تازہ ترین

Marquee xml rss feed

GB News

سیپ اور این ای ایف اساتذہ کیلئے پوسٹوں کی منظوری دیں گے، شفقت محمود

Share Button

وفاقی وزیرتعلیم شفقت محمودنے کہا ہے کہ گلگت بلتستان میں معیاری تعلیم کوفروغ دینے کے لئے صوبائی حکومت سے بھرپورتعاون کریںگے ان خیالات کااظہار انہوں نے صوبائی وزیرتعلیم ابراہیم ثنائی سے گفتگوکرتے ہوئے کیا۔انہوں نے کہا کہ وفاقی حکومت تعلیمی شعبے کی ترقی کے لئے ہنگامی اقدامات اٹھارہی ہے۔صوبائی وزیرتعلیم ابراہیم ثنائی نے گلگت بلتستان کے تعلیمی شعبے کودرپیش مسائل سے آگاہ کیا۔انہوں نے کہا کہ سیپ اساتذہ کومستقل کرنے کے لئے صرف750پوسٹیں منظورہوئیں جوناکافی ہے۔این ای ایف بیسک اساتذہ کی پوسٹوں کی منظوری نہ ملنے سے کئی سال سے خدمات سرانجام دینے والے اساتذہ میں سخت تشویش پائی جاتی ہے وفاقی حکومت محکمہ تعلیم گلگت بلتستان سے تعاون کرتے ہوئے ہماری سفارشات کے مطابق اساتذہ کی پوسٹیں منظورکرے صوبائی وزیرتعلیم نے گلگت بلتستان میں تعلیمی ترقی کے حوالے سے اٹھائے گئے اقدامات سے بھی آگاہ کیاوفاقی وزیرتعلیم شفقت محمود نے یقین دہانی کراتے ہوئے کہا کہ سیپ اساتذہ،این ای ایف اوربیسک اساتذہ کومستقل کرنے کے لئے اقدامات اٹھائیں گے۔صوبائی حکومت سے اس معاملے میں بھرپورتعاون کیاجائے گا۔انہوں نے کہا کہ وفاقی حکومت گلگت بلتستان کی تعمیروترقی میں خصوصی دلچسپی رکھتی ہے ہم تعلیم وصحت پرخصوصی توجہ دیں گے۔

Facebook Comments
Share Button