تازہ ترین

Marquee xml rss feed

وزیراعظم عمران خان کی زیرصدارت وفاقی کابینہ کا خصوصی اجلاس کئی گھنٹوں سے جاری ہر ایک وزارت کو عملدرآمد کیلئے پانچ سالوں پر محیط مخصوص سٹرٹیجک پلان کی تیاری کا ہدف دیا ... مزید-منگنی کسی سے شادی کسی سے ،لڑکی نے منگیتر کو سبق سکھا دیا لڑکی نے بے وفائی پر حملہ کر کے منگیتر، اُس کی بیوی اور والدہ کو زخمی کردیا-مرکز میں نیاپاکستان بناہے،اقتصادی طورپرملک کی صورتحال ابتر ہے، آفتاب شیرپاؤ حکومت کی 100دن کی کارکردگی نظرنہیں آرہی،خیبر پشتوخوا اور بلوچستان میں لا پتہ افراد کا مسئلہ ... مزید-بیرون ممالک پاکستان کا موجودہ حکومت پر اعتماد کا اظہار جولائی سے نومبر کے درمیان بیرون ممالک سے 9 ارب ڈالرز سے زائد ترسیلات زر بھیج دیں-بدعنوان عناصر کیخلاف بلاتفریق کارروائی کی جانی چاہئے ، علی امین خان گنڈا پور اپوزیشن احتساب سے بچنے کیلئے حکومت پر بلاوجہ تنقید کر رہی ہے،پی ٹی آئی کسی بدعنوان کو معاف ... مزید-سپیکر قومی اسمبلی کا راجہ ریاض کی جانب سے (ن) لیگ کی قیادت کیخلاف نازیبا الفاظ کے استعمال پر انتباہ جاری آئندہ اس طرح کے الفاظ استعمال کئے تو ان کے خلاف کارروائی کی جائے ... مزید-نوجوان قوم کا قیمتی سر مایہ ہیں انہوں نے ہی مستقبل میں ملک کی باگ ڈور سنبھالنی ہے،ڈپٹی سپیکر قومی اسمبلی حکومت بلوچستان میں نئے تعلیمی ادارے خصوصا ٹیکنیکل تعلیم ادارے ... مزید-کسی کا نام ناجائز طور پر ای سی ایل میں ڈالنا اور پرامن احتجاج سے روکنا درست اقدام نہیں ہے ،ْشیریں مزاری-آرمی چیف سے چین کے نائب وزیرخارجہ کی ملاقات علاقائی سیکیورٹی صورتحال ،باہمی دلچسپی کے امور اور دوطرفہ تعاون بڑھانے پر بات چیت-پاکستان اور بھارت کے درمیان مذاکرات کے علاوہ امن کا کوئی دوسرا راستہ نہیں‘ شاہ محمود قریشی پاکستان افغانستان میں پائیدار امن کا خواہاں ہے‘ خطے کے دیگر ممالک کے ساتھ ... مزید

GB News

گرینڈ اپوزیشن الائنس کا انتخابات میں دھاندلی کیخلاف الیکشن کمیشن کے باہر احتجاجی مظاہرہ

Share Button

اسلام آباد (آئی این پی)گرینڈ اپوزیشن الائنس نے انتخابات میں دھاندلی کے خلاف الیکشن کمیشن کے باہر زبردست احتجاجی مظاہرہ کرتے ہوئے الیکشن کمیشن سے مستعفی ہونے کا مطالبہ کر دیا ، مظاہرے سے خطاب کر تے ہوئے اپوزیشن رہنمائوں نے کہا کہ جمہوریت پر شب خون کسی قیمت پر برداشت نہیں کیا جا سکتا،جو ادارے عوام کے حق کے ساتھ مذاق کر رہے ہیں ان کو وارننگ دیتے ہیں کہ عوام اپنا حق چھیننا جانتے ہیں، ہم ان جعلی قوتوں کی پشت پناہی کا اختیار آپ کو نہیں دے سکتے، ہمیں آپ مجبور کررہے ہیں کہ ہم اداروں کے مقابلے میں آ جائیں، اداروں کو ان رویوں سے دستبردار ہونا ہو گا، ہم کٹھ پتلی وزیراعظم کو کسی صورت نہیں مانتے، عمران خان کی حکومت نہیں چلنے دیں گے،کچھ تو چوری ہے جس کی پردہ داری ہے، ہم دھاندلی کی قیادت کو بے نقاب کریں گے،الیکشن کے نام پر جو ناٹک رچایا گیا ہم اسے زمین بوس کریں گے۔ ان خیالات کا اظہار مولانا فضل الرحمان ، محمود خان اچکزئی ، احسن اقبال ، قمرزمان کائرہ، میاں افتخار حسین ، آفتاب شیرپائو، جاوید ہاشمی ،اور مولانا امیر زمان نے مظاہرے سے خطاب کرتے ہوئے کیا ۔تفصیلات کے مطابق بدھ کو الیکشن کمیشن کے باہر گرینڈ اپوزیشن الائنس کی جانب سے انتخابات میں مبینہ دھاندلی کے خلاف زبردست احتجاجی مظاہرہ کیا گیا،مظاہرے سے خطاب کرتے ہوئے جمعیت علماء اسلام (ف) کے رہنما مولانا امیر زمان نے کہا کہ الیکشن کمیشن نے فراڈ کیا ہے، دوبارہ شفاف انتخابات کروائے جائیں، یہ ڈھونگ اور فراڈ ہمیں نامنظور ہے، الیکشن کمیشن مستعفی ہو جائے، ہم عمران خان کی حکومت نہیں چلنے دیں گے۔ قومی وطن پارٹی کے سربراہ آفتاب احمد خان شیرپائو نے کہا کہ اسمبلی میں بھی احتجاج ہو گا اور یہ سلسلہ چلتا رہے گا،عوام کامیاب ہوں گے اور جنہوں نے دھاندلی کی وہ ناکام ہوں گے۔ مسلم لیگ (ن) کے سینئر رہنما جاوید ہاشمی نے کہا کہ عمران خان ایک مہرہ ہے، نہ وہ اپنے گورنر لگا سکتا ہے اور نہ ہی وزیراعلیٰ، یہ ہنگ پارلیمنٹ نہیں ہے۔ عوامی نیشنل پارٹی کے مرکزی رہنما میاں افتخار حسین نے کہا کہ الیکشن کمیشن نے ایک اجلاس بلایا تھا جس میں ہم نے کہا تھا کہ فوج کی نگرانی میں الیکشن نہیں ہونے چاہئیں، اگر ان کی نگرانی میں کرانے ہیں تو انہیں پولنگ بوتھ کے باہر تعینات کیا جائے لیکن انہیں پولنگ اسٹیشن کے باہر اور اندر بھی تعینات کیا گیا، ہم اس الیکشن کمیشن کو نہیں مانتے اور نگران حکومت کی مذمت کرتے ہیں، انہوں نے کہا کہ ہم کٹھ پتلی وزیراعظم کو کسی صورت نہیں مانتے، الیکشن کمیشن کے کردار کی مذمت کرتے ہیں اور اس سے مستعفی ہونے کا مطالبہ کرتے ہیں، ملک میں نئے انتخابات کرائے جائیں، ملک کی خاطر ہم سڑکوں پر نکلیں گے، ہم پشاور سے رکاوٹیں ہٹا کر یہاں تک آئے ہیں۔ پاکستان پیپلز پارٹی کے مرکزی رہنما قمر زمان کائرہ نے کہا کہ آج ہماری تحریک کا آغاز ہے، الیکشن سے پہلے بھی سیاسی جماعتیں اپنے تحفظات کا اظہار کر رہی تھیں، 25جولائی کو عوام کا مینڈیٹ چھینا گیا، سب نے الیکشن مسترد کئے،تحریک انصاف کے ہارے ہوئے امیدوار بھی الیکشن کو جعلی قرار دے رہے ہیں، تاریخ کی بدترین دھاندلی ہوئی ہے، ہمیں یہ جعلی الیکشن نامنظور ہے۔ مسلم لیگ (ن) کے سینئر رہنما احسن اقبال نے کہا کہ 25جولائی کو عوام کے حق حکمرانی پر ڈاکہ ڈالا گیا، ہم کسی کو اجازت نہیں دیں گے کہ وہ عوام کے حق پر ڈاکہ ڈالے، وہ عمران جو کل تک کہتا تھا کہ میں دوبارہ ووٹوں کی گنتی کرائوں گا،اب اپنے حلقے میں دوبارہ گنتی کی مخالفت کررہا ہے کچھ تو چوری ہے جس کی پردہ داری ہے، ہم دھاندلی کی قیادت کو بے نقاب کریں گے،الیکشن کے نام پر جو ناٹک رچایا گیا ہم اسے زمین بوس کریں گے، ہمارے قائد اور اس کی بیٹی کو جیل میں بند کیا گیا،(ن) لیگ انتقامی سیاست کو مسترد کرتی ہے، پختونخوا ملی عوامی پارٹی کے سربراہ محمود خان اچکزئی نے کہا کہ پاکستان ایک رضاکارانہ فیڈریشن ہے، یہاں کوئی کسی کا غلام نہیں،ہم آئین کو بچانے کیلئے جمع ہوئے ہیں، یہاں بیس کروڑ عوام راج کرے گی، نواز شریف اور اس کی بہادر بیٹی جمہوریت کا نشان ہیں، ہم نے ترکی کی طرز پر سڑکوں پر آنا ہے۔ متحدہ مجلس عمل کے سربراہ مولانا فضل الرحمان نے کہا کہ جمہوریت پر شب خون کسی قیمت پر برداشت نہیں کیا جا سکتا،ہماری زندگیاں جمہوریت کے استحکام کیلئے صرف ہوئی ہیں، ہم عوام کی قربانیوں کو ضائع نہیں ہونے دیں گے، اور جو ادارے عوام کے حق کے ساتھ مذاق کر رہے ہیں ان کو وارننگ دیتے ہیں کہ عوام اپنا حق چھیننا جانتے ہیں، آج پورے ملک کی شاہرائوں پر عوام کھڑے ہیں، پورا ملک بلاک ہے، عوام دنیا، عدلیہ اور اسٹیبلشمنٹ کو پیغام دینا چاہتے ہیں کہ جو ملی بھگت سے نتائج آئے ہیں انہیں مسترد کرتے ہیں،پوری قوم الیکشن کمیشن کو اپنا کمیشن تسلیم نہیں کرتی، اسٹیبلشمنٹ ایک غیر جانبدار ادارے کی حیثیت کھو بیٹھا ہے۔ انہوں نے کہا کہ ہم نواز شریف کو ایک پیغام دینا چاہتے ہیں کہ آپ جیل میں ہیں لیکن ہم آپ کی کمی باہر محسوس نہیں ہونے دیں گے، جعلی وزیراعظم نہیں مانا جائے گا،اداروں پر واضح کرنا چاہتا ہوں کہ آپ نے نااہل انسان کو ملک کی اکثریت جعلی بنیاد پر دے کر خود کو بے نقاب کردیا ہے ہم آپ کی یہ خواہش پوری نہیں ہونے دیں گے ، میں آج اعلان کرتا ہوں کہ ہم چودہ اگست کو جدوجہد آزادی کے طور پر منائیں گے، ہم ان جعلی قوتوں کی پشت پناہی کا اختیار آپ کو نہیں دے سکتے، ہمیں آپ مجبور کررہے ہیں کہ ہم اداروں کے مقابلے میں آ جائیں، اداروں کو ان رویوں سے دستبردار ہونا ہو گا۔

Facebook Comments
Share Button