تازہ ترین

Marquee xml rss feed

شیریں مزاری نے ایران میں سیاہ برقع کیوں پہنا؟ ایران میں خواتین کا سر کو ڈھانپ کر رکھنا سرکاری طور پر لازمی ہے، اس قانون کا اطلاق زوار، سیاح مسافر خواتین، غیر ملکی وفود ... مزید-وفاقی وزیر برائے تعلیم کا پاکستان نیوی کیڈٹ کالج اورماڑہ اور پی این ایس درمان جاہ کا دورہ-پاکستانی لڑکیوں سے کئی ممالک میں جس فروشی کروائے جانے کا انکشاف لڑکیوں کو نوکری کا لالچ دیکر مشرق وسطیٰ لے جا کر ان سے جسم فروشی کرائی جاتی ہے، اہل خانہ کی جانب سے دوبارہ ... مزید-جدید بسیں اب پاکستان میں ہی تیار کی جائیں گی، معاہدہ طے پا گیا چینی کمپنی پاکستان میں لگژری بسوں اور ٹرکوں کا پلانٹ تعمیر کرے گی، 5 ہزار نوکریوں کے مواقع پیدا ہوں گے-وفاقی وزارتِ مذہبی امور نے ملک میں ایک ساتھ رمضان کے آغاز کے لیے صوبوں سے قانونی حمایت مانگ لی ملک بھر میں ایک ہی دن رمضان کے آغاز کے لیے وزارتِ مذہبی امور نے صوبائی اسمبلیوں ... مزید-جہانگیر ترین یا شاہ محمود قریشی، کس کے گروپ کا حصہ ہیں؟ وزیراعلی پنجاب نے بتا دیا میں صرف وزیراعظم عمران خان کی ٹیم کا حصہ ہوں، کسی گروپنگ سے کوئی تعلق نہیں: عثمان بزدار-اسلام آباد میں طوفانی بارش نے تباہی مچا دی جڑواں شہروں راولپنڈی، اسلام آباد میں جمعرات کی شب ہونے والی طوفانی بارش کے باعث درخت جڑوں سے اکھڑ گئے، متعدد گاڑیوں، میٹرو ... مزید-گورنر پنجاب چوہدری سرور کی جانب سے اراکین اسمبلی،وزراء اور راہنماؤں کے لیے دیے جانے والے اعشائیے میں جہانگیرترین کو مدعونہ کیا گیا 185میں سے صرف 125اراکین اسمبلی شریک ہوئے،پرویز ... مزید-بھارت کی جوہری ہتھیاروں میں جدیدیت اور اضافے سے خطے کا استحکام کو خطرات لاحق ہیں،ڈاکٹر شیریں مزاری جنوبی ایشیاء میں ہتھیاروں کی دوڑ سے بچنے کیلئے پاکستان کی جانب سے ... مزید-وزیراعلیٰ خیبرپختونخوا نے ضلع کرم میں میڈیکل کالج کے قیام اور ڈسٹرکٹ ہیڈکوارٹر ہسپتال کی اپ گریڈیشن کا اعلان کردیا ضلع کرم میں صحت اور تعلیم کے اداروں کو ترجیحی بنیادوں ... مزید

GB News

وزیراعظم کی لیپ ٹاپ سمیت تمام اسکیمیں ختم کرنے کا فیصلہ

Share Button

اسلام آباد(آن لائن) وفاقی کابینہ نے وفاقی وزارتوں اور ڈویژنز کے تمام صوابدیدی فنڈز ختم کرنے کی بھی منظوری دی، بیرون ملک سے رقوم واپس لانے کیلئے ٹاسک فورس قائم کردی گئی،وزیراعظم کی لیپ ٹاپ سمیت تمام اسکیمیں ختم کرنے کا فیصلہ کرلیا گیا ،بینظیر اِنکم سپورٹ پروگرام جاری رکھا جائے گا، وزیراعظم نے اسکولوں میں جسمانی سزائوں پر پابندی کی بھی منظوری دے دی ،مدارس سمیت تمام اسکولوں میں یکساں نصاب رائج ہوگا جبکہ نجی اسکولوں کی فیسوں کو بھی مناسب سطح پر لایا جائے گا۔تفصیلات کے مطابق وزیراعظم عمران خان کی زیرِ صدارت وفاقی کابینہ کا اجلاس بدھ کو وزیراعظم ہائوس میں ہوا، جس کے دوران 8 نکاتی ایجنڈا زیرِ غور آیا۔اجلاس کے دوران وفاقی وزارتوں اور ڈویژنز کے تمام صوابدیدی فنڈز ختم کرنے کی بھی منظوری دی۔بیرون ملک سے رقوم واپس لانے کیلئے ٹاسک فورس قائم کردی گئی،وزیراعظم کی لیپ ٹاپ سمیت تمام اسکیمیں ختم کرنے کا فیصلہ کیا لیا گیا ،بینظیر اِنکم سپورٹ پروگرام جاری رکھا جائیگا،وزیراعظم نے اسکولوں میں جسمانی سزائوں پر پابندی کی بھی منظوری دے دی ،مدارس سمیت تمام اسکولوں میں یکساں نصاب رائج ہوگا جبکہ نجی اسکولوں کی فیسوں کو بھی مناسب سطح پر لایا جائے گا۔ کسی بھی سرکاری ملازم کو نوکری سے برطرف نہیں کیا جائے گا۔ سرکاری ملازم کو ڈسپلن کی خلاف ورزی پر بھی برطرف نہیں کیا جاسکے گا۔ اجلاس کے بعد پریس کانفرنس کرتے ہوئے وفاقی وزیر اطلاعات و نشریات فواد چوہدری نے بتایا کہ وفاقی کابینہ نے بیرون ملک سے رقوم واپس لانے کا فیصلہ کر لیا ہے اور اس حوالے سے ٹاسک فورس کے قیام کے لیے وزیراعظم ہائوس میں ایک یونٹ قائم کردیا گیا ہے۔ جبکہ رقوم کی واپسی کے لیے قانون سازی بھی کی جائے گی۔فواد چوہدری نے کہا کہ بیرون ملک غیر قانونی جائیداد کی نشاندہی کرنے والے کو 20 فیصد حصہ دیا جائے گا۔اس موقع پر مشیر بیرسٹر شہزاد اکبر نے کہا کہ بیرون ملک موجود رقم کی معلومات فراہم کرنے والے کا نام صیغہ راز میں رکھا جائے گا۔وزیر اطلاعات نے بتایا کہ تعلیم کے شعبے میں بہتری کے لیے بھی وفاقی وزیر تعلیم شفقت محمود کی سربراہی میں ایک ٹاسک فورس قائم کی گئی ہے۔انہوں نے بتایا کہ مدارس سمیت تمام اسکولوں میں یکساں نصاب رائج ہوگا جبکہ نجی اسکولوں کی فیسوں کو بھی مناسب سطح پر لایا جائے گا۔فواد چوہدری نے بتایا کہ نصاب کے لیے صوبوں کو شراکت داری دی گئی ہے اور صوبوں کو نجی اسکولوں کی فیسیں اسٹریم لائن کرنے کو کہا جائے گا۔انہوں نے مزید بتایا کہ وزیراعظم نے اسکولوں میں جسمانی سزائوں پر پابندی کی بھی منظوری دے دی ہے۔وزیر اطلاعات فواد چوہدری نے بتایا کہ کابینہ کے 80 ارب روپے کے صوابدیدی فنڈز تھے، جوواپس کردیئے گئے ہیں۔انہوں نے بتایا کہ 80 ارب روپے کے فنڈز پارلیمنٹ کے پاس واپس چلے گئے ہیں۔انہوں نے کہا کہ وفاقی کابینہ نے بچوں سے زیادتی اور جبری مشقت پر پابندی کے اقدامات کی بھی منظوری دی ہے، جبکہ اسٹریٹ چلڈرن اور خواتین کے لیے سینٹر بنائے جائیں گے۔ انہوں نے بتایا کہ اسٹریٹ چلڈرنز کے لیے ملک بھر میں یتیم خانے بھی قائم کیے جائیں گے۔ساتھ ہی انہوں نے بتایا کہ اوور سیز پاکستانیوں کے ساتھ رویے کو بہتر بنانے کے لیے بھی اقدامات کیے جائیں گے۔فواد چوہدری نے کہا کہ سابق وزیراعظم کی لیپ ٹاپ سمیت تمام اسکیمیں ختم کرنے کا فیصلہ کیا گیا ہے تاہم بینظیر اِنکم سپورٹ پروگرام ختم نہیں کررہے۔انہوں نے بتایاکہ وزیراعظم آفس میں احتساب کا خصوصی سیل بنادیا گیا ہے، ملکی دولت لوٹ کر باہر منتقل کرنے والے 100 بڑے ناموں کی فہرست تیار کرلی، ان کے خلاف اعلی سطح پر تحقیقات کے لیے ایک بڑی احتساب کمیٹی بنادی جس میں نیب، ایف آئی اے اور انٹیلی جنس اداروں کے حکام بھی شامل ہیں۔وزیر اطلاعات کا کہنا تھاکہ کمیٹی تمام شواہد اکٹھا 100 ناموں کو جلد منظر عام پر لائے گی، کمیٹی تین ماہ میں ٹھوس شواہد کے ساتھ نیب کو کیسز بھجوائے گی۔صحافی نے سوال کیا کہ سو ناموں میں کون کون ہے؟ کیا زرداری صاحب کانام تو نہیں ڈال دیا؟ اس پر فواد چوہدری نے کہا کہ بڑے مگر مچھوں کے نام آپ اچھی طرح جانتے ہیں، فہرست سامنے آئی تو پتہ چل جائیگا، پوری قوم کو پتہ چلے گا قومی دولت کس نے لوٹی۔وزیر اطلاعات نے کہا کہ پاکستان کے تقریبا 3 ہزار شہری ایران میں قید ہے جنہیں سزائے موت سنائی گئی ہے، تاہم پاکستان کے نقطہ نظر سے یہ خوش آئند بات نے ایران نے حال ہی میں اپنے انسداد منشیات کے قانون میں ترمیم کی ہے جس میں سزائوں میں نرمی کی گئی ہے، جس سے سزائے موت کے کئی پاکستانی قیدیوں کو اس سے ریلیف ملے گا۔انہوں نے کہا کہ اس سلسلے میں حال ہی میں پاکستان کا دورہ کرنے والے ایران کے وزیر خارجہ سے بھی تفصیلی بات ہوئی ہے اور اب پاکستانی سفارتخانہ، ایران کے پراسیکیوٹر جنرل سے اس حوالے سے رابطے میں ہے۔۔فواد چوہدری کا کہنا تھا کہ اسلامی ریاست کا فرض ہے کہ وہ اقلیتوں کا حقوق کا تحفظ کرے اور انہیں ساتھ لے کر چلے۔انہوں نے کہا کہ پاکستان اسلامی جمہوریہ ہے، ہم نے جس بنیاد پر آزادی حاصل کی کیا اس بنیاد کو رد کر دیں، نبی ۖ بھی اقلیتوں کے تحفظ کا درس دیا، ہم مدینہ کی ریاست کی بات کرتے ہیں جہاں اسلام کا مطلب سلامتی، امن اور سب کو ساتھ لے کر چلنا ہے۔

Facebook Comments
Share Button