GB News

دریائے سندھ میں 3 نوجوان ڈوب کر جاں بحق

Share Button

دریائے سندھ میں اٹک کے مقام پر سیر کیلئے آئے  3 نوجوان ڈوب گئے، ملاحوں نے لاشیں نکال کر اسپتال منتقل کردیں۔

خیبرپختونخوا سے 19 سالہ وقار اٹک میں دوستوں کے ساتھ دریائے سندھ پر پکنک منانے آیا تھا، دریا میں چھلانگ لگائی تو خود کو سنبھال نہ پایا، گہرا پانی اور بے رحم لہروں میں پھنس گیا۔

وقار مدد کیلئے پکارتا رہا، پاس کشتیاں بھی کھڑی تھیں، ایسے میں ایک ملاح نے اسے بچانے کیلئے دریا میں چھلانگ لگائی لیکن وہ بھی ناکام رہا۔

اٹک کے 2 مزید نوجوان بھی دریائے سندھ کی موجوں میں ڈوب کر جاں بحق ہوئے، تینوں کی لاشیں نکال کر ڈی ایچ کیو اسپتال منتقل کردی گئیں۔

دفعہ 144 کے نفاذ کے باوجود نوجوانوں کی تفریح کیلئے قانون شکنی پر پولیس بھی پریشان ہے، کہتی ہے ہزاروں نوجوان آتے ہیں کس کس کو روکیں۔ واقعے کے بعد پولیس کی جانب سے دریا کے گرد مزید نفری بڑھا دی گئی ہے۔

Facebook Comments
Share Button