تازہ ترین

Marquee xml rss feed

GB News

چیف جسٹس وزیر شکیل کا سروس ٹربیونل کا دورہ، کیسز پر بریفنگ

Share Button

گلگت( پ ر)چیف جسٹس چیف کورٹ جسٹس وزیر شکیل احمد نے چیف کورٹ کے ججز کے ہمراہ گلگت بلتستان سروس ٹریبونل کا دورہ کیا۔ چیئرمین سروس ٹریبونل میر اخلاق حسین نے چیف جسٹس چیف کورٹ اور ججز کا پر تپاک استقبال کیا۔اس موقع پر چیئرمین سروس ٹریبونل میر اخلاق حسین نے سروس ٹریبونل میں زیر سماعت اور نمٹائے مقدمات سمیت ملازمین کو سستے اور فوری انصاف کی فراہمی کیلئے اُٹھائے گئے اقدامات کے حوالے سے چیف جسٹس کو بریفنگ دیتے ہوئے کہا کہ گلگت بلتستان سروس ٹریبونل نے سال 2018 میں ملازمین کی سروس کے بارے میں دائر 346 مقدمات میں سے 229 مقدمات کو نمٹایا ہے جبکہ مذید 117 مقدمات زیر سماعت ہیں۔جس کے لئے سروس ٹریبونل اپنے تمام وسائل بروئے کا ر لاتے ہوئے دن رات کام کر رہا ہے۔تاکہ ملازمین کو میرٹ اور قانون کے مطابق انصاف کی فراہمی کو ہنگامی بنیادوں پر یقینی بنایا جا سکے۔ اس موقع پر چیف جسٹس چیف کورٹ جسٹس وزیر شکیل احمد نے گلگت بلتستان سروس ٹریبونل کی کارکردگی کو سراہتے ہوئے کہا کہ قانون کی حکمرانی اور میرٹ کی بحالی کیلئے قانون کے تحت مقدمات کو نمٹانا ہم سب کی اولین ترجیح ہے۔گلگت بلتستان کے تمام ٹریبونل اور عدالتیں آزاد فیصلوں پر یقین رکھتی ہیں۔ جس کی وجہ سے عوام کا عدالتوں پر مکمل اعتماد ہے۔ اس موقع پر چیئرمین سروس تریبونل میر اخلاق حسین اور ممبر کمال حسین، علی شیر نے چیف جسٹس وزیر شکیل احمد ، جسٹس ملک حق نواز، جسٹس محمد عمر اور جسٹس علی بیگ کو سروس ٹریبونل آمد پر روایتی چوغہ اور ٹوپی پہنا کر خوش آمدید کیا۔

Facebook Comments
Share Button