تازہ ترین

Marquee xml rss feed

حکومت اور تحریک لبیک پاکستان میں بیک ڈور رابطے تحریک لبیک کے 322 رہنماؤں اور کارکنان کو رہا کر دیا گیا-سپریم کورٹ کا علیمہ خان کو 29.4 ملین روپے جمع کروانے کا حکم-چیف جسٹس آف پاکستان جسٹس ثاقب نثار کا تھر کا دورہ چیف جسٹس کے دورے کے دوران کئی اہم انکشافات سامنے آ گئے-خواجہ سعد رفیق ریلوے خسارہ کیس کی سماعت کے لیے سپریم کورٹ میں پیشی سابق وزیر ریلوے کو نیب اور پولیس کی تحویل میں عدالت میں لایا گیا-سپریم کورٹ نے پاکپتن اراضی کیس میں جے آئی ٹی تشکیل دے دی تین رکنی جے آئی ٹی کے سربراہ خالد داد لک ہوں گے جب کہ تحقیقاتی ٹیم میں آئی ایس آئی اور آئی بی کا ایک ایک رکن بھی شامل ... مزید-لاہور میں پنجاب اسمبلی کی خالی نشست پی پی 168 پر ضمنی انتخاب‘نون لیگ اور تحریک انصاف میں مقابلہ پولنگ کا آغاز صبح 8 بجے سے 5 بجے تک جاری رہے گی-نواز شریف کے خلاف العزیزیہ ریفرنس کی سماعت‘فیصلہ محفوظ کیے جانے کا امکان نیب پراسیکیوٹر سردار مظفر عباسی جواب الجواب دے رہے ہیں‘حسن، حسین کی پیش دستاویزات کو انڈورس ... مزید-صدر مملکت عارف علوی کی عمرہ کی ادائیگی صدر مملکت کے لیے خانہ کعبہ کا دروازہ بھی کھولا گیا-گوگل پر احمق (Idiot) لکھیں صدر ڈونلڈ ٹرمپ کی تصاویردیکھیں کمپنی نے کانگریس کی کمیٹی کے سامنے پیش ہوکر مبینہ الزام کو مسترد کردیا-آئندہ چوبیس گھنٹوں کے دوران ملک کے شمالی علاقوں میں موسم شدید سرد اور خشک رہے گا، محکمہ موسمیات

GB News

ٹی وی اداکارہ ایمن خان اور اداکار منیب خان کی ‘طویل ترین شادی

Share Button

ٹی وی اداکارہ ایمن خان اور اداکار منیب خان کی ‘طویل ترین شادی’ پر تو ویسے ہی دلچسپ تبصرے جاری تھے لیکن اب دلہن ایمن کے رخصتی کے موقع پر کیے گئے بناؤ سنگھار پر بھی مداحوں کے مذاق اور تبصروں کا تانتا بندھ گیا ہے۔

ایمن خان نے اپنی شادی کی ہر تقریب میں ہی بھاری کامدار ملبوسات کا انتخاب کیا، جس کے ساتھ میک اپ اور جیولری کا بھی بطور خاص اہتمام کیا گیا تھا۔

مداحوں کو برائیڈل شاور، رسم ابٹن، رسم حنا، نکاح اور پارٹی کے بعد انتظار تھا تو اداکارہ کی رخصتی کا، لیکن بظاہر ایسا معلوم ہوتا ہے کہ ایمن خان رخصتی کی دُلہن بن کر مداحوں کو متاثر کرنے میں ناکام رہیں۔

ایمن خان نے شادی کی اب تک کی ہر تقریب کی طرح رخصتی میں بھی ڈیزائنر ارم خان کا ڈیزائن کردہ لباس زیب تن کیا جو کہ دیگر ایونٹس کی نسبت زیادہ بھاری اور کامدار تھا۔

اداکارہ نے میک اپ کے لیے میک اپ آرٹسٹ عمر وقار کا انتخاب کیا، جنہوں نے ایمن کا گلیمرس اور اسموکی میک اپ کیا جب کہ ایمن خان کی بہن و اداکارہ منال خان کو بھی عمر وقار نے ہی تیار کیا تھا۔

ایمن کی رخصتی کی تصاویر سوشل میڈیا پر شیئر ہونے کے بعد مداحوں نے مایوسی کا اظہار کیا اور اپنے اپنے انداز میں تبصرے کیے۔

ایک ٹوئٹر صارف نے انہیں ’دپیکا کی ریپلیکا’ قرار دے ڈالا۔

انسٹاگرام پر مداحوں نے تبصرے کرتے ہوئے کہا کہ عمر وقار نے دونوں بہنوں کو بالکل بھی اچھا تیار نہیں کیا۔

خاص کر ایمن خان کے ہیئر اسٹائل پر شدید تنقید کی گئی۔

غلام فاطمہ نامی ایک صارف نے لکھا کہ ایمن کا لباس زبردست ہے لیکن ان کے ہیئر اسٹائل نے انہیں تباہ کردیا ہے۔

آمنہ شیخ نے اسٹائلسٹ عمر وقار کو تنقید کا نشانہ بنایا اور لکھا کہ ’خوبصورت لوگوں کو بدصورت بنادیا ہے‘۔

جبکہ عاشی نامی صارف نے لکھا کہ ‘بالوں کے ساتھ زیادتی کردی عمر وقار نے۔

دوسری جانب سوشل میڈیا پر ایمن خان کے میک اپ، ہیئر اسٹائل اور عروسی لباس پر  مزاحیہ میمز بھی بنائی جارہی ہیں۔

کسی نے ایمن کی تصویر شیئر کرتے ہوئے لکھا کہ ‘اگر جملے ‘کھینچ کے رکھو ان کو’ کا کوئی چہرہ ہوتا ہے تو وہ ایسا ہوتا۔ ‘

کسی نے لکھا ، ‘جب پروفیشنل میک اوور کے بعد آپ اپنے آپ کو آئینے میں دیکھو اور سوچو کہ یہ کیا کردیا، میرا پیسہ ڈوب گیا لیکن پھر خیال آئے کہ چلو ڈریس تو اچھا ہے نا۔’

تاہم بہت سے لوگوں کو ایمن خان اپنی رخصتی کے موقع پر پسند بھی آئیں اور انہوں نے اس کا اظہار بھی کیا۔

Facebook Comments
Share Button