تازہ ترین

Marquee xml rss feed

شیریں مزاری نے ایران میں سیاہ برقع کیوں پہنا؟ ایران میں خواتین کا سر کو ڈھانپ کر رکھنا سرکاری طور پر لازمی ہے، اس قانون کا اطلاق زوار، سیاح مسافر خواتین، غیر ملکی وفود ... مزید-وفاقی وزیر برائے تعلیم کا پاکستان نیوی کیڈٹ کالج اورماڑہ اور پی این ایس درمان جاہ کا دورہ-پاکستانی لڑکیوں سے کئی ممالک میں جس فروشی کروائے جانے کا انکشاف لڑکیوں کو نوکری کا لالچ دیکر مشرق وسطیٰ لے جا کر ان سے جسم فروشی کرائی جاتی ہے، اہل خانہ کی جانب سے دوبارہ ... مزید-جدید بسیں اب پاکستان میں ہی تیار کی جائیں گی، معاہدہ طے پا گیا چینی کمپنی پاکستان میں لگژری بسوں اور ٹرکوں کا پلانٹ تعمیر کرے گی، 5 ہزار نوکریوں کے مواقع پیدا ہوں گے-وفاقی وزارتِ مذہبی امور نے ملک میں ایک ساتھ رمضان کے آغاز کے لیے صوبوں سے قانونی حمایت مانگ لی ملک بھر میں ایک ہی دن رمضان کے آغاز کے لیے وزارتِ مذہبی امور نے صوبائی اسمبلیوں ... مزید-جہانگیر ترین یا شاہ محمود قریشی، کس کے گروپ کا حصہ ہیں؟ وزیراعلی پنجاب نے بتا دیا میں صرف وزیراعظم عمران خان کی ٹیم کا حصہ ہوں، کسی گروپنگ سے کوئی تعلق نہیں: عثمان بزدار-اسلام آباد میں طوفانی بارش نے تباہی مچا دی جڑواں شہروں راولپنڈی، اسلام آباد میں جمعرات کی شب ہونے والی طوفانی بارش کے باعث درخت جڑوں سے اکھڑ گئے، متعدد گاڑیوں، میٹرو ... مزید-گورنر پنجاب چوہدری سرور کی جانب سے اراکین اسمبلی،وزراء اور راہنماؤں کے لیے دیے جانے والے اعشائیے میں جہانگیرترین کو مدعونہ کیا گیا 185میں سے صرف 125اراکین اسمبلی شریک ہوئے،پرویز ... مزید-بھارت کی جوہری ہتھیاروں میں جدیدیت اور اضافے سے خطے کا استحکام کو خطرات لاحق ہیں،ڈاکٹر شیریں مزاری جنوبی ایشیاء میں ہتھیاروں کی دوڑ سے بچنے کیلئے پاکستان کی جانب سے ... مزید-وزیراعلیٰ خیبرپختونخوا نے ضلع کرم میں میڈیکل کالج کے قیام اور ڈسٹرکٹ ہیڈکوارٹر ہسپتال کی اپ گریڈیشن کا اعلان کردیا ضلع کرم میں صحت اور تعلیم کے اداروں کو ترجیحی بنیادوں ... مزید

GB News

دیامر میں شرپسندوں کے خلاف سرچ آپریشن،انتہائی اہم دہشت گردمارا گیا

Share Button

چلاس(بیورورپورٹ)دیامر میں سرکاری سکولوں کو جلائے جانے کے واقعے کے بعدضلعی پولیس نے ضلع دیامر کی تحصیل تانگیرمیں شرپسندوں کے خلاف سرچ آپریشن کا آغاز کیا آپریشن کے دوران تانگیر ریمی کے ایک گھر میں روپوش شدت پسندوں اور پولیس کے مابین جھڑپ ہوئی ۔جھڑپ میں گھر میں روپوش انتہائی اہم دہشت گردمارا گیا۔دہشت گردکی شناخت شفیق کی نام سے ہوئی ہے جو افغانستان سے تربیت یافتہ تھا ،آپریشن کے دوران مارے گئے دہشت گرد کے گھر سے خودکش جیکٹ،دستی بم اور بھاری مقدار میں اسلحہ بھی برآمد کیا گیا ہے ۔پولیس نے دہشت گرد کو انجام تک پہنچانے کے بعد تانگیر کے مختلف علاقوں میں اپریشن کا دائرہ کار بڑھا دیا ہے اور جگہ جگہ ناکہ بندی کرکے سرچ آپریشن کا سلسلہ جاری رکھا ہو اہے ادھر دیامر کی تحصیل داریل میں کمانڈر شفیق کی ہلاکت کی خبر سن کر پھگیچ کے مقام پر6 سے زائد شدت پسند پہاڑیوں پر چڑھ گئے اور داریل روڈ کو گیال اور پھگیچ کے مختلف مقامات پر بلاک کرکے داریل اور چلاس کے درمیان چلنے والی سرکاری گاڑیوں کا نشانہ بنایا اور سرکاری گاڑیوں پر فائرنگ کی ،لیکن خوش قسمتی سے کوئی جانی نقصان نہیں ہوا ہے ،شدت پسندوں نے کئی گھنٹوں تک داریل روڈ کو یرغمال بنایا اور اُس کے بعد مقامی لوگوں کیلئے روڈ کھول دیا ،تاہم سرکاری گاڑیوں کی آمدورفت پر ہنوز پابندی عائد ہے،اور دہشت گرد کسی بھی سرکاری گاڑی کو گزرتے ہوئے دیکھ کر فائرنگ کھول دیتے ہیں ۔دیامر کی تحصیل تانگیر کو شتیال سے ملانے والی سڑک پر بھی لرک ککیون داس کے مقام پر بھی شدت پسندوں کا مکمل قبضہ ہے اور ہر آنے جانے والی سرکاری گاڑی کو نشانہ بنایا جاتا ہے، مقامی لوگوں کا کہنہ ہے کہ دہشت گرد مقامی لوگوں کو کچھ نہیں کہتے ،دہشت گردوں کاٹارگٹ صرف سرکاری ملازمین،اور آفسران ہیں ۔ادھر داریل تحصیل ہیڈ کوارٹر میں ایک اعلی سطح کا اجلاس بھی جاری ہے ،جس میں دہشت گردوں کے خلاف حکمت عملی کے تحت آپریشن پر غور کیا جارہا ہے۔دوسری طرف داریل ،تانگیر اور چلاس کے عوام نے دہشت گردوں کے خلاف متفقہ طور پر قراردادیں پیش کی ہیں اور داریل تانگیر کے رہائشی علاقوں کو دہشت گردوں سے خالی کرانے کا مطالبہ کرتے ہوئے سیکورٹی اداروں کے ساتھ مکمل تعاون اور ساتھ دینا کا بھی اعلان کیا ہے ۔

Facebook Comments
Share Button