تازہ ترین

GB News

کچورا پل پر 15ٹن وزن گزارنا قبول نہیں، ٹرک مالکان کی ہڑتال

Share Button

سکردو کچورا پل پر ٹرکوں پر زیادہ وزن لے جانے پر پابندی عائد کرنے کے خلاف ٹرک مالکان نے ہڑتال کر دی ۔ ہڑتال پانچویں روز میں داخل ہو گئی سکر دو جانے کے منتظر سامان سے لدے ڈیڑھ سو ٹرک جگلوٹ میں کھڑے ہیں انتظامیہ نے کسی قسم کا کوئی نوٹس نہیں لیا ہے ۔ ٹرک یونین گلگت بلتستان کے جنرل سیکریٹری سلام الدین نے کے پی این سے گفتگو کرتے ہوئے کہا ہے کہ ایس ایس کچورا پل پر پہلے ٹرکوں میں 18 ٹن وزن گزارنے کی اجازت تھی جو کہ گزشتہ پندرہ سالوں سے روٹین تھاجبکہ گزشتہ پانچ ماہ سے ٹرکوں میں15 ٹن وزن لے جانے کی اجازت ہے۔جس کی وجہ سے تمام ٹرک حکام کو بہت زیادہ تکالیف کا سامنا ہے صرف تین ٹن وزن کی وجہ سے دو سے تین دن پل کے پاس گزارنا پڑ رہا ہے انہوں نے ٹرک یونین کی طرف سے مطالبہ کیا ہے کہ کچورا پل سے ٹرکوں پر سترہ ٹن وزن گزارنے کی منظوری دی جائے تاکہ ٹرک حکام کو در پیش مسائل سے نجات مل سکے ۔

Facebook Comments
Share Button