تازہ ترین

Marquee xml rss feed

GB News

آرڈرکسی بھی صورت منظور نہیں ،کشمیرطرز کاسیٹ اپ دے دیں،کیپٹن(ر)محمدشفیع

Share Button

گلگت(پ ر)گلگت بلتستان اسمبلی کے اپوزیشن لیڈرکیپٹن(ر)محمدشفیع خان نے کہا کہ آرڈرکسی بھی صورت ہمیں منظور نہیں ہے اگر حکومت پاکستان گلگت بلتستان کوصوبہ بنانے کی پوزیشن میں نہیں ہے تو گلگت بلتستان کی متنازعہ حیثیت کوواضح کرکے ہمیں کشمیرطرز کاسیٹ اپ دے دیںاورقومی وبین الاقوامین سطح پرہمیں کشمیرڈائیلاگ میں شامل کیاجائے آرڈرپرآرڈرہمیںکسی صورت قبول نہیں ہے ہمیں حقوق کے حوالے سے مزیدبے وقوف بنانے کی ضرورت نہیںہے ان خیالات کااظہارانہوں نے اپنے ایک اخباری بیان میںکیا ہے۔انہوں نے مزید کہا کہ ہمارے آباواجدادنے گلگت بلتستان کواپنی مددآپ کے تحت آزادکراکراس لئے پاکستان کے ساتھ غیرمشروط الحاق نہیں کیاہے کہ ہمیں سترسالوں تک بنیادی حقوق سے محروم رکھاجائے۔ہم نے خودآزادی حاصل کرکے الحاق کیاتھا تو ہمیں آرڈروں کے ذریعے کس آئین وقانون کے تحت چلایاجارہا ہے۔گلگت بلتستان کے ہرشہری کاسترسالوں سے یہ مطالبہ رہا ہے کہ حکومت پاکستان ہماری آئینی حیثیت واضح کرے لیکن وفاق نے آج تک اس مطالبے کامثبت جواب نہیں دیا۔گلگت بلتستان کواسی طرح مزیدنظرانداز کیاگیا تویہاں کے عوام اس بات پرمجبور ہوں گے اورحکومت پاکستان سے سوال کریں گے کہ وہ اپنی آئینی حیثیت گلگت بلتستان میںواضح کرے۔کس آئین اورقانون کے تحت وفاق کے آئینی ادارے گلگت بلتستان میں واضح کرے۔کس آئین اورکس قانو ن کے تحت وفاق کے آئینی ادارے گلگت بلتستان میں کام کررہے ہیں بہتر ہے کہ ایسے حالات پیداہونے سے قبل وفاق پاکستان گلگت بلتستان کے عوام کوان کے جائزحقوق فراہم کرے۔انہوں نے واضح کہاکہ اب ہمیں حقوق کی جدوجہد سے روکانہیں جاسکتا ہے ابھی نوجوان نسل باشعورہوچکی ہے ہم ان کوکیاجواب دیں ۔انہوں نے کہا کہ مزید کوئی آرڈرنافذ کیاگیا تو اس کے خلاف سخت احتجاج کیاجائے اوراب عوام فیصلہ کریں گے کہ گلگت بلتستان کو کس طرح چلانا ہے۔

Facebook Comments
Share Button