتخابات ، آواز گروپ نے میدان مار لیا-پنجاب میں بارشوں کے باعث ممکنہ سیلاب کی پیشین گوئی کے پیش نظرتمام پیشگی انتظامات مکمل کئے جائیں، متعلقہ محکمے ایمرجنسی پلان مرتب کریں،وزیراعلیٰ پنجاب کی کابینہ سب کمیٹی ... مزید-پاکستان کو اس کی اصل منزل سے ہٹانے والے ملک و قوم کے مجرم ہیں،کپتان نے پاکستان کو اس کی منزل کی طرف رواں دواں کر دیا، نئے پاکستان میں کمز ور اور غریب کو بھی ان کا حق ملے گا، ... مزید-وزیراعلیٰ کی اہلیہ اور صاحبزادیوں کی لاہو ر میں ایس او ایس ویلج آمد ، ایس اوایس ویلج میں مقیم بچوں کے ساتھ گھل مل گئیں، گیمز کھیلی او رگپ شپ لگائی ،مجھے یہاں آ کر دلی ... مزید

GB News

نوازشریف کے داماد کیپٹن (ر) صفدر دو روز مفرور رہنے کے بعد راولپنڈی سے گرفتار

Share Button

اسلام آباد (آئی این پی )احتساب عدالت کی طرف سے ایون فیلڈ ریفرنس میں ایک سال کی قید بامشقت سزا پانے والے سابق وزیراعظم نوازشریف کے داماد کیپٹن (ر) صفدر نے دو روز مفرور رہنے کے بعدبالآخر راولپنڈی میں مسلم لیگ (ن) کی ریلی میں شرکت کے دوران نیب کو گرفتاری دے دی ،نیب ٹیم نے کیپٹن (ر)صفدرکو سخت سیکیورٹی میں نیب راولپنڈی کے دفتر منتقل کیا جہاں ان کا ابتدائی طبی معائنہ کیا گیا اور آج (پیر کو) انہیں احتساب عدالت میں پیش کر کے جیل منتقل کردیا جائے گا ،ایون فیلڈ ریفرنس نیب لاہور کا کیس تھا لہذااس بات کا قومی امکان ہے کہ کیپٹن (ر)صفدر کو کوٹ لکھپت جیل لاہور منتقل کیا جائے گا ، دوسری طرف نیب راولپنڈی کے دفتر کی سیکیورٹی پولیس اور رینجرز کے سپرد کردی گئی ہے۔تفصیلات کے مطابق 6جولائی کو اسلام آباد کی احتساب عدالت سے ایون فیلڈ ریفرنس میں ایک سال قید بامشقت کی سزا سنائے جانے کے بعد کیپٹن (ر)صفدرروپوش ہوگئے تھے اور نیب لاہور اورراولپنڈی کی ٹیموں نے مجرم کی گرفتاری کیلئے ہری پور ، ایبٹ آباد اور مانسہرہ میں دوروز تک مسلسل چھاپے مارے تاہم وہ کہیں بھی پکڑائی نہ دیے ۔کیپٹن (ر)صفدر نے اپنے موبائل فون بند کردیے تھے جبکہ ان کے سٹاف کے عملے نے بھی دو روز تک اپنے موبائل فون بند رکھے ۔ نیب ٹیموں اور کے پی کے پولیس کی طرف سے کیپٹن (ر)صفدرکی رہائش گاہ کا گھیرائو کرنے اور علاقے میں جگہ جگہ چھاپے مارنے پر کیپٹن (ر)صفدرنے بالآخر 8جولائی کو ایک آڈیو پیغام کے ذریعے ایبٹ آباد شہر کے بجائے کسی دوسرے شہر میں گرفتاری دینے کا اعلان کیا جس کے نصف گھنٹے بعد وہ راولپنڈی کے مری روڈ سے نمودار ہوئے جہاں مسلم لیگ (ن) کی مقامی قیادت نے ایک ریلی کی صورت میں ان کا استقبال کیا اور انہیں ریلی میں لے کر راولپنڈی کے مختلف علاقوں کے چکر لگائے ۔ اس دوران نیب راولپنڈی اور نیب لاہور کی مشترکہ ٹیم مقامی پولیس کو ساتھ لے کر ریلی میں پہنچ گئی اور چار گھنٹے کی طویل ریلی کے بعد کیپٹن (ر)صفدر نے سکس روڈ پر واقع مسلم لیگ نون کے دفتر کے باہر نیب کی ٹیم کو گرفتاری دی ، اس دوران نیب ٹیم جب مجرم کو لے کر نکلنے کی کوشش کر رہی تھی تو لیگی کارکنان باربار ان کی گاڑی پر سوار ہو جاتے اور نیب ٹیم کو نکلنے کا راستہ نہ دیتے تاہم طویل جدوجہد کے بعد نیب ٹیم کیپٹن (ر)صفدر کو مری روڈ سے لیکر میلوڈی اسلام آباد میں واقع نیب راولپنڈی کے دفتر پہنچی جہاں مسلم لیگ (ن) کے کارکنان بھی پولیس کی گاڑیوں کا پیچھا کرتے ہوئے پہنچے اور وہ کیپٹن (ر)صفدر کی گاڑی کے ساتھ نیب کے دفتر کے اندر گھس گئے تاہم اسلام آباد پولیس نے ان کو دفتر سے باہر نکالا اور مشتعل کارکنان نے نیب کے دفتر کے باہر نعرے بازی شروع کردی ۔ پولیس نے مظاہرین کو پرامن طور پر منتشر کردیا۔ نیب راولپنڈی کے دفتر میں کیپٹن (ر)صفدر کا علاقہ مجسٹریٹ کی موجودگی میں طبی معائنہ کرایا گیا اور انہیں حوالات منتقل کردیا گیا ۔ آج(پیر کو) کیپٹن (ر)صفدر کو جیل منتقل کرنے کیلئے احتساب عدالت میں پیش کیا جائے گا اور فاضل جج کے حکم کی روشنی میں انہیں جیل منتقل کیا جائے گا ۔ اس بات کے امکانات ہیں کہ کیپٹن (ر)صفدر کو کوٹ لکھپت جیل لاہور منتقل کیا جائے گا تاہم عدالتی فیصلے کی روشنی میں انہیں ملک کی کسی بھی جیل میں سزا پوری کرنے کیلئے منتقل کیا جا سکتا ہے ۔

Facebook Comments
Share Button