تازہ ترین

Marquee xml rss feed

پی ٹی اے نے پرانے موبائلوں کی خرید و فروخت پر ٹیکس لگا دیا پاکستان ٹیلی کمیونیشن اتھارٹی نے تاجروں کو پابند کیا ہے کہ پرانے موبائل بیچنے سے پہلے انہیں اس پر ٹیکس ادا کرنا ... مزید-آئی جی سندھ نے شہری کے پولیس کیساتھ نامناسب رویے کا نوٹس لے لیا-نواز شریف کی ضمانت پر اظہار تشکر کی قرارداد پنجاب اسمبلی میں جمع کروا دی گئی-عدالتی حکم پر من و عن عمل درآمد کیا جائے گا، ڈاکٹر شہباز گل مریم نواز کی درخواست پر کارڈیالوجی سینٹر جیل کے اندر بنایا گیا تھا ۔ کارڈیالوجی سینٹر میں 21 ڈاکٹرزاور 21 ٹیکنیشن ... مزید-نواز شریف کو ان کی ضمانت پر رہائی کے عدالتی حکم کی اطلاع جیل میں دی گئی-شکر ہے عدالت نے نواز شریف کو باہر جانے کی اجازت نہیں دی، وزیر اعظم لندن میں سیل لگی ہوئی تھی اور نواز شریف وہاں شاپنگ کرنے کے لیے مچل رہے تھے، عمران خان-تاریخی شاہی قلعہ میں واقعہ شیش محل کی سیاحت کے لئے سیاحوں پر 100 روپے مالیت کا ٹکٹ لاگو کر دیا گیا-لاہورہائی کورٹ نے اپوزیشن لیڈر شہبازشریف کا نام ای سی ایل سے نکالنے کا حکم دے دیا-اللہ تعالیٰ کا شکر ہے نواز شریف کو رہائی ملی ،عدالتی فیصلے کو سراہتے ہیں،شہباز شریف-وفاقی جامعہ اردو کراچی میں طلباء گروپوں کے مابین تصادم، کھڑکیاں ،دروازے توڑ دیے گئے انتظامیہ جھگڑا رکوانے میں ناکام ، پولیس اور رینجرز طلب کر لی گئی

GB News

عوام کو سوچنا ہوگا گلگت بلتستان صوبہ بنا توٹیکس بھی دینا پڑے گا، فدا ناشاد

Share Button

قانون ساز اسمبلی کے سپیکر وسینئر سیاستدان حاجی فدا محمد ناشاد نے کہاہے کہ آئینی صوبہ ملے گا تو یقینی طورپر گلگت بلتستان کے عوام پر ٹیکس بھی لگے گا اور ہمیں اپنا بجٹ خود تیار کرنا پڑے گا آئینی صوبے کادرجہ ملنے سے شناخت ضرور ملے گی مگر عوام پر بوجھ بھی پڑے گا اس لئے عوام کو سوچنا پڑے گاآئینی صوبے کے معاملے پر ابھی تک ہم ہی یک آواز نہیں ہیں جب پچھلے دنوں آئینی صوبے کی بات چلی تو ایک طبقے نے کہاکہ آئینی صوبہ کی بنیاد پرٹیکس لگانے کی کوشش کی گئی تو سخت رد عمل آئے گا جب آئینی صوبے کے معاملے پر ہم ہی ایک پیچ پر نہیں ہوں گے توصوبے کا مسئلہ کیسے حل ہوگا ؟ کے پی این سے بات چیت کرتے ہوئے انہوں نے کہاکہ ہمارا روز اول سے یہ مطالبہ رہا ہے کہ ہمیں مکمل یا عبوری آئینی صوبہ دیا جائے سرتاج عزیز کمیٹی کی سفارشات پر عمل درآمد کرایا جائے وزیر اعلیٰ بھی چاہتے ہیں کہ عبوری آئینی صوبہ دیا جائے سرتاج عزیز کمیٹی کی سفارشات سے ہٹ کر کوئی چیز قبول نہیں ہے عبوری آئینی صوبے کے قیام میں حکومت سنجیدہ ہے تو آئین میں ترمیم کیلئے اسمبلی میں بل لائے بل لایا جائے تو پتہ چل جائیگا کہ کون سی جماعت مخالفت کونسی حمایت کرتی ہے ؟ بل اسمبلی میں لانے کے بعد ہمیں بھی اپنے دوست دشمن کی پہچان ہوجائے گی دوتہائی اکثریت نہ ہونے کا بہانہ بناکراسمبلی میں بل نہ لایا گیا تو وفاقی حکومت پر لامحالہ بات آئے گی سرتاج عزیز کمیٹی کی سفارشات ایک طرح سے مسلم لیگ ن کی اپنی سفارشات ہیں پیپلزپارٹی بھی سرتاج عزیز کمیٹی کی سفارشات پر عمل درآمد کا مطالبہ کررہی ہے بتایا جائے کہ اسمبلی میں بل لایا گیا تو مخالفت کون کرے گا؟ حکومت اسمبلی میں پہلے بل تو لائے پھر پتہ چلے گا کہ کون سے لوگ آئینی صوبے کے مخالف ہیں انہوں نے کہاکہ وزیر اعظم عمران خان نے پہلے گلگت بلتستان کو عبوری آئینی صوبہ بنانے کا اعلان کیا تھا مگر دو ہفتہ قبل ان کی رائے تبدیل ہو گئی ہم جاننا چاہتے ہیں کہ وزیر اعظم کی رائے عین وقت پر کیسے تبدیل ہو گئی ؟ انہوں نے کہاکہ گلگت بلتستان کو عبوری آئینی صوبہ بنانے سے کشمیر کا ز کو کوئی نقصان نہیں پہنچے گا جب گلگت بلتستان کے ایک بہت بڑے حصے کو مسئلہ کشمیر کے حل تک چائینہ کو دینے سے کشمیر کاز کو نقصان نہیں پہنچا ہے تو ہمارے علاقے کو عبوری آئینی صوبہ بنانے سے مسئلہ کشمیر کیسے متاثرہوگا عبوری آئینی صوبہ بنانے سے مسئلہ کشمیرکاز کونقصان پہنچنے کی ساری باتیں بہانے ہیں حکومت سنجیدہ ہوں تو ہمارے لئے آئینی صوبہ نہ ملنے کا سوال پیدا نہیں ہوتا ہم چاہتے ہیں کہ ہمیں اپنے تمام حقو ق دیئے جائیں کیونکہ نوجوان نسل بہت مایوس ہو گئی ہے ۔

Facebook Comments
Share Button