GB News

پیپلز پارٹی کا باب جلد ختم ہوگا، حکومت مسائل حل کررہی ہے، عابد بیگ

Share Button

وزیر اعلیٰ کے معاون خصوصی حاجی عابد علی بیگ نے کہاہے کہ گلگت بلتستان کی ترقی سیاسی مخالفین کو ہضم نہیں ہورہی ہے جسکی وجہ سے ترقیا تی کاموں اور حکومت پر بے جاتنقید کرنے اور اخباری بیانات دیکر عوام میں زندہ رہنے کی ناکام کوشش کررہے ہیں ۔صوبائی حکومت عوام سے کئے ہوئے وعدوں کو ایک ایک کرکے پورا کررہی ہے وہ دن دور نہیں ہے کہ عوام سے کئے ہوئے تمام وعدوں کو عملی جامہ پہنایا جائے گا۔ان خیالات کا اظہار انہوںنے کے پی این سے گفتگوکرتے ہوئے کیا۔انہوںنے کہ ہم گلگت بلتستان کے حقوق کی تحفظ کرنے والے ہیں گلگت بلتستان کو ترقی و خوشحالی کی طرف لے جارہے ہیں سابقہ پیپلز پارٹی نے تو عوام کے بجٹ سمیت عوام کو پہلے سے میسر سہولیات کو اپنے عیاشیوں کے لیے سودا کیاتھا۔پیپلز پارٹی والے اپنے کئے کو کیسے بھول جاتے ہیں ۔انہوںنے کہاکہ پیپلز پارٹی ہم پر الزامات لگانے سے قبل اپنے گریبان میں دیکھے حقیقت کھل جائے گی کہ گلگت بلتستان کا کس نے سودا کیااور کس نے جی بی کا تحفظ کیاہے ۔انہوںنے کہاکہ عوامی سطح پر زندہ رہنے کے لیے پیپلز پارٹی والے بے بنیاد قسم اور من گھڑت بیانات دیگر عوام کو گمراہ کرنے کی سازش ہے ۔انہوںنے کہاکہ وہ وقت دور نہیں کہ پیپلز پارٹی کا مکمل باب ہی ختم ہوجائے گا۔انہوںنے کہاکہ الیکشن میں کئے ہوئے تما م وعدوں کوپورا کرینگے جس کے بعد سیاسی مخالفین ہمیشہ ہمیشہ کے لئے دفن ہوجائے گے ۔

Facebook Comments
Share Button