تازہ ترین

Marquee xml rss feed

GB News

پاکستان کے ساتھ ملکر افغان تنازعے کے حل کیلئے کردار ادا کریں گے، چینی وزارت خارجہ

Share Button

چینی وزارت خارجہ نے کہا ہے کہ چین اور پاکستان سٹریٹجک شراکت داری کے ذریعے افغان تنازعہ کو مذاکرات کے ذریعے حل کرنے میں اپنا کردارادا کریں گے،پاکستان اور چین نے اتفاق کیا ہے کہ ملٹری آپریشنز افغان تنازعہ کو حل کرنے میں مددگار نہیں ہوسکتے ، افغان تنازعہ افغان قیادت میں ہونے والے امن مذاکرات سے ہی حل ہو سکتے ہیں ۔چینی وزارت خارجہ کی ترجمان ہوا چھون اینگ نے بدھ کو معمول کی پریس بریفنگ میں کہا کہ پاکستانی وزیر خارجہ شاہ محمود قریشی نے دورہ چین میں اپنے چینی ہم منصب وانگ ای کے ساتھ باہمی دلچسپی کے امور پر تفصیلی گفتگو کی ۔دونوں رہنمائوں نے افغانستان سے متعلق حالیہ واقعات کے حوالے سے تبادلہ خیال کیا اوربیشتر امور پر اتفاق رائے پایا گیا ۔دونوں ممالک نے اتفاق کیا کہ صرف سیاسی مصالحت ہی عملی اور قابل عمل طریقے سے کوئی حل نکال سکتے ہیں ۔ دونوں ممالک نے مذاکرات میں پاکستان اور چین کے مابین سدا بہار سٹریٹجک تعاون کو مزید فروغ دینے پر اتفاق کیا ۔انہوں نے افغانستان سے امریکی فوج کے انخلاء کے حوالے سے پوچھے جانے والے سوال پر ردعمل دیتے ہوئے کہا کہ امریکہ اپنے تمام اقدامات کے حوالے سے اپنے فیصلے خود کرتا ہے ۔ا فغانستان کے حوالے سے چین کا نقطہ نظر ہمیشہ مستقل رہا ہے ۔ چین نے ہمیشہ افغانستان میں مصالحت اور تعاون کو حاصل کرنے کیلئے تعمیراتی کردارادا کیا ہے ۔ ہم امید کرتے ہیں کہ افغان مصالحتی عمل کو تیز کیا جا سکتا ہے تا کہ افغان عوام امن ، سیکیورٹی اور تعمیر وترقی سے جلد ازجلد فوائد اٹھا سکیں ۔

Facebook Comments
Share Button