تازہ ترین

Marquee xml rss feed

نعیم الحق نے شہباز شریف کے پروڈکشن آرڈر ضبط کرنے کی دھمکی دے دی شہباز شریف اور اس کے چمچوں کی اتنی جرات کہ وہ قومی اسمبلی میں وزیر اعظم پر ذاتی حملے کریں۔کیا وہ جیل میں ... مزید-وزیراعظم کا سانحہ ساہیول پر وزراء متضاد بیانات پر سخت برہمی کا اظہار آئندہ بغیر تیاری میڈیا پر بیان بازی نہ کی جائے انسانی زندگیوں کا معاملہ ہے کسی قسم کی معافی کی گنجائش ... مزید-5 ارب روپے قرض حسنہ کیلئے مختص کرنا خوش آئند ہے، فنانس بل میں غریب آدمی کو صبر کا پیغام دیا گیا ہے امیر جماعت اسلامی سینیٹر سراج الحق کی پارلیمنٹ ہائوس کے باہر میڈیا ... مزید-فنانس بل سے متوسط طبقہ کو ریلیف ملا ہے، عوام کا پیسہ عوام پر خرچ ہو گا، اپوزیشن کے پاس بات کرنے کو کچھ نہیں وفاقی وزیر آبی وسائل فیصل واوڈا کی پارلیمنٹ ہائوس کے باہر میڈیا ... مزید-صوبائی اسمبلی کے حلقہ پی ایس94 کے ضمنی الیکشن کے موقع پر سیکورٹی کو غیرمعمولی بنایا جائے، آئی جی سندھ-وزیر خزانہ اسد عمر کی طرف سے قومی اسمبلی میں پیش کردہ ضمنی مالیاتی (دوسری ترمیم) بل 2019 کا مکمل متن-جنوری کو ہونے والے ضمنی انتخابات کراچی کی سیاست میں نئی راہیں متعین کرے گا،مصطفی کمال پی ایس پی کسی فرد یا گروہ کا نام نہیں ہے بلکہ ایک تحریک کا نام ہے جو مظلوم و محکوموں ... مزید-ملک کا اقتصادی مستقبل کراچی کی معاشی ترقی میں مضمر ہے۔گورنر سندھ-سی پیک پاکستان اور چین کے مابین تعلقات کو مزید گہرا کرنے کے لئے مستحکم بنیاد، خطے کو منسلک کرنے میں اہم کردارادا کر رہا ہے، سی پیک تمام خطے میں امن و استحکام لانے میں ... مزید-احتساب عدالت اسلام آباد میں اسحاق ڈار کیخلاف آمدن سے زائد اثاثوں کے مقدمے میں دو مزید گواہوں کے بیانات ریکارڈ

GB News

ہم ایک مستحکم انداز میں ترقی کرنے والا پاکستان دیکھنا پسند کرتے ہیں، چینی وزیر اعظم

Share Button

بیجنگ (آئی این پی ) چینی وزیر اعظم لی کی چیانگ نے کہا ہے کہ پاکستان کو اپنی صلاحیت کے مطابق ا مداد فراہم کریں گے،چین پاکستان سے عمدہ اشیا کی درآمدات کو فروغ دے گا ، ہم ایک مستحکم انداز میں ترقی کرنے والا پاکستان دیکھنا پسند کرتے ہیں ، سی پیک کی تعمیر اور چینی اداروں اور شخصیات کے تحفظ کے لیے پاکستان کی کوششوں کو خراج تحسین پیش کر تے ہیں جبکہ وزیر اعظم عمران خان نے کہا کہ پاک چین تعلقات مسلسل گہرے اور مستحکم ہو رہے ہیں، سی پیک کو جامع انداز میں فروغ دیا جارہا ہے، پاکستان سی پیک کو ترقی کا اہم موقع سمجھتا ہے ، سی پیک کے منصوبوں، چینی اداروں اور شخصیات کی سیکورٹی کا تحفظ کرے گا،پاکستان ہمیشہ چین کا قابل اعتماد دوست رہے گا، پاکستان چین کے ترقیاتی تجربات سے استفادہ کرنا چاہتا ہے۔ چائنہ ریڈ یو انٹرنیشنل کے مطابق چین کے وزیر اعظم لی کی چیانگ نے بیجنگ کے عظیم عوامی ہال میں چین کے سرکاری دورے پرآئے ہوئے پاکستانی وزیر اعظم عمران خان سے ملاقات کی۔ اس موقع پر چینی وزیر اعظم لی کی چیانگ نے کہا کہ چین ہمیشہ سے پاکستان کو اولین سفارتی اسٹریٹجک ترجیح قرار دیتا ہے۔حالیہ برسوں میں چین اور پاکستان کے مابین دی بیلٹ اینڈ روڈ کے حوالے سے تعاون میں نمایاں پیش رفت ہوئی۔چین پاکستان کے ساتھ مل کر چین -پاک اقتصادی راہ داری کو واضح اورصاف شفاف انداز میں ترقی دینے کا خواہاں ہے۔ چین سی پیک کی تعمیر اور چینی اداروں اور شخصیات کی سلامتی کے تحفظ کے لیے پاکستان کی کوششوں کو خراج تحسین پیش کرتا ہے ۔چین پاکستان سے عمدہ اشیا کی درآمدات کو فروغ دے گا اور منڈی تک رسائی کو بھی وسعت دینے پر تیار ہے نیز چین پاکستان کے ساتھ مالیات،زراعت اورماہی گیری کے شعبوں میں تعاون کو مضبوط بنائے گا۔انہوں نے کہا کہ ہم ایک مستحکم انداز میں ترقی کرنے والا پاکستان دیکھنا پسند کرتے ہیں اور پاکستان کو اپنی صلاحیت کے مطابق مدد فراہم کریں گے تاکہ علاقائی امن ، استحکام اور خوشحالی کے لیے مشترکہ خدمات سرانجام دی جائیں ۔پاکستانی وزیر اعظم عمران خان نے کہا کہ اس وقت دونوں ممالک کے تعلقات مسلسل گہرے اور مستحکم ہو رہے ہیں ۔ حکومتی اور عوامی سطح کے تعلقات بھی مضبوط ہونے جا رہے ہیں۔سی پیک کو جامع انداز میں فروغ دیا جارہا ہے۔انہوں نے کہا کہ پاکستان سی پیک کو ترقی کا اہم موقع سمجھتا ہے جس سے پاکستانی عوام کی فلاح بہبود اور اقتصادی و سماجی ترقی کو بڑی حد تک فروغ دیا جا رہا ہے۔پاکستان سی پیک کو مستحکم انداز میں ترقی دیتا رہے گا اور سی پیک کے منصوبوں، چینی اداروں اور شخصیات کی سیکورٹی کا تحفظ کرے گا۔پاکستان ہمیشہ چین کا قابل اعتماد دوست رہے گا۔چین نے گزشتہ چالیس برسوں میں نمایاں کامیابیاں حاصل کیں اور پاکستان چین کے ترقیاتی تجربات سے استفادہ کرنا چاہتا ہے۔

Facebook Comments
Share Button