تازہ ترین

Marquee xml rss feed

GB News

عارضی ملازمین کی مستقلی کا بل تیار

Share Button

گلگت بلتستان میں کنٹریکٹ ملازمین کو مستقل کرنے کے ایکٹ کو مزید غورکیلئے محکمہ قانون کو بجھوادیاگیا، بل کی منظوری کی صورت میں گریڈ ایک سے پندرہ کے عارضی ملازمین کو ایک سال سے خدمات انجام دے رہے ہوں مستقل ہونگے ، گریڈ 16سے 18تک کے وہ عارضی ملازمین جو دوسال سے خدمات انجام دے ہوں مستقل ہونگے،ذرائع کے مطابق ایکٹ کے تحت صرف وہ ملازمین مستقل ہونگے جو تمام قانونی تقاضے پورے کرنے کے بعد بھرتی ہوئے ہوں اور ان کا ٹیسٹ و انٹرویو ہوچکا ہو،کنٹریکٹ ملازمین کی مستقلی کا بل اپوزیشن لیڈر محمد شفیع خان نے یکم جنوری 2019ء کو اسمبلی سیکرٹریٹ میں پیش کیاتھا جسے قانون ساز اسمبلی کے سپیکر فدا محمد ناشاد نے گلگت بلتستان لاء ڈیپارٹمنٹ کو بجھوادیا ہے، بل میں 2013ء کے بعد سے بھرتی ہونے والے کنٹریکٹ ملازمین کو مستقل کرنے کی سفارش کی گئی تھی، بل کو منظوری کیلئے قانون ساز اسمبلی میں پیش کیاجائے گا، اس سے پہلے 2013ء میں پیپلزپارٹی دو ر میں ایک بل لایا گیا تھا جس کے زریعے تمام کنٹریکٹ ملازمین کو بیک وقت مستقل کیاگیاتھا،پانچ سال بعد یہ دوسرا کنٹریکٹ ملازمین کی مستقلی کا بل ہوگا جس کی منظوری کی صورت میں سینکڑوں عارضی ملازمین مستقل ہونگے۔واضح رہے کہ قانون ساز اسمبلی کے گزشتہ سیشن میں کنٹریکٹ ملازمین کے حوالے سے بل کی تمام ممبران نے حمایت کی تھی، امکان ہے کہ اسمبلی اس بل کی منظوری دیگی۔

Facebook Comments
Share Button