GB News

گریجویشن امتحانات : وائس چانسلر نے نقل خوروں کو پولیس کے حوالے کرنے کا حکم دیدیا۔

Share Button

قراقرم انٹرنیشنل یونیورسٹی کے وائس چانسلر پروفیسر ڈاکٹر عطاء اللہ شاہ نے کہا ہے کہ امتحانات میں نقل جیسی لعنت کی کوئی گنجائش نہیں۔ اللہ کی دی ہوئی نعمت عقل کو چھوڑ کر نقل کا استعمال نہ صرف اپنے آپ پر بلکہ معاشرے پر ظلم ہے اور ہم یہ ظلم ہونے نہیں دیں گے۔ گریجویشن امتحانات کے دوران ہنزہ میں قائم امتحانی مراکز کے اچانک معائنے کے موقع پر وائس چانسلر نے نگران عملہ کو سختی سے ہدایت کی کہ وہ امتحانات کے تقدس کو ہر حال میں برقرار رکھیں اور نقل خوروں کے گرد گھیرا تنگ کریں۔ انہوںنے کہاکہ نقل کا سہارا لیکر امتحان پاس کرنیکا زمانہ گزر گیا۔ اب جو بھی نقل کا سہارالیکر اپنے آپ اور ادارے کو نقصان اور بدنام کرنے کی کوشش کرے تو اس کے ساتھ سختی سے نمٹا جائیگا۔ وائس چانسلر نے کنٹرولرا متحانات کو ہدایت کی کہ وہ امتحانات کو شفاف بنانے کیلئے مقامی پولیس انتظامیہ کے ساتھ قریبی تعلق رکھیں اور جو بھی نقل کی کوشش کرے اسے پولیس کے حوالے کردیا جائے۔

Facebook Comments
Share Button