تازہ ترین

Marquee xml rss feed

GB News

فاق فی الفور موجودہ حالات میں گلگت بلتستان اور آزاد کشمیر کی سیاسی قیادت کو ایک میز پر لائے،اورنگزیب ایڈووکیٹ

Share Button

گلگت (پ ر) وفاق فی الفور موجودہ حالات میں گلگت بلتستان اور آزاد کشمیر کی سیاسی قیادت کو ایک میز پر لائے۔آزاد کشمیر کے کچھ سیاسی قائدین کے غیر ذمہ دارانہ بیانات اور سرتاج عزیز کمیٹی رپورٹ پر وفاق کے آئے روز تبدیل ہونے والے موقف سے گلگت بلتستان کی عوام میں سخت بے چینی پائی جاتی ہے،ان خیالات کا اظہار وزیر قانون اورنگزیب ایڈووکیٹ نے میڈیا سے گفتگو کرتے ہوئے کیا انہوں نے کہا کہ آزاد کشمیر کے چند سیاسی قائدین سرتاج عزیز کمیٹی کی سفارشات کے وفاق کی جانب سے مسترد کئے جانے پہ اپنی کامیابی کے شادیانے بجا رہے ہیں ہیں جوکہ گلگت بلتستان و ریاست پاکستان کے کسی طرح مفاد میں نہیں،انکا مزید کہنا تھا کہ پاکستان اورتنازعہ کشمیر کے دوسرے فریق دشمن ملک بھارت کو پروپیگنڈے کا موقع ملاجوکہ اٹل حقیقت ہے اور اس سے پردہ پوشی نہیں کی جاسکتی ،سپریم کورٹ آف پاکستان میں سماعت گلگت بلتستان کی آئینی حیثیت کے حوالے سے زیر بحث درخواستوں میں وفاق کے آئے روزتبدیل ہونے سے مؤقف میں موجودہ صورتحال کو گھمبیر کردیا ہے،انہوں نے مزید کہا کہ گزشتہ جی بی اسمبلی اجلاس میں کچھ ممبران کی جانب سے موقف اپنایا گیا ہے وہ انکی ذاتی رائے ہو سکتی ہے لیکن گلگت بلتستان کی عوام آئینی حیثیت کا حل سیاسی دلائل ،بات چیت اور تاریخ تنازعہ کشمیر کو سامنے رکھتے ہوئے آئینی حیثیت کا فی الفور تعین کو ضروری سمجھتی ہے اور موجودہ حالات میں جی بی اور کشمیر کی سیاسی قیادت کے مابین پیدا ہونے والی کشیدہ صورتحال کسی بھی صورت ریاست پاکستان اور تنازعہ کشمیر کی بابت عالمی سطح پر اپنائے جانے والے موقف کے حق میں نہیں ،اس صورتحال میں مرکزی حکومت فی الفور جی بی اور کشمیر کی کسی بھی سیاسی قیادت کو ایک ٹیبل پہ لائے اور جی بی کی آئینی حیثیت کے تعین میں مذید تاخیر نہ کی جائے

Facebook Comments
Share Button