GB News

مولانا سمیع الحق کی شہادت ملک کیلئے بڑا سانحہ ہے،وزیراعلیٰ

Share Button

وزیر اعلی گلگت بلتستان حافظ حفیظ الرحمن نے جامعہ حقانیہ اکوڑہ خٹک میں مولانا سمیع الحق شہید کے بیٹے مولاناحامد الحق اور ان کے لواحقین سے مولانا سمیع الحق شہید کی شہادت پر تعزیت کا اظہار کیا اور ان کی قبر پر فاتحہ خوانی کی اس موقعہ پر وزیر اعلی گلگت بلتستان نے کہا کہ مولانا سمیع الحق کی شہادت ملک و قوم کے لئے بہت بڑا سانحہ ہے ان کی شہادت سے پیدا ہونے والا خلا پر نہیں ہو سکتا ہے مولانا سمیع الحق شہید نے پوری زندگی ملک و قوم کی خدمت اور جمہوریت کے لئے جدو جہد کی اور امن کے لئے بے مثال کردار ادا کیا ، جہاد افغا نستان ہو یا مسلم امہ پر آنے والی کوئی افتاد مولانا نے ہمیشہ صف اول میں رہ کر اسلام اور پاکستان کی نظریاتی سرحدوں کے محافظ کا کردار ادا کیا مولانا سمیع الحق بہت بڑے محب وطن تھے اور دینی اداروں کی صحیح معنوں میں ترجمانی کرتے رہے حافظ حفیظ الرحمن نے کہا کہ سمیع الحق شہید جیسے جید عالم دین اور نامور سیاستدان کی شہادت کو ئی معمولی واقعہ نہیں ہے حکو مت پر لازم ہے کہ قاتلوں کو فوری گرفتار کر کے قرار واقعی سزا دے تاکہ محبان وطن کا جذبہ ماند نہ پڑ جائے ،وزیر اعلی نے اس سانحے کے بعد لواحقین، عقیدت مندوں اور چاہنے والوں کے صبر و استقامت کی تعریف کی کہ کوئی ایک کنکر بھی نہیں پھینکا گیا اور نہ عوام الناس کی زندگی اجیرن کی گئی ایسے ہی جذبے اور صبر کی اس وقت ملک کو ضرورت ہے ۔

Facebook Comments
Share Button